Kolosebii 3 - Ṅmãle̱ Kroṅkroṅ Le̱

¹ Nohewo̱ le̱, ké̱ *atēnye ke̱ Kristo fĕ ši le̱, nyetaoa nii ni yo̱ ṅwei, heni Kristo yo̱ ni etá Nyoṅmo̱ ninedšũrõ no̱ ye̱ le̱; *2,12.

² nii ni yo̱ ṅwei le̱ ahe nyedſẽṅa, dšee nii ni yo̱ šikpoṅ le̱ no̱ le̱. Mat. 6,33.

³ Edšake̱ *nyegboi, ni aṅõ nyewala le̱ ke̱ Kristo fẽ atẽ ye̱ Nyoṅmo̱ mli. *Rom 6,2.

⁴ Beni Kristo, moni dši wo̱wala le̱, aapue le̱, no le̱ nye hũ nyeke̱le̱ aapue ye̱ *anumnyam mli, *1 Kor. 15,43.

⁵ Nohewo̱ le̱ nyegbea nyehenii ni yo̱ šikpoṅ le̱ no̱ le̱: adſamaṅbó̱, nyãṅemo̱nitšumo̱, mlila, ako̱no̱ fõṅ, ke̱ hĩedšōmo̱ ni dši wo̱ṅdšámo̱ le̱, Rom. 6,5; 3,13.

⁶ nii ahewo̱ ni Nyoṅmo̱ mlifũ baä toigbĕle bii le̱ ano̱ le̱, Ef. 5,6.

⁷ nii amli ni nye hũ nyenyie sá, beni nyehīe kãmo̱ ye̱ mli le̱,

⁸ Ši agbe̱ne̱ le̱ nye hũ nyeše̱re̱a ne̱ke̱ nii ne̱ fẽ nyeſiea, nii ni dši mlifũ, mlila, nišaianii, musubō̱-wiemo̱, hĩegbedši-awie-mo̱ le̱, ke̱-dše̱a nyedãṅ. Ef. 4,31. 29.

⁹ Nyekamalemalea nyehe, edšake̱ nyedšie gbomo momo le̱ ke̱ enitšumo̱i le̱ nyeſie, Ef. 4,25. 22.

¹⁰ ni *nyewo gbomo hĕ ni tšõo̱ ehē ekoṅ ke̱-yaä nilē mli ye̱ moni bo̱le̱ le̱ †subãṅ le̱ nā; *Ef. 4,24. †1 Mose 1,27.

¹¹ heni Helanyo ke̱ Iudanyo, ketiafolo̱ ke̱ fōlo̱, dšekõnyo ke̱ Skitenyo, nyõṅ ke̱ odehe ko be̱ doṅṅ, ši moṅ Kristo dši nii fiã ye̱ mei fē mli le̱. Gal. 3,28.

¹² Nohewo̱ le̱, ake̱ noni Nyoṅmo̱ *halamo̱bii, meikroṅkroṅi ke̱ suomo̱mei dšinye ne̱ le̱, nyewoa mũsũṅtšõle̱, mlihile̱, hešibādſẽṅmo̱, mlidšo̱le̱, tšuišitõ, *1 Pet 2,9.

¹³ ni ke̱dši moko ke̱ moko ná sane ko le, nyenanaä nyehāa nyehe ni nyeke̱-fafaä nyehe, take̱ bo̱ni Kristo hũ ṅõ-fanye le̱, nakai nyehũ nyefea; Mat. 6,14. Ef. 4,2. 32.

¹⁴ ši ene̱mei fẽ se̱ le̱ nyewoa suomo̱ ni dši emūyeli kpã le̱. Rom. 13,8. 10.

¹⁵ Ni nyehãa Nyoṅmo̱ *hedšo̱le̱ le̱ ayea lumo̱ ye̱ nyetšuii amli, nõ he hũ ni atšé̱nye ke̱-ba ye̱ †gbomotšo kome mli le̱, ni nyelea šidā. *Fil 4,7. †1 Kor. 12,13. 27.

¹⁶ Nyehãa Kristo wiemo̱ le̱ ahĩa nyemli babaō ye̱ nilē-fē-nilē mli; ni nyetšõa nyehe nii ni nyewiea nyetšõa nyehe ye̱ *saṅkũtſãi ke̱ yidšiemo̱lalai ke̱ mumo̱ṅ-lalai amli, ni nyeke̱ šidã alaā ye̱ nyetšuii amli nyehãa Nyoṅmo̱; *Ef. 5,19.

¹⁷ ni nofẽno ni nyefeo̱ ye̱ wiemo̱ lo nitšumo̱ gbe̱fãṅ le, nyefea fẽ ye̱ Iesu Kristo gbe̱i amli, ni nyetšōa eno̱ nyedaä Nyoṅmo̱ ke̱ tše̱ le̱ ši, 1 Kor. 10,31.

¹⁸ Nye yeigbãyei le, nyebaä nyehe ši nyehãa nyewũmei, take̱ bo̱ni sa ye̱ Nuṅtšo̱ le mli le̱.

¹⁹ Nye wùmei le̱, nyesumo̱a nyeṅãmei, ni nyemli akadšoa ye̱ ame̱no̱. 1 Pet. 3,7.

²⁰ Nye bii le̱, nyeboa nyefo̱lo̱i atoi ye̱ nibii fẽ gbe̱fãṅ; edšake̱ no sa Nuṅtšo̱ le̱ hīe dšogbāṅ.

²¹ Nye tše̱mei le̱, nyekawoa nyebii amli la, koni ame̱tšui ãkafã.

²² Nye tšũdši le̱, nyeboa nyehelo gbe̱fãṅ nuṅtšo̱mei le̱ atoi ye̱ nibii fẽ mli, dšee ke̱ hĩeaṅsúomo̱, tamo̱ mei ni taoo̱ gbomei ahĩenyam, ši moṅ ye̱ tšui kro̱ṅṅ mli ake̱ mei ni šeo̱ Nyoṅmo̱ gbeyei.

²³ Ni nofẽno ni nyefeo̱ le̱, nyedšiea nyemũsũṅ nyetšua, take̱ Nuṅtšo̱ le̱ nyetšuo̱ nyehã ni dšee gbomei,

²⁴ ni nyele ake̱ Nuṅtšo̱ le̱ deṅ nyenine baše̱ gbošinii le̱ ano̱ ye̱ ake̱ nyenyõmo̱wo; edšake̱ Nuṅtšo̱ Kristo nyesúmoo̱.

²⁵ Ši moni feo̱ nii ni edšaa gbe̱ le̱ aaná nii ni edšaa gbe̱ le̱ he nyõmo̱wo, ni hĩeiaṅkwe̱mo̱ ko be̱ṅ, Rom. 2,11.