Lalai 130 - Ṅmãle̱ Kroṅkroṅ Le̱

¹ No̱kwo̱le̱i alala. Iehowa, *bu kwo̱ṅkwo̱ṅ le̱ mli miblo̱ö̱ mitšē̱o̱o ke̱-dše̱o̱. *Lal. 69,3.

² Nuṅtšo̱, bo migbē toi! Ka otoii ohã mifaikpamo̱i agbē le̱!

³ Ke̱dši ho, Iehowa, okē̱ oodi nišaianii ase̱ le̱, kũle̱, Nuṅtšo̱, namo po aanyẽ ši adamo̱? Lal. 19,13.

⁴ Ši bo odeṅ *ešaifā yo̱, beni afe ní ašeo gbeyei. *Ies. 66,7. Rom. 6,1. 2.

⁵ Mīkwe̱ Iehowa gbe̱; misusuma mīkwe̱ gbe̱, ni ewiemo̱ le̱ no̱ mihĩe kã.

⁶ Misusuma mīmẽ Nuṅtšo̱ le̱ fè bo̱ni bulo̱i mẽo̱ dšetše̱remo̱, fè bo̱ni bulo̱i mẽo̱ dšetše̱remo̱.

⁷ Israel, ṅõ ohĩe ofõ Iehowa no̱! Edšake̱ Iehowa deṅ mo̱bo̱nale̱ yo̱, ni edeṅ kpõmo̱ ní fá yo̱,

⁸ ni le̱ noṅṅ eekpõ Israel ke̱-adše̱ enišaianii le fẽ mli! Mat. 1,21.