Hiob 31 - Ṅmãle̱ Kroṅkroṅ Le̱

¹ Kpãṅmo̱ mike̱ mihĩṅme̱ii kpãṅ, bĕle̱ té aafe tēṅ ní makwe̱ oblayō hũ? Mat. 6,28. 29.

² Edšake̱ kũle̱ mẽ nyõmo̱wo maná ke̱-adše̱ Nyoṅmo̱ ni ye̱ ṅwei le̱ deṅ? ni meni dši migbe̱fãṅnõ ní maná ye̱ Ofe le̱ ní ye̱ ṅwei flōflo le̱ deṅ?

³ Ani dšee hĩekpãtãme̱ kã ši hã meifõdši, ke̱ ošrã hã mei ní tšuo̱ nišaianii le̱?

⁴ Nto enaã migbè̱i le̱, ni ekaneo̱ minãdšifãmo̱i fẽ? 25,10.

⁵ Ke̱dši minyie ye̱ kũtũmpo̱o mli, ni minane ye oyái ye̱ šišiumo̱ he le̱:

⁶ no le̱ Nyoṅmo̱ aṅmẽmi ye̱ dšale̱ nsẽni mli, ni ena ake̱ kpa ko be̱ mihe!

⁷ Ke̱dši minane gbá ke̱-dše̱ gbe le̱ no̱, ni mitšui nyie mihĩṅme̱ii ase̱, ni mũdši ko kpe̱te̱ minidši ahe le̱: Lal. 7,4-6.

⁸ no le̱ madũ nii, ni mokroko aaye; ni aafãmo̱ miṅmõšinii aſie.

⁹ Ke̱dši mitšui emo yō ko pēṅ, ni miya wo ká ye̱ minanyo šĩnāši le̱:

¹⁰ no le̱ hã miṅã aw̌ie̱ aha mokroko, ni meikrokomei akoto eno̱; 5 Mose 28.30. 2 Sam. 12,11.

¹¹ edšake̱ no le̱ hĩegbedši asane ni, ni edši nõša ní sa ake̱ kodšolo̱i awo he nyõmo̱;

¹² edši la ní šãa ke̱-yašio̱ lãdšemo̱bu le̱ mli, ni eefãmo̱ minibānii fẽ eſie.

¹³ Ke̱dši miyee miwenū lo miweyō dšale̱ sane, beni ame̱ke̱mi ená le̱:

¹⁴ no le̱ ké̱ Mawu te ši le̱, té mafe tēṅ? ni ke̱dši eba sramo̱ le̱, mẽ hetō mahāle̱?

¹⁵ Ani dšee moni femi ye̱ mũsũṅ le̱ noṅṅ fele̱? ni dšee mokome šō wo̱fẽ ye̱ mũsũ mli? Ef. 6,9.

¹⁶ Ke̱dši mikãmã ohĩafoi nii ní ame̱-taoo, ni mihã okũlafo hĩṅme̱ii fe šrãkē, 29,12.

¹⁷ ni asaṅ mikometō miye mitrõmã le̱, ni awusã yee eko le̱; —

¹⁸ dabi, miblahĩaṅ bēbe edše̱ eke̱mi da ake̱ etše̱, ni minye mũsũṅ bēbe midše̱ miwále̱; —

¹⁹ ke̱dši mina moko ní efĩle̱ ní mama be̱ ehe, alo ohĩafo ko ní be̱ noni eke̱-aha ehe le̱, — Ies. 58,7.

²⁰ ke̱dši ehe̱ edšō̱ō̱mi, ni mito hetšo̱i hãã ehe afe kulō̱ le̱, —

²¹ ke̱dši miwó minine no̱ ye̱ awusã ko ne̱, edšake̱ mina miyeli-ke̱-buamo̱ ye̱ *koi le̱ ši le̱: — *29,7.

²² no le̱ hã mikõṅ akpo̱ ye̱ mikõṅwu le̱ he, ni minine hũ atše ke̱-dše̱ wu le̱ he!

²³ Edšake̱ mīše Mawu hĩekpãtãmo̱ le̱ gbeyei, ni minyẽṅ egbodšē le̱ hĩe madamo. 32,22.

²⁴ Ke̱dši miṅõ šika mife mibobānõ, ni mitšé̱ *šika kro̱ṅṅ ake̱ mihĩeno̱kãmo̱ le̱, — *Lal. 32,9.

²⁵ ke̱dši minyá ake̱ minii ní miná le̱ fá, ni minine eše̱ nii babaō no̱ le̱, —

²⁶ ke̱dši mikwe̱ hũlũ, bo̱ni etšoo̱, ke̱ nyoṅtšēre, bo̱ni enyieo̱ ni ekpe̱o̱ fe̱fe̱o le̱, 5 Mose 4,19.

²⁷ ni elaka mitšui ye̱ tēmo̱ mli, ni minãbu *ſo̱ minine he hãame̱ le: *1 Maṅ. 19,18.

²⁸ no hũ dši nõša ní sa ake̱ kodšolo̱i awo he nyõmo̱; edšake̱ kũle̱ mikwa Mawu ni yo̱ ṅwei le̱.

²⁹ Ke̱dši minyã́ ye̱ ošrã ní ešrã mihenye̱lo̱ le̱ hewo̱, ni mimli flimi, beni amanehũlũ eba eno̱ le̱, — Lal. 35,13. Abe̱i 24,17.

³⁰ ši miṅmẽẽ minābu gbe̱ ni efe eša, ni mike̱ lōmo̱ atao egbĕle; — 1 Pet. 3,9.

³¹ ke̱dši mišīabii le̱ ekē̱ē̱ ake̱: Wo̱teṅ namo yeko edeṅ lō eto̱ko dã! —

³² Gbo̱ ko gbo̱ ko etoo blohũṅ, migbleo̱ mišĩnāi le̱ mihãa gbe̱nyielo̱; — 1 Mose 19,2. Heb. 13,3.

³³ ke̱dši mitšĩmo̱ mino̱tõmo̱ le̱ no̱ tamo̱ Adam, ni miṅõ minõša le̱ mitē ye̱ mimīnā;

³⁴ edšake̱ mīše mei babaō le̱, ni wekumei ahĩegbē mīwo mihe gbeyei, ni mife diṅṅ ni midše̱e̱ mišĩnā le̱ nā midšee kpo le̱. —

³⁵ Ō miná moko ni aabomi toi! Na, minine nā okadi ne̱! Ofe le̱ ato he ahãmi! Miná ni moni ke̱mi ená le̱ wolo ni eṅmã le̱ še̱ mideṅ! 23,3-7.

³⁶ Kē̱ dšee mikõṅ mike̱-atſa, ni mike̱-afe akekre mafĩ miyi fī̃!

³⁷ Kũle̱ matšõle̱ minãdšifãmo̱i ayiku-le̱, matši mabe̱ṅke̱le̱ tamo̱ lumo̱! —

³⁸ Ke̱dši mišikpoṅ le̱ blo̱ womi, ni eno̱ akofii le̱ wo yăra šikōme le̱, —

³⁹ ke̱dši miye eno̱ yibii ni miwoo he nyõmo̱, ni mihã nõtše̱mei le̱ lādše ame̱susuma le̱: 24,11.

⁴⁰ no le̱ ṅmā̃ nãdšiaṅ le̱ ahã ewo ṅmei, ni able nãdšiaṅ hũ ewo aṅlẽṅlẽi! Hiob wiemo̱i le̱ etã.