Hebribii 8 - Ṅmãle̱ Kroṅkroṅ Le̱

¹ Ši nii ní wo̱wieo̱ le̱ ayitšo ne̱: Ne̱ke̱ *oso̱fonukpa wo̱yo̱, moni tá hewalo̱ agbo le̱ maṅtše̱sẽi le̱ ninedšŭrõ no̱ ye̱ ṅwei, *4,14.

² ake̱ hekroṅkroṅ le̱ ke̱ ano̱kwa bū le̱ ní Nuṅtšo̱ le̱ dientše̱ ši ni dšee gbomo ko ši le̱ mli súolo̱.

³ Edšake̱ *oso̱fonukpa-fẽ-oso̱fonukpa le̱, awole̱ koni eṅõ nikēnii ke̱ afo̱lei ebahã, nohewo le̱ ehīa ake̱ mone̱ hũ ana noko ni eke̱-bahã. *5,1.

⁴ Ši edši šikpoṅ le̱ no̱ eyo̱ kũle̱, edšee oso̱fo tete, edšake̱ oso̱foi ní ke̱ nikēnii yahãa ye̱ mla le̱ nā le̱ ye̱;

⁵ mei ni ṅweinii le̱ *aheno̱ ke̱ susuma ke̱ke̱ ame̱súmoo̱, take̱ bo̱ni awie atsõ Mose, beni ebafe bū le̱, edšake̱ ekē̱: “Kwe̱mo̱ ní ahĩ, †koni ofe nibii le̱ fẽ ye̱ heno̱ ní atšõo ye̱ goṅ le̱ no le̱ nā.” *Kol. 2,17. †2 Mose 25,40.

⁶ Ši agbe̱ne̱ le̱ ená oso̱foyeli ní hĩ fè tšutšunõ le̱, edšake̱ *kpãṅmo̱ ní hĩ fè tšutšunõ le̱ ní adamo̱ šiwōi ní hĩ fè tšutšunii le̱ ano̱ akpãṅ le̱ mlidamo̱lō̱ dsile̱. *7,22; 12,20. 2 Kor. 3,6.

⁷ Edšake̱ edši tšutšunõ le̱ hĩ ke̱-wula ši kũle̱, ataoo gbe̱ ahãã noni dši enyo̱ le̱.

⁸ Edšake̱ eſaame̱ ekē̱: *“Na, gbĩĩ miba, Nuṅtšo̱ le̱ kē̱, ní mike̱ Israel we le̱ ke̱ Iuda we le̱ aakpãṅ kpãṅmo hē ko, *Ier. 31,31-34. Heb. 10,16. 17.

⁹ dšee tamo̱ kpãṅmo̱ ní *mike̱ ame̱ tše̱mei le̱ kpãṅ gbĩ no̱ ni mimõ ame̱nine mli ni mike̱ame̱ dše Mizraim Sikpoṅ le̱ no̱ le̱, — edšake̱ ame̱yee mikpãṅmo̱ le̱ no̱, ni mi hũ midſẽṅṅ ame̱no̱, Nuṅtšo̱ le̱ kē̱. *2 Mose 19,5. 6.

¹⁰ Ši ene̱ dši kpãṅmo̱ ní mike̱ Israel we le̱ bakpãṅ ye̱ nakai gbĩĩ le̱ ase̱ le̱, Nuṅtšo̱ le̱ kē̱: Mike̱ mimlai aawo ame̱dſẽṅmo̱ mli, ni maṅmã mawo ame̱tsui mli, ni matšṍ ame̱-Nyoṅmo̱, ni ame̱ hũ ame̱atšṍ mimaṅ.

¹¹ Ni ame̱teṅ moko etšõṅ emaṅnyo alo enyemi doṅṅ ake̱: Le Nuṅtšo̱ le̱. Edšake̱ ame̱fẽ ame̱alemi, ke̱-adše̱ ame̱teṅ mo-bibiō no̱ ke̱-yaši mo-wulu no̱.

¹² Edšake̱ manaame̱ mo̱bo̱ ye̱ ame̱no̱tõmoi le̱ agbe̱fãṅ, ni amehe ešai le̱ hũ mikaii doṅṅ.”

¹³ Noni ekē̱ ake̱ “ehē” ne̱, eke̱-fe kleṅkleṅnõ le̱ emomo. Ši noni etšṍ emomo ke̱ noni egbo̱ le̱, etše̱ṅ ni eelādše. Rom. 10,4.