Lalai 106 - Ṅmãle̱ Kroṅkroṅ Le̱

¹ Haleluya! Nyedaã Iehowa ši, edšake̱ ehĩ; edšake̱ nāno̱ emo̱bo̱nale̱ hĩo̱ ši ke̱-yaä! Lal. 107,1; 118.1; 136,1.

² Namo aanyẽ Iehowa hewale̱ nitšumo̱i le̱ agba, ní ehã anu eyidšiemo̱ le̱ fẽ?

³ Adšō̱ mei ní yeo̱ kitã no̱, ke̱ moni yeo̱ dšale̱ sane befẽbe le̱!

⁴ Iehowa, oke̱ omaṅ le̱ he tšui ni oyo̱ le̱ akaimi; oke̱ oyiwalaheremo̱ le̱ abasrami,

⁵ koni mana ohalamo̱bii le̱ edšũrõyeli le̱, koni manyã́ ye̱ omaṅ le̱ nyã́mo̱ le̱ hewo̱, koni mike̱ ogbe̱fãṅnõ le̱ aſã!

⁶ Wo̱fe eša tamo̱ wo̱tše̱mei le̱ noṅṅ, wo̱fe nišaianii, wo̱ba wo̱dšeṅ efõṅ. Dan. 9,5.

⁷ Wo̱tše̱mei le̱ yoo onākpe̱nii le̱ ase̱ ye̱ Mizraim, ame̱kaii omo̱bo̱nale̱ babaō le̱, ši moṅ ame̱tše atũa ye̱ ṅšo̱ ní dši Ṅšo̱-tšuru le̱ nā. 2 Mose 14,11. 12.

⁸ Ši kẽle̱ egbe̱i le̱ hewo̱ le̱ ehere ame̱yiwala, koni ehã ale ehewale̱ le̱.

⁹ Eṅṍ Ṅšo̱-tšuru le̱ yi, ni egbĩ, ni ekplaame̱ ke̱-tšṍ bu kwo̱ṅkwo̱ṅ le̱ mli tamo̱ ṅãno̱;

¹⁰ ni ehere ame̱yiwala ke̱-dše̱ moni he tšẽo̱ame̱ le̱ deṅ, ni ekpõame̱ ke̱-dše̱ henye̱lo̱ le̱ deṅ,

¹¹ ni nu le̱ ha ame̱haolo̱i le̱ ane̱ gbidī, ame̱teṅ mokomeflo eſe̱e̱.

¹² Ke̱ke̱ ni ame̱he ewiemo̱i le̱ ame̱ye, ame̱la ame̱dšie eyi. 2 Mose 15.

¹³ Ši etše̱e̱ ni ame̱hĩe kpa enitšumo̱i le̱ ano̱, ni ame̱mẽẽ eṅāwō doṅṅ;

¹⁴ ni ame̱di tšinebānii ase̱ ye̱ ṅã le̱ no̱, ni ame̱ka Mawu ye̱ ṅã ole̱ṅle̱ le̱ no̱. 4 Mose 11,4-5.

¹⁵ Ni ehãame̱ ame̱taomo̱nii le̱; ši etšũ lōtā̃ ke̱-ba ame̱susuma mli.

¹⁶ Ni ame̱ke̱ Mose ye awuṅã ye̱ nsra le̱ṅ, ke̱ Aaron, Iehowa mokroṅkroṅ le̱. 4 Mose 16.

¹⁷ Šikpoṅ gba ni emĩ Datan, ni etšĩmo̱ Abiram asafo le̱ no̱ gbidī;

¹⁸ ni la dše ye̱ ame̱safo le̱ mli, lalile̱i šã meifõdši le̱.

¹⁹ Ame̱fe tšinabi hũ ye̱ Horeb, ni ame̱dšá amãgã ni aſie le̱, 2 Mose 32.

²⁰ ni ame̱tšake ame̱numnyam le̱ ame̱tšṍle̱ noko ní tamo̱ tšina ní yeo̱ dſe̱i. Rom. 1,23.

²¹ *Ame̱hĩe kpa Mawu, ame̱yiwalaherelo̱ le̱ ni fe nii wndši ye̱ Mizraim le no̱, *5 Mose 32,18.

²² moni fe nākpe̱nii ye̱ Ham šikpoṅ le̱ no̱ ke̱ gbeyei nibii hũ ye̱ Ṅšo̱-tšuru le̱ṅ le̱.

²³ Nohewo̱ le̱ kũle̱ ekē̱ eefiteame̱, ké̱ dšee Mose, ní ehala le̱, *badamo̱ eke̱ ame̱mligblamo̱ le̱ mli ye̱ ehĩe, ni edšō̱ emlifũ le̱ he, koni ekakpãtã ame̱hĩe le̱. *Ezek. 13,5.

²⁴ Amegbe šikpoṅ fe̱fe̱o le̱ he guo̱, ame̱hee ewiemo̱ le̱ ame̱yee; 4 Mose 11,2-4.

²⁵ ame̱ wie hũhū̃hũ ye̱ ame̱būi le̱ amli; ame̱boo Iehowa gbē toi.

²⁶ Nohewo̱ le̱ ewó enine no̱ ye̱ ame̱no̱, koni ehã ame̱nyõnyõi ye̱ ṅã le̱ no̱,

²⁷ ni eše̱re̱ ame̱seši eſie dšeṅmãdši le̱ ateṅ ní egbe̱ame̱ eſã šikpõdši le̱ ano̱.

²⁸ Ni ame̱ke̱ ame̱he yabo̱ Baal-Peor he, ni ame̱ye gbohĩĩ-afo̱lei le̱, 4 Mose 26,5.

²⁹ ni ame̱ke̱ ame̱nifemo̱nii le̱ wo emli la, ni gbĕle-hela dſa ſie ame̱no̱.

³⁰ Ni Pinehas te ši damo̱ ši ni ekodšo, ke̱ke̱ ni gbĕle-hela le̱ se̱ fo;

³¹ ni abu ene̱ dšale̱ ahãle̱ ke̱-yaši yino̱i fẽ no̱ ke̱-yaä nāno̱. 1 Mose 15,6. 4 Mose 25,12.

³² Ni ame̱wole̱ mlifũ ye̱ Meriba nu le̱ he, ni ame̱hewo̱ le̱ Mose na amane. 4 Mose 20,2-13.

³³ Edšake̱ ame̱tše emumo̱ le̱ hĩe atũa, ni enā kpa.

³⁴ Ame̱kpatãã mãdši le̱ ahĩe hũ, bo̱ni *Iehowa fã́ame̱ le̱, *5 Mose 7,1. 2; 12,2. 3. Kods. 1,28.

³⁵ ši ame̱ke̱ ame̱he futu dšeṅmãdši le̱, ni ame̱kase ame̱nifemo̱nii le̱,

³⁶ ni ame̱súmo̱ ame̱mãgãi le̱, ni ame̱tšṍmo̱ tšõne ame̱hãame̱.

³⁷ Ni ame̱ṅõ ame̱bihĩĩ ke̱ ame̱biyei ame̱šãšã afo̱lei ame̱hã wo̱dši, 3 Mose 18,21.

³⁸ ni ame̱ſie mei ni efeko efõṅ, ni dši ame̱bihĩĩ ke̱ ame̱biyei le̱, alá ši, ni ame̱ke̱-šã afo̱le ame̱hã Kanaan amãgãi le̱, ni ame̱ke̱ lá bule šikpoṅ le̱;

³⁹ ni ame̱ke̱ ame̱nitšumo̱i le̱ wo ame̱he mũdši, ni ame̱bo̱ adſamaṅ ye̱ ame̱nifemo̱nii le̱ amli.

⁴⁰ Nohewo̱ le̱ Iehowa mli wo la wo emaṅ le̱, ni enyãṅe le̱dientše̱ egbe̱faṅnõ le̱,

⁴¹ ni etuame̱ ewo dšeṅmãdši adeṅ, ni mei ní he tšẽo̱ame̱ le̱ ye ame̱no̱; Kods. 2,14.

⁴² ni ame̱henye̱lo̱i le̱ waame̱ yi, ni abaame̱ ši awo ame̱hewale̱ šiši.

⁴³ Edšieame̱ šii abo̱; ši ame̱ke̱ ame̱-kue̱ṅtile̱ le̱ tše ehĩe atũa, ni abaame̱ ši ye̱ame̱nõša le̱ hewo.

⁴⁴ Ši kẽle̱, beni enu ame̱blo̱mo̱ le̱, ekwe̱ ame̱haomo̱ le̱ ehãame̱,

⁴⁵ ni ekai ekpãṅmo̱ le̱ ehãame̱, ni emo̱bo̱nale̱ babaō le̱ nā le̱ eſa ehe;

⁴⁶ ni asaṅ ehã ame̱nii fe mei ní ṅõ ame̱ nom le̱ fẽ mo̱bo̱.

⁴⁷ Heremo̱ wo̱yiwala, Iehowa, wo̱-Nyoṅmo̱, ni obua wo̱nā ke̱-dše̱ dšeṅmãdši le̱ ateṅ, koni wo̱da ogbe̱i kroṅkroṅ le̱ ši, ni wo̱ſã ye̱ oyidšiemo̱ le̱ mli! 5 Mose 30,3.

⁴⁸ Yidšiemo̱ ahã Iehowa, Israel Nyoṅmo̱ le̱, ke̱-dše̱ nāno̱ ke̱-yaši nāno̱, ni maṅ mū le̱ fẽ akē̱: Amen! Haleluya! Lai. 41,14.