Hiob 34 - Ṅmãle̱ Kroṅkroṅ Le̱

¹ Ni Elihu sā here no̱ ni ekē̱:

² Nyeboa miwiemo̱i le̱ atoi, nye nilelo̱i! ni nye mei ní le noko hũ, nyefea toi nyehãami!

³ Edšake̱ toi kaä wiemo̱i ekwe̱o̱, tamo̱ bo̱ni dā saä niyenii anā le̱. 12,11.

⁴ Nyehãa wo̱halaä noni dša wo̱hãa wohe, wo̱yo noni hĩ ye̱ wo̱teṅ.

⁵ Ši Hiob ekē̱ ake̱: “Dšalo̱ dšimi, ni kẽle *Mawu eṅõ midšale le ke̱-te; 33,9; *27,2.

⁶ dšalo̱ dšimi moṅ, ši kẽle̱ *abumi amalelo̱; †migãi nā fla le̱ ehĩĩ tšamo̱, tše̱ no̱tõmo̱ ko be̱ mihe.” *9,15. 20. †6,4.

⁷ Nē nū yo̱ ní tamo̱ Hiob ni nuo̱ musubō̱ tamo anuo̱ nu? 15,16.

⁸ ni ke̱ mei ni tšuo̱ nišaianii bo̱ö̱ asafo, ni eke̱ gbomei fõdsi nyieo̱? Lal. 1,1.

⁹ Edšake̱ ekē̱ ake̱: “Ebe be̱ se̱námo̱ hã gbomo ake̱ eke̱ Nyoṅmo̱ aabo nanyo.” 9,29.

¹⁰ Nohewo̱ le̱, nye mei ní nyeyo̱ dſẽṅmo̱, nyeboami toi: Ene̱ akagbale Mawu ake̱ eefe nõfõṅ, ke̱ Ofe le̱ hũ ake̱ eefe noko ní edšaa gbe;

¹¹ ši moṅ gbomo nitšumo̱ he nyõmo̱ ewoo̱le̱, ni bo̱ni mo onyieo̱ le̱, nakai ehãa baä ono̱. Rom. 2,5.

¹² Asano̱kwa, Mawu yeṅ sane ní edšaa, ni Ofe le̱ tšṍṅ sane hĩe ebuṅ ši. 19,9.

¹³ Namo tu šikpoṅ le̱ wo edeṅ? lo namo to dšeṅ mū le̱ fẽ šiši?

¹⁴ Ke̱dši le̱dientše̱ ehe no̱ ke̱ke̱ edſẽṅo̱ ni ehã e-Mumo̱ ke̱ emumo̱ ni emūo̱ fẽ kpale ke̱-ba eṅõ le̱,

¹⁵ kũle̱ plenēmo̱ helo fẽ aaplenē ši-kome, ni gbomo aakũ se̱ atšṍ sũ ekoṅ. 1 Mose 3,19. Lal. 104,29.

¹⁶ Bĕle̱ ké̱ oye dſẽṅmo̱ le̱, bo ene̱ toi, femo̱ toi ohã miwiemo̱i agbē le̱.

¹⁷ Aso moni nye̱o̱ dšale sane le̱, eenyẽ mei ano̱ eye? Alo oobu moni dša ní ehe wa le̱ fo̱?

¹⁸ Ani ake̱o̱ maṅtše̱ ake̱: “Yakagbomo dšio!” ke̱ lume̱i hũ ake̱: “Gbomei fõdsi dšinye”?

¹⁹ Ahũ ní moni kwe̱e̱ onukpai ahĩe, ni ebuu niiatše̱ fè ohĩafo; edšake̱ enine-nā nitšumo̱ dši ame̱fẽ-kwa le̱.

²⁰ Trukā ame̱gboio̱, nyōṅ teṅ po: mei ahe kpokpoo̱ ni ame̱hoo̱ ke̱-yaä; ni alōo̱ hewalo̱i hũ ke̱-yaä, ní dšoe ádesã nine nā.

²¹ Ši ehĩṅme̱ii dſere gbomo gbè̱i ano̱, ni enaä enãdšifãmo̱i fẽ. 31,4. Abe̱i 6,21.

²² Duṅ be̱, ni asaṅ gbĕlehō̃ṅ ko be̱, heni mei ni tšuo̱ nišaianii le̱ aate ame̱he ye̱. Lal. 139,11. 12.

²³ Edšake̱ ehĩaale̱ ake̱ esra gbomo āhũ, dãni eya Mawu ṅõ ye̱ kodšomo̱ mli.

²⁴ Ekūmoo̱ hewalo̱i ní etaoo mli, ni eṅõo̱ meikrokomei etoo̱ ame̱nãdšiaṅ.

²⁵ Nohewo le̱ ele ame̱nitšumoi le̱, ni ebutuo̱ame̱ nyõṅ, ni ame̱hĩe kpãtãa.

²⁶ Eyio̱ame̱ tamo̱ ayio̱ meifõdši ye̱ heni mei fè aana;

²⁷ edšake̱ ame̱kpale ke̱-dše ese̱, ni ame̱dſẽṅṅ egbè̱i le̱ eko eko no̱,

²⁸ ni ame̱hãa ohĩafoi ablo̱mo̱ baä eṅẽ ni enuo̱ mei ní efĩame̱ le̱ bù ablo̱mo̱. 2 Mose 22,28.

²⁹ Ké̱ le̱ ēhã hedšo̱le̱ le̱, bĕle̱ namo aabu fo̱? ni ké̱ eke̱ ehĩe tē le̱, namo aanale̱? dšeṅmaṅ dšio, mokome dšio:

³⁰ beni afe ní mofõṅ akaye maṅtše̱, ni ekatšõ̀ maṅ le̱ tšõne.

³¹ Ši ani moko ekē̱ Mawu ake̱: “Agbla mitoi, mifeṅ efõṅ doṅṅ;

³² noni minaa le̱, tšõmo̱mi; ké̱ mife nõša dšiṅṅ, mifeṅ doṅṅ?” 40,5.

³³ Ani bo̱ni ebatšo eto nãdšiaṅ ehã le̱, bo odeṅ ebadše̱? [hewo̱ ni eekē̱o ake̱:] ké̱ osumo̱o̱ ene̱ le̱, bĕle̱ bodientše̱ halamo̱ ye̱ minãdšiaṅ, ni ké̱ ole noko le̱, ké̱mo̱!

³⁴ Mei ní yo̱ dſẽṅmo̱ aakē̱mi, ni nilelo̱-fẽ-nilelo̱ ní boo̱mi toi le̱ aake:

³⁵ “Hiob le̱, dšee dſẽṅmo̱ eke̱-wie, ni ewiemo̱i le̱, nilē be̱ mli. 38,2.

³⁶ Miná ni aka Hiob ke̱-yaši nãgbē ye̱ hetōi ni ehã tamo̱ meifõdši le̱ ahewo̱!

³⁷ Edšake̱ eke̱ *musubō̱ efata ehe esa le̱ he; etſa edẽ tete ye̱ wo̱teṅ, ni ewie babaō eši Mawu.” *K. 6.