Kolosebii 1 - Ṅmãle̱ Kroṅkroṅ Le̱

¹ Paulo, ni dši Iesu Kristo bo̱fo ye̱ Nyoṅmo̱ suomo̱ nā, ke̱ wo̱nyemi Timoteo le̱,

² ṅmā yahã hetšelo̱i ni yo̱ Kolose le̱ ke̱ nyemimei heyelilo̱i ni yo̱ Kristo mli le̱: Dromo̱ ke̱ hedšo̱le̱ ni dše̱ wo̱tše̱ Nyoṅmo̱ le̱ ke̱ Nuṅtšo̱ Iesu Kristo deṅ le̱ ahānye. Rom, 1,17.

³ Wo̱daä Nyoṅmo̱ ke̱ wo̱-Nuṅtšo̱ Iesu Kristo tše̱ le̱ ši ye̱ nyehewo̱ dãne̱ ye̱ wo̱so̱lemo̱i amli,

⁴ ake̱-ni wo̱nu nye-Kristo Iesu no̱ hemo̱-ke̱-yeli ke̱ nyesuomo̱ ni nyeke̱-sumoo̱ hetšelo̱i le̱ fẽ le̱ he le̱, Ef 1,15.

⁵ ye̱ hīeno̱kãmo̱ ni aṅō-to ahãnye ye̱ ṅwei le̱ hewo̱, noni nyenu momo ye̱ sanekpakpa le̱ ano̱kwale wiemo̱ le̱ mli le̱,

⁶ noni eše̱ nyeṅõ take̱ bo̱ noṅṅ ni eyo̱ ye̱ dšeṅ mū le̱ fẽ mli, ní ewoo̱ yibii ni eſereo̱, take̱ bo̱ni efeo̱ ye̱ nye hũ nyeteṅ ke̱-dše̱ gbĩ no̱ ni nyenu ni nyená nyele Nyoṅmo̱ dromo̱ le̱ ye̱ ano̱kwale mli le̱;

⁷ take̱ bo̱ni nyekase hũ ye̱ *Epafra, moni dši wo̱nanyo-tšũlo̱ ni wo̱sumoo̱, ni dši Kristo anokwa-sũolo hãnye le̱ nā le̱, *4,12.

⁸ le̱ noṅṅ ebagbawo̱ nyesuomo̱ ni yo̱ mumo̱ mli le̱ he sane.

⁹ Ene̱hewo̱ le̱ wo̱ hũ, ke̱-dše̱ gbĩ no̱ ni wo̱nu le̱, *wo̱fõko so̱lemo̱ ke̱ faikpamo̱ ke̱ nye hãmo̱, koni nyeyimo̱ obõbõ ke̱ esuomo̱nānii alē ye̱ mumo̱ṅ nilē ke̱ šišinamo̱ fē mli; *Ef. 1,16. 17.

¹⁰ koni nyenyie bo̱ni sa Nuṅtšo̱ le̱ ni asa ehĩe kwrā, ni nyewo yibii ye̱ nitšumo̱ kpakpa-fẽ-nitšumo̱ kpakpa mli, Ef. 4,1. Fil. 1,27.

¹¹ ni nyeſere ye̱ Nyoṅmo̱ *he nilē mli, ni ake̱ hewale̱ fē awadšenye ye̱ enumnyam-nyēmo̱ le̱ nā ye̱ tšuišiṅmĕ ke̱ dſēṅmo̱ ni se̱ tše̱o̱ fẽ mli; *1 Kor. 1,5.

¹² ni nyeke̱ mīše̱ adaä tše̱ le̱ ši, moni hã wo̱sa mei ni yeo̱ kroṅkroṅbii agbošinii le̱ eko ye̱ la mli, Ef 1,11.

¹³ ni edšiewo̱ ke̱-dše̱ duṅ hewale̱ le̱ mli, ni eke̱wo̱ bato esuomo̱bi le̱ maṅtše̱-yeli le̱ mli le̱, 2,15

¹⁴ le̱ emli noṅṅ wo̱ná kpõme̱ le̱ ṅi dši wo̱he ešai fā le̱ ye̱, ye̱ elá le̱ hewo̱; Ef. 1,7.

¹⁵ mo noṅṅ ni dši Nyoṅmo̱ ni anaa le̱ subāṅ, bō̱nii fẽ ateṅ kromo̱bi le̱. Heb 1,3

¹⁶ Edšake̱ emli abo̱ nii fiā ye̱, nii ni yo̱ ṅwei ke̱ nii ni yo̱ šikpoṅ le̱ no̱, nii ni anaä ke̱ nii ní anaa, maṅtše̱sẽii dšio, no̱yelii dšio, onukpayelii dšio, hegbe̱i dšio, nii le̱ fẽ le̱, eno̱ atšō abo̱, ni le̱ noṅṅ abo̱ ahã. Ioh. 1,8. 10.

¹⁷ Ni le̱ noṅṅ eyo̱ dãni nii fiã yo̱, ni nii fiã le̱, emli noṅṅ emãmo̱ ši ye̱, Abe̱i 8,25-27.

¹⁸ Ni le̱ noṅṅ dši gbomotšo le̱ ni dši asafo le̱ *yitšo, moni dši šišidšē le̱, gbohīī ateṅ †kromo̱bi le, koni le̱ efe kleṅkleṅmo ye̱ nii fiā mli. *Ef. 1,22. †Bof. 26,23. Kpods. 1,5.

¹⁹ Edšake̱ esa (Nyoṅmo̱) hĩe ake̱ obõyimo̱ le̱ fẽ ahĩ amli; 2,9. loh. 1.16.

²⁰ ni etšõ le̱ noṅṅ eno̱ ekpãtã eke̱ nibii fẽ teṅ kwrā, nii ni yo̱ šikpoṅ no̱ ke̱ nii ni yo̱ ṅwei le̱, ake̱-ni le̱dientše̱ etšō eseṅmotšo lá le̱ no̱ ehã hedšole ba le̱. Ef. 1,10. 1 Ioh. 2,2.

²¹ Ni nye ni sá ni nyedši *meikpõdši ke̱ †henye̱lo̱i ye̱ nyedſẽṅmo̱ ke̱ nitšumo̱i fõdši le̱ amli le̱, *Ef 2,12; 4.18. †Rom. 5,10.

²² agbe̱ne̱ eke̱ ehelo gbomotšo le̱ etšō gbĕle mli eṅõ-kpãtãnye, ni *eke̱nye adamo̱ ši ake̱ meikroṅkroṅi ni he be̱ kpa ko lo nāflo̱mo̱ ko ye̱ ehĩe; *Ef. 5,27.

²³ ke̱dši nyehĩe heme̱-ke̱-yeli le̱ mli ni nyedamo̱ ši šiṅṅ, ni nyetšĩṅ nyehe ke̱-dše̱ṅ sanekpakpa le̱ ni nyenu ni ašie̱o̱ atšõo̱ bō̱nii fẽ ni yo̱ ṅwei šiši le̱, ni mi Paulo misúmoo̱ ye̱ he le̱, no̱hĩekãmo̱ le̱ he le̱.

²⁴ Agbe̱ne̱ mimī še̱o̱ ye̱ mimanehũlũi ni minaä ye̱ nyehewe̱ le̱ amli, ni mihãa nii ni ſe̱ ye̱ Kristo amanehũlũi le̱ amli le̱ yio̱ obõ ye̱ mihelo le̱ mli hã egbomotšo ni dši asafo le̱, Ef. 3,13.

²⁵ nō súolo̱ ni mitšō ye̱ Nyoṅmo̱ gbe̱dšiano̱tō ni atu awo mideṅ ye̱ nyegbe̱-fãṅ le̱ nā, ake̱ mihã Nyoṅmo̱ wiemo̱ le̱ aba mli;

²⁶ noni dši tēmo̱sane ni aṅõ-tē ke̱-dše̱ tetĕte ke̱ yino̱i le̱ ano̱ le̱, ši agbe̱ne̱ le̱ adšie kpo atšõ emeikroṅkroṅi le̱, Rom. 16,25. 26.

²⁷ mei ni Nyoṅmo̱ *sumoo̱ ake̱ ahã ame̱le noni dši ne̱ke̱ tēmo̱sane ne̱ anumnyam fále̱ le̱ ye̱ dšeṅmãdši le̱ ateṅ, ni dši Kristo ye̱ nyemli, anumnyam le̱ *no̱hĩekãmo̱ le̱; *1 Tim. 1,1.

²⁸ mo he sane ni wo̱dšadšeo̱, ni wo̱woo̱ gbomo-fē-gbomo ṅā, ni wo̱tšõo̱ gbomo-fē-gbomo nii ye̱ nilē-fē-nilē mli, koni wo̱ke̱ gbomo-fẽ-gbomo adamo̱ ši ake̱ moni *eye emũ ye̱ Kristo Iesu mli, *K. 22.

²⁹ no he deṅme migboo̱ ni mipleo̱ ye̱ nitšumo̱ ni ake̱ hewale̱ tšuo̱ ye̱ mimli le̱ nā.