Lalai 138 - Ṅmãle̱ Kroṅkroṅ Le̱

¹ David lala. Madao ši ke̱ mitšui mū le̱ fẽ, mala madšie oyi ye̱ nyoṅmo̱i le̱ ahĩe!

² Matšṍ mihĩe mahã oso̱lemo̱we kroṅkroṅ le̱ ni makũla ši, ni madšie ogbe̱i le̱ yi ye̱ omlihĩle̱ ke̱ ono̱kwale le̱ hewo̱; edšake̱ ohã owiemo̱ le̱ etšī fè ogbe̱i le̱ fẽ. Lal. 26,8.

³ Gbĩ ní mibo mitšó̱o le̱, oheremi no̱; owomi ekā̃, ni misusuma ná hewale̱.

⁴ Iehowa, šikpoṅ le̱ no̱ maṅtše̱mei fẽ aadšie oyi, edšake̱ ame̱nu odāṅ wiemo̱i le̱, Ies. 2,3.

⁵ ni ame̱ala Iehowa gbè̱i le̱ ahe lala, edšake̱ Iehowa anumnyam le̱ da.

⁶ Iehowa ye̱ ṅwei šoṅṅ moṅ, ši kẽle̱ ehĩe kã hešibalo̱ he; ši hewolo̱ le̱, eyoo̱le̱ ye̱ šoṅṅ. Lal. 113, 5.

⁷ Ké̱ minyie haomo̱ mli le̱, ohãa miyi náa wala! okpãa onine mli owoo̱ mihenye̱lo̱i le̱ amlifũ le̱, ni oninedšũrõ hereo̱ miyiwala.

⁸ Iehowa *aagbe misane le̱ nā: Iehowa, omo̱bo̱nale̱ le̱ hĩo̱ ši ke̱-yaä nāno̱, kākwa bodientše oninenā nitšumoi le! *Fil. 1,6.