Lalai 110 - Ṅmãle̱ Kroṅkroṅ Le̱

¹ David lala. Iehowa kē̱ minuṅtšo̱le̱ ake̱: “Tá mininedšũrò no̱ ke̱-yaši beyino̱ ni maṅõ ohenye̱lo̱i le̱ mafe onãdšiaši mãṅō.” 1 Kor. 15,25. Heb. 10,12. 13.

² Ohewale̱ tšo le̱, Iehowa aakpã mli ke̱-adše̱ *Zion ahão: Ye lumo̱ ye̱ ohenye̱lo̱i le̱ ateṅ! *Lal. 2,6.

³ Omaṅ le̱ aaba ye̱ ota gbĩ le̱ no̱, ye̱ ame̱suomo̱ nā, *ye̱ hewulamo̱ kroṅkroṅ mli; oblahĩĩ asafo le̱ baä tamo̱ bō̱ dše̱o̱ dšetše̱remo̱ mũsũṅ le̱. *Lal. 29,2.

⁴ Iehowa ekã kitã ni eſaṅ ehe: “Bo dši oso̱fo ke̱-yaši nāno̱ ye̱ Melkizedek gbe̱dšĩano̱ le̱ nā.” 1 Mose 14,18-20. Heb. 5,10; 6,20; 7,17. 21.

⁵ Nuṅtšo̱ le̱ ní yo̱ oninedšũrõ no̱ le̱ aatſia maṅtše̱mei anii ye̱ emlifũ gbĩ le̱ no̱. Lal. 2,2. 5. 9.

⁶ Eekodšo ye̱ dšeṅmãdši le̱ ateṅ, eewo dse̱mei obõ ke̱ gbohĩĩ so̱ṅṅ; eetſa šikpoṅ kpeteṅkple yitšo nõ.

⁷ Eenu fā ní yo̱ gbe̱ toi le̱ mli nu, nohewo̱ le̱ eewó eyitšo no̱. Fil. 2,8. 9.