Hiob 23 - Ṅmãle̱ Kroṅkroṅ Le̱

¹ Ke̱ke̱ ni Hiob here no̱ ni ekē̱:

² Nme̱ne̱ hũ miko̱mo̱yeli le̱ nā wa; mimanehũlũ le̱ tšī fè mitšo̱idōmo̱ le̱.

³ Edši mile heni manale̱ ye̱, kũle̱ mayaše̱ esẽi le̱ hĩe tō̃!

⁴ Kũle̱ madšadše misane le̱ ye̱ ehĩe, ni mawo midaṅ obõ ke̱ sanenātšõmo̱i!

⁵ Mana wiemo̱i ni eke̱-ato he ehãmi, ni manu nii ní eekē̱mi le̱ ašiši!

⁶ Aso eke̱mi aabé ye̱ ehewale̱ kpeteṅkple le̱ nā? Dabi, toi noṅṅ kẽ eebomi!

⁷ Dše̱i moni dša le̱ ke̱le̱ aayiyi ye̱, ní madše mikodšolo̱ le̱ deṅ kwrakwra.

⁸ Na, ké̱ mite hĩegbe̱ le̱, ebe dše̱i; ké̱ miba se̱gbe̱ hũ, minuu ehe;

⁹ etšuo̱ nii ye̱ abe̱kuiaṅ, ši minaale̱; etēo̱ ehe ye̱ ninedšũrõgbe̱, ši mihĩṅme̱i gbaa eno̱.

¹⁰ Ši ele gbe̱ ní minyie no̱ le̱; ké̱ ekami ekwe̱ le̱, madšie mihe ši tamo̱ šika. Lal. 17,3; 139,23. 24.

¹¹ Minane emõ ši ye̱ enanemā̃hei le̱ amli; minyie egbe̱ le̱ no̱ ni midšee no̱.

¹² Kitã ni dše̱ enā le̱, midšeko se̱; edāṅ wiemo̱i le̱ mike̱-to fè mimla.

¹³ Ši le̱ le̱ eye̱ bo̱ni eyo̱ le̱ noṅṅ, ni namo aakũ enā? Noni esusuma taoo̱ le̱, no efeo̱.

¹⁴ Noni ato ahãmi le̱, no efeo̱ le̱, ni nibii ní tamo̱ ene̱mei pī ye̱ eyiṅ.

¹⁵ Nohewo̱ le̱ ṅmiṅmi mõo̱mi ye̱ ehĩe; ké̱ miſie miyiṅ le̱, mišeo̱le̱ gbeyei.

¹⁶ Ši Mawu ehã mitšui efã, ni Ofe le̱ ewo mihe gbeyei.

¹⁷ Ši mito̱ko mú ye̱ mimanehũlũ le̱ lo duṅ kabitī ní eha mihĩe le̱ hewo̱.