Hebribii 13 - Ṅmãle̱ Kroṅkroṅ Le̱

¹ Nyehãa nyemimeiahedō̱ ahĩa ši dã! Ioh. 13,34. 2 Pet. 1,7.

² *Gbo̱femo̱ hũ, nyehĩe akakpaä no̱; edšake̱ no no̱ meikomei tšṍ fe †ṅwei-bo̱foi agbo, ni ame̱lee. *Rom. 12,13. 1 Pet. 1,9. †1 Mose 18,3; 19,2. 3.

³ Nyekaia mei ní *awoame̱ gbokle̱i le̱ tamo̱ ake̱ nyeke̱ame̱ kãmo̱ mli, ke̱ mei ni afeo̱ame̱ efõṅ le̱ hũ, ake̱ nye hũ nyeye̱ gbomotšo mli lolo. *Mat. 25,36.

⁴ Awo gblã hĩe nyam ye̱ nyefẽ nyeteṅ, ni akabule gblãsā hũ; ši adſamaṅbo̱lo̱i ke̱ gblaṅkũolo̱i le̱, Nyoṅmo̱ bakodšoame̱. Gal. 5,19. 21. Ef. 5,5.

⁵ Šikasuomo̱ akaba nyedšeṅba mli, ni *nyemī aše̱a nii ní nyeyo̱ le̱ he; edšake̱ le̱dientše̱ †ekē̱: “Mišĩṅo ni misā mikwaṅo gbĩkogbĩko.” *1 Tim. 6,6. †Ios. 1,5.

⁶ Beni afe ní wo̱ná tšui ni wo̱kē̱: *“Nuṅtšo̱ le̱ dši mibobalo̱, ni mišeṅ gbeyei; meni gbomo aafemi?” *Lal. 118,6.

⁷ Nyekaia *nyetšõlo̱i, mei ní wie Nyoṅmo̱ wiemo̱ le̱ tšõnye le̱; nyekwe̱a ame̱dšeṅba le̱ nāgbē, ni †nyekasea ame̱-hemo̱-ke̱-yeli le̱. *K 17. †1 Kor. 4,16.

⁸ Iesu Kristo le̱, bo̱ni eyo̱ nyè ke̱ ṅmene̱ le̱, nakai noṅṅ eyo̱ ke̱-yaä nāno̱. 1 Kor. 3,11. Kpods. 1,17.

⁹ Nyekahãa *tšõmo̱i sro̱toi ke̱ tšõmo̱i krokomei kenye mīlila ši; edšake̱ ehī ake̱ ake̱ dromo̱ †awo tšui hewale̱, ši **dšee niyenii ní hãã mei ní tšuo̱ he nii le̱ aná se̱ ko ye mli le̱. *Ef. 4,14. †2 Kor. 1,21. **Rom. 14,17.

¹⁰ Wo̱ye̱ afo̱lešãlate̱ ko ní mei ní súmoo̱ ye̱ bū le̱ mli le̱ be̱ hegbe̱ ake̱ ame̱yeo̱ ene̱ nii. 8,4. 5.

¹¹ Edšake̱ *koloi ní oso̱fonukpa le̱ ṅõo̱ ame̱lá ke̱-yaä hekroṅkroṅ le̱ ye̱ eša hewo̱ le̱ agbohĩĩ le̱ ayašãa ye nsra le̱ se̱. *3 Mose 16,27.

¹² Nohewo̱ le̱ Iesu hũ, heni afe ní eke̱ le̱dientše̱ elá le̱ atšū maṅ le̱ he le̱, agbó le̱ se̱ ena amanehũlũ le̱ ye̱. Mat. 21,39. Ioh. 9,22.

¹³ Nohewo̱ le̱ agbene, nyehãa wo̱dšea kpo ke̱-yaä eṅõ ye̱ nsra le̱ se̱ ni wo̱tẽre *ehorabō̱ le̱. *11,26; 12,2.

¹⁴ Edšake̱ wo̱be̱ maṅ ní kãa ši ye̱ bie̱, ši maṅ ní baba le̱ moṅ se̱gbe̱ wo̱taoo̱. 11,10; 12,22.

¹⁵ Bĕle̱ nyehãa wo̱tšṍa eno̱ ní wo̱ke̱ yidšĩemo̱ afo̱le abahãa Nyoṅmo̱ dā; no dši nābui ní dšadšeo̱ egbe̱i le̱ ayibii le̱. Lal 50,14. 23. Hos. 14,3.

¹⁶ Ši edšũrõfemo̱ ke̱ nikē le̱, nyehĩe akakpaä no̱; edšake̱ *nakai afo̱lei saä Nyoṅmo̱ hĩe dšogbāṅ. *Fil. 4,18.

¹⁷ *Nyeboa nyetšõlo̱i le̱ atoi ni nyebaä nyehe ši nyehãäame̱; edšake̱ ame̱ ame̱buo̱ nyesusumai le̱ ahe ake̱ mei ni †babu he akontā, koni ame̱ke̱ mīše̱ afe nii ne̱, ši dšee ntšo̱idõmo̱; edšake̱ no ehĩĩ hããnye. 1 Tes. 5,12. †Ezek. 8.18.

¹⁸ Nyeso̱lea nyehãawo̱; edšake̱ *wo̱hĩe kã no̱ ake̱ wo̱ye̱ henilē kpakpa, ni wo̱mītao ake̱ wo̱ba wo̱dšeṅ fe̱fe̱o ye̱ nii fẽ mli. *2 Kor. 1,12.

¹⁹ Ni mikpanye fai babaō ake̱ nyefe nakai, koni akpalemi ahãnye oyá.

²⁰ Ši hedšo̱le̱ Nyoṅmo̱ le̱, moni dšie tōi le̱ *akwe̱lo̱ kpeteṅkple ní dši wo̱-Nuṅtšo̱ Iesu ke̱-dše̱ gbohĩĩ ateṅ ye̱ nāno̱ kpãṅmo̱ le̱ lá le̱ mli le̱, *Ioh. 10,11, 1 Pet. 2,25.

²¹ le̱ ésānye ehã nitšumo̱ kpakpa-fẽ-nitšumo̱ kpakpa, ní nyefe esuomo̱nānii, ní etšṍ Iesu Kristo no̱ efe noni sa le̱dientše̱ ehĩe ye̱ nyemli; le̱ aṅõ anumnyam ahã ke̱-yaši nāno̱i anāno̱ le̱! Amen.

²² Ši, anyemimei, mikpanye fai ní nyemõ wiemo̱-ke̱-tšõmo̱ ne̱ mli, edšake̱ wiemo̱ kukuō miṅmã mimãdšenye ne̱.

²³ Nyenáa nyelea ake̱ aṅmē̃ wo̱nyemi Timoteo he, ni ké̱ eba mrã le̱, mike̱le̱ aaba mabananye.

²⁴ Wo̱mībi nyetšõlo̱i le̱ fẽ ke̱ meikroṅkroṅi le̱ fẽ-tſẽm. Mei ní dše̱ Italia le̱ mībinye.

²⁵ Dromo̱ le̱ ke̱ nyefẽ ahĩ ši! Amen. (Aṅmã amãdše Hebribii le̱ ke̱-dše̱ Italia ke̱-tšṍ Timoteo no̱.)