Hiob 1 - Ṅmãle̱ Kroṅkroṅ Le̱

¹ Nū ko hĩ *Uz šikpoṅ le̱ no̱, ni egbe̱i dši †Hiob; ni nakai nū le̱ kpa ko be̱ ehe ni edša, ni ešeo̱ Nyoṅmo̱ gbeyei, ni eso̱leo̱ ehe ye̱ efõṅ he. *1 Mose 10.23; 22,21; 36,28. Ier. 25,20. Yāfó 4,21. †Ezek. 14,14. 20.

² Ni efo̱ bihĩĩ kpawo ke̱ biyei etẽ.

³ Ni ekoloi ní eyo̱ dši tōi akpei-kpawo ke̱ yomai akpei-etẽ ke̱ tšĩnai ntatai ohai-enumo̱ ke̱ tedšĩyei ohai-enumo̱, ke̱ webii babaō dientše̱; hewo le̱ ne̱ke̱ nū ne̱ dši gbomo agbo fè bokãgbe̱bii le̱ fẽ.

⁴ Ni ebihĩĩ le̱ yaä ame̱yaṅmẽo̱ okplõ ye̱ mofẽmo we ké̱ še̱ egbĩ le̱, ni ame̱tšũo̱ ayatšé̱o̱ ame̱nyemimeiyei etẽ le̱ hũ ke̱-baã, ni ame̱ke̱ame̱ bayeo̱ nii ni ame̱ke̱-ame̱ nuo̱ dā̃.

⁵ Ni ebaã mli ake, kē̱ ame̱kplõṅmē̃ gbĩĩ le̱ kpẽle ame̱no̱ le̱, Hiob tšũo̱ ni ayafeo̱ame̱ kroṅkroṅ, ni eteo̱ ši lebi mā̃ṅkpa ni eyašãa šā̃-afo̱lei ebaa ame̱fẽ ye̱ ame̱yĩbo̱ le̱ nā; edšake̱ Hiob kē̱o̱ ake: Bene̱ mibihĩĩ le̱ efe eša ko, ni ame̱kwa Nyoṅmo̱ ye̱ ame̱tšuiiaṅ! Nakai Hiob feo dāne̱.

⁶ Ni eba mli ake̱ gbĩ ko le̱, *Nyoṅmo̱ bii le̱ ba ame̱badamo̱ Iehowa hĩe, ni †satan hũ futuame̱ ke̱-ba. *2,1. 1 Maṅ. 22,19-22. †1 Kron. 21,1. Zak. 3,1.

⁷ Ni Iehowa kē̱ satan ake̱: Nẽgbe̱ odše̱? Ni satan to he hã Iehowa ake̱: Midše̱ šikpoṅ le̱ no̱ šikpā ke̱ eno̱ šišëramo̱.

⁸ Ni Iehowa kē̱ satan ake̱: Ani oṅõ otšui ofõ mitšũlo̱ Hiob bü no̱? Edšake̱ mokomoko be̱ ni tamo̱le̱ ye̱ šikpoṅ le̱ no̱, edši nū ni kpa ko be̱ ehe ni edša, ešeo̱ Nyoṅmo̱ gbeyei, ni eso̱leo̱ ehe ye̱ efõṅ he.

⁹ Ši satan to he hã Iehowa ake̱: Ani *yaka Hiob šeo Nyoṅmo̱ gbeyei le̱? *Lal. 73,13.

¹⁰ Ani dšee afãbaṅ ofo owo eke̱ ewe ke̱ nofẽno ní eyo̱ le̱ he ke̱-kpe? Odšō̱ enine nā nitšumo̱ no̱, ni ekoloi eſere ye̱ šikpoṅ le̱ no̱.

¹¹ Ši agbe̱ne̱ kpã onine mli ni ota enii ní eyo̱ le̱ fẽ he; ake̱ ekwaṅo ye̱ ohĩe lo!

¹² Ni Iehowa kē̱ satan ake̱: Na, nofẽno ní eyo̱ le̱ eye̱ odeṅ, le̱dĩentše̱ ke̱-ke̱ ni onine akasa ehe! Ke̱ke̱ ni satan dše Iehowa hĩe ete.

¹³ Ni eba mli ake̱ gbĩ ko, beni ebihĩĩ ke̱ ebiyei le̱ yeo̱ nii ni ame̱nuo̱ wein ye̱ ame̱nyemi nukpa le̱ we le̱,

¹⁴ bo̱fo ko ba Hiob ṅõ ni ebakē̱ ake̱: Tšinai le̱ mīhũ, ni tedšiyei le̱ hũ mīye nii ye̱ ame̱mase̱i,

¹⁵ ke̱ke̱ ni *Šebabii batuawo̱, ni ame̱-mõmo̱ame̱ ke̱-te, ni tšũdši le̱ ame̱gbeame̱ ke̱ klante; ni mikometō pe̱ midše mli, ni mibatſao adafi ne̱. *1 Mose 10,1. 28; 25,3.

¹⁶ Beni ewĩeo̱ lolo le̱, mokroko ba ni ebakē̱: Nyoṅmo̱ la le̱ dše̱ ṅwei bayi ši, ni ebašã toi le̱ ke̱ tšũdši le̱, ní eplenē̃-ame̱; ni mikometō pe̱ midše mli, ni mi-batſao adafi ne̱.

¹⁷ Beni le̱ hũ ewieo̱ lolo le̱, mokroko hũ ba ni ebakē̱: *Kaldeabii le̱ gblá kui etẽ, ni ame̱tšẽ ke̱-banina yomai le̱ ni ame̱lõame̱ ke̱-te, ni amegbe tšũdši le̱ ke̱ klante; ni mikometō pe̱ midše mli, ni mibatſao adafi ne̱. *1 Mose 11,28.

¹⁸ Beni le̱ hũ ewieo̱ lolo le̱, mokroko hũ ba ni ebakē̱ ake̱: Obihĩĩ le̱ ke̱ obiyei le̱ miye nii ni ame̱mīnu wein ye̱ ame̱nyemi nukpa le̱ we le̱;

¹⁹ ni na, ahum kple ko tſa ke̱-dše̱ ṅã le̱ no̱ gbe̱ ni ebalō šĩa le̱ kodši edſe̱ le̱, ni ewule eſie oblahĩĩ le̱ ano̱ ni ame̱-gboi; ni mikometō pe̱ midše mli, ni mi-batſao adafi ne̱.

²⁰ Ke̱ke̱ ni Hiob te ši ni *egbla ehe atadei ni eku eyi, ni eho ebu šikpoṅ, ni eso̱le, *1 Mose 37,34.

²¹ ni ekē̱: *Yayai mike̱-dše̱ minye mũsũṅ miba, ni yayai mike̱-akũ mise̱ ke̱-ate. Iehowa ṅō-hã, ni Iehowa ebaṅõ ke̱-te; aadšie Iehowa gbei le̱ yi kẽ! Dsads. 5,14. 1 Tim. 3,7.

²² Ene̱ fẽ mli le̱ Hiob efee eša ko, ni asaṅ eke̱ sane gbonyo ko ſaa Nyoṅmo̱.