Hosea 11 - Ṅmãle̱ Kroṅkroṅ Le̱

¹ Beni Israel dši gbekẽ le̱, no mli mi-sumo̱le̱, ni *Mizraim tō̃ mitšé̱ mibi le̱ ke̱-dše̱. *3 Mose 4,22. Mat. 2,15.

² Beni ame̱tšé̱ame̱ le̱, ame̱dše ame̱hĩe ame̱te, ame̱yašã afo̱le ame̱hã Baalim, ni ame̱šã tšofã-ke̱-ṅma ame̱hã amãgãi.

³ Ši mife Efraim tatā, miholeame̱ ye̱ mikpo̱ko̱iaṅ; ši ame̱lee ake̱ mitšáame̱.

⁴ Gbomei akpãi mike̱-gblaame̱i ke̱ suomo̱ tãṅkpēi hũ, ni mife tamo̱ moni wóo̱ apã no̱ ye̱ ame̱kadāi ano̱, ni mike̱ niyenii mã ame̱hĩe.

⁵ Ekũṅ ene̱ ke̱-yaṅ Mizraim šikpoṅ le̱ no̱ doṅṅ, ši Ašur dši emaṅtše̱; edšake̱ ame̱kplẽẽ se̱kū̃.

⁶ Ni klante aakpa emădši le̱ ano̱, ni eefite egbóiase̱-adabãṅi le̱, ni eekpãtã hĩe ye̱ ame̱dšinatōi le̱ ahewo̱.

⁷ Ši mimaṅ le̱ fo̱ö̱ se̱se̱yā; ni ké̱ ātšé̱ame̱ ke̱-ya ṅwei le̱, ame̱teṅ mokomoko wóó ehe no̱.

⁸ Té mafe tẽṅ maṅmē̃ oheṅ, Efraim? Té mafe tẽṅ madšieo mahãṅ, Israel? Té mafe tẽṅ mafeo tamo̱ *Adăma, ni maṅõo mamã ši tamo̱ Zeboim hũṅ? †Mitšui etšṍ ye̱ mimli, mimo̱bo̱nale̱ le̱ ehe mi-mli fẽ! *5 Mose 29,22. †Ier. 31,20.

⁹ Mifeṅ ye̱ mimlifũ ní nā wa le̱ ta; mikũṅ mise̱ mĩtafiteṅ Efraim; edšake̱ Nyoṅmo̱ dšimĩ, ši dšee gbomo, mokroṅkroṅ ní yo̱ oteṅ le̱, ni mibaṅ ke̱ mlila. Yãfó 3,31-35.

¹⁰ Ame̱anyie Iehowa se̱; *eehū̃ tamo̱ dšata; edšake̱ eehū̃, ni †bii le̱ ke̱ hekpokpomo̱ aadše̱ anaigbe̱ aba. *Ies. 31,4. 6. Ier. 25,30. †Hos. 2,1.

¹¹ Ame̱ke̱ hekpokpomo̱ aadše Mizraim aba tamo̱ loflõ, ni ame̱adše̱ Ašur šikpoṅ le̱ no̱ ame̱aba tamo̱ okpo; ni mahã ame̱-bahī ame̱wei le̱! Iehowa kē̱.