Lalai 105 - Ṅmãle̱ Kroṅkroṅ Le̱

¹ Nyedaä Iehowa ši, nyetšé̱a egbe̱i le̱! Nyehãa alea enifemo̱nii le̱ ye̱ mãdšimãdši le̱ ateṅ! Ies. 12,4.

² Nyelaä nyehãale̱! Nyelaä nyedšiea eyi! Nyegbaä enākpe̱ nitšumo̱i le̱ flã!

³ Nyeſãa nyefoa egbe̱i kroṅkroṅ le̱ no̱; mei ni taoo̱ Iehowa se̱gbe̱ le̱ atšui anyõ ame̱mli.

⁴ Nyedia Iehowa ke̱ ehewale̱ le̱ se̱, nyetaoa ehĩegbe̱ dā.

⁵ Nyekaia enākpe̱ nitšumo̱i ní etšu le̱, enākpe̱nii ke̱ kòdšomo̱i ní dše̱ edāṅ le̱,

⁶ nye, etšũlo̱ Abraham sešibii le̱, nye, Iakob bii ni dši ehalamo̱bii le̱!

⁷ Le̱, Iehowa le̱, dši wo̱-Nyoṅmo̱ le̱; ekodšomo̱i le̱ ekpẽle šikpoṅ le̱ no̱ fẽ.

⁸ Ekaio̱ ekpãṅmo̱ le̱ ke̱-yaä nāno̱, wiemo̱ ní eke̱-mã ši ehã yino̱i akpe le̱,

⁹ kpãṅmo̱ ní eke̱ Abraham kpãṅ le̱, ke̱ kitã ní ekã Isak le̱;

¹⁰ ni emã no̱ mĩ́ ehã Iakob ake̱ akpo̱, ke̱ Israel hũ ake̱ nāno̱ kpãṅmo̱ le̱,

¹¹ ake̱: Bo maṅõ Kanaan šikpoṅ le̱ mahã ake̱ nyegbošinii agbe̱fãṅnõ! — 1 Mose 12,7.

¹² be mli ní ame̱yi fáá ko ni ame̱še̱e̱ noko, ni asaṅ ame̱dši gboi ye̱ no̱ le̱;

¹³ nĩ ame̱tšomlo ke̱-dše̱ dšeṅmaṅ kome no̱ ke̱-te dšeṅmaṅ kroko no̱, ke̱-dše̱ maṅtše̱yelihe kome ke̱-te maṅ kroko no̱.

¹⁴ Eṅmẽẽ mokomoko gbe̱ ní efeame̱ efõṅ, ni ekã maṅtše̱mei ye̱ ame̱hewo̱ ake̱: 1 Mose 12,17; 20,3. 7.

¹⁵ “Nyekataä mimei ni mifo̱ame̱ mū le̱ ahe, nĩ migbalo̱i le̱ hũ, nyekafeaame̱ noko!”

¹⁶ Ni esā etšé̱ hõmo̱ ke̱-ba šikpoṅ le̱ no̱, ni ekũ abolo-tšo mū le̱ fẽ. 1 Mose 41,54.

¹⁷ Etšũ nū ko ke̱-tšṍ ame̱hĩe; ahõ Iosef ni eyatšṍ nyṍṅ. 1 Mose 37,28.

¹⁸ Ame̱ke̱ gbokle̱ mla enãdši, esusuma bote dade le̱ mli,

¹⁹ ke̱-yaši beyino̱ ní ewiemo̱ le̱ ba mli, Iehowa wiemo̱ le̱ tšũ ehe.

²⁰ Maṅtše̱ le̱ tšũ ayafẽnele̱, mãdši ano̱yelo̱ hã ayadšiele̱. 1 Mose 41,14.

²¹ Ewole̱ onukpa ye̱ ewe le̱, ke̱ enibii fẽ no̱yelo̱,

²² koni efĩmo̱ elumei le̱ bo̱ni esumoo̱, ni etšõ emaṅ onukpai le̱ anilē.

²³ Ni Israel ba Mizraim, ni Iakob bato gbo̱ ye̱ Ham šikpoṅ le̱ no̱. 1 Mose 46,1.

²⁴ Ni ehã emaṅ le̱ yi fá naakpa, ni ehã ame̱he wa fè ame̱haolo̱i le̱. 2 Mose 1,7. 12.

²⁵ Etšṍ ame̱tšui ni ame̱nye̱ emaṅ le̱, ni ame̱ke̱ etšũdsi le̱ ye ṅā mli.

²⁶ Etšũ etšũlo̱ Mose, ke̱ Aaron, moni ehala le̱.

²⁷ Ame̱fe ekadii le̱ ye̱ ame̱teṅ, ke̱ enãkpe̱nii le̱ hũ ye̱ Ham šikpoṅ le̱ no̱. 2 Mose 3-12.

²⁸ Etšũ duṅ, ni ehã ebawo, ni ame̱tšee ewiemo̱i le̱ ahĩe atũa.

²⁹ Ehã ame̱nui le̱ tšṍmo̱ lá ní eṅõ-gbe ame̱lōi le̱.

³⁰ Ame̱šikpoṅ le̱ wowō ko̱ko̱denei ye̱ ame̱maṅtše̱mei le̱ apiai amli tete.

³¹ Ewie, ni ofo̱ii ba, ke̱ tõṅtõṅi hũ ye̱ ame̱kpokpai le̱ fẽ no̱.

³² Nyoṅmo̱ne̱mo̱ nãdšiaṅ le̱ ehãame̱ nyoṅmo̱ṅte̱ ke̱ lalileii hũ ye̱ ame̱šikpoṅ le̱ no̱.

³³ Etſia ame̱weintšei ke̱ ame̱gbãmitšei le̱ anii, ni ekũmo̱ ame̱kpokpai le̱ ano̱ tšei le̱.

³⁴ Ewie, ni bālabii ba ke̱ otukpe̱i hũ ní alee ame̱yibo̱,

³⁵ ni ame̱ye ame̱šikpoṅ le̱ no̱ bāĩ fẽ, ni ame̱ye ame̱ṅmõdsi aši nii.

³⁶ Ni etſia ame̱šikpoṅ le̱ no̱ kromo̱bii le̱ fẽ ní dši ame̱hewale̱ fẽ šišidšē le̱ nii.

³⁷ Ni edšieame̱ ke̱-dše kpo ke̱ *dſie̱te̱i ke̱ šika, ni gbomo wudo̱wudo̱ komeflo be̱ ame̱kutšei le̱ amli. *2 Mose 12,35.

³⁸ Mizraim nyã́ ye̱ ame̱dše̱idšē le̱ hewo̱, edšake̱ ame̱he ṅmiṅmi emõmo̱ame̱.

³⁹ Ele atatu mli eke̱-fe no̱hānõ, ke̱ la hũ ni ahã dšeṅ atše nyōṅ. 2 Mose 13,21.

⁴⁰ Ame̱bi, ni ehã trako̱ko̱i ba, ni ehã ame̱tŏ̱ro̱ ke̱ ṅwei abolo. 2 Mose 18,13-15. Ioh. 6,31.

⁴¹ Egble te̱sā nā, ni nui tue ke̱-ho, ame̱tšẽo̱ foi ye̱ hei ní egbi tamo̱ fā. 2 Mose 17,6.

⁴² Edšake̱ ekai ewĩemo̱ kroṅkroṅ le̱ ke̱ etšũlo̱ Abraham.

⁴³ Ni edšie emaṅ le̱ ke̱-dše kpo ke̱ mīše̱, ke̱ ehalamo̱bii le̱ hũ ke̱ nyã́mo̱ lala;

⁴⁴ ni eṅõ dšeṅmãdši le̱ ašikpõdši ehãame̱, ni ame̱ṅõ mãdšimãdši le̱ anitšumo̱nii le̱ ame̱fe ame̱nõ,

⁴⁵ beni afe ní ame̱to ekpo̱i le̱, ni ame̱ye emlai le̱ ano̱. Haleluya!