Hebribii 12 - Ṅmãle̱ Kroṅkroṅ Le̱

¹ Nohewo̱ le̱ agbe̱ne̱ wo̱ hũ, gbĩĩabo̱ ní wo̱yo̱ odasefoi babaō ní ebo̱lewo̱ tamo̱ atatu ne̱, nyehãa wo̱ke̱ dšatšu-fẽ-dšatšu aṅmẽa ši, ke̱ *eša ní ebo̱le wo̱he kpula le̱, ni wo̱ke̱ tšuišitō †ada foi ni kã wo̱-hĩe le̱, *Rom. 7,21. †Heb. 10,36. 1 Kor. 9,24.

² ni wo̱kwe̱ hemo̱-ke̱-yeli šisidšelo̱ ke̱ nāgbelo̱ ní dši Iesu le̱, moni nyã́mo̱ ní kã ehĩe le̱ hewo̱ le̱ emĩa ehĩe ye̱ se̱ṅmo̱tšo le̱ he amanehũlũ le̱ mli, ni ebuu hĩegbĕle le̱, ní eke̱-yatá ši ye̱ Nyoṅmo̱ maṅtše̱sẽi le̱ ninedšŭrõ no̱ le̱.

³ Nohewo̱ le̱ nyedſẽṅa *moni ṅmẽ etsui ši ehã nāšai ni ešafelo̱i ṅmẽle̱ ne̱ he, koni ekadše nyetšine ni nyesusumai le̱ anidšiaṅ mīdše wui. *Luk. 2,34.

⁴ Nyenáko nyegbē hĩe ke̱-yaši ládšē mli ye̱ nyeke̱ eša tawū le̱ mli,

⁵ ni nyehĩe ekpa tšuihãmo̱ wiemo̱ le̱ no̱, noni kenye wieo̱ bo̱ni ake̱ bii wieo̱, ake̱: *“Mibi, kābu Nuṅtšo̱ le̱ tšo̱semo̱ le̱ ake noko bibiō, ni asaṅ, ké̱ ekã ohĩe le̱, kāhã onidsiaṅ mīdše wui; *Abe̱i 3,11. 12.

⁶ edšake̱ moni Nuṅtšo̱ le̱ sumoō̱ le̱, le̱ etšo̱seo̱, ni eyio̱ bi-fẽ-bi ní eṅõ-feo̱ enõ le̱.” Kpods. 3,19.

⁷ Ké̱ nyemĩaä nyehĩe ye tšo̱semo̱ mli le̱, no le̱ Nyoṅmo̱ hĩeo̱nye tamo̱ ebii; edšake̱ mẽ bi yo̱ ni etše̱ tšo̱seele̱?

⁸ Ši ké̱ nyenáá tšo̱semo̱ ní mei fẽ náa le̱ eko le̱, no le̱ adſamaṅbii dšinye, ši dšee bii kpakpai. Lal. 78,14. 15.

⁹ Asaṅ wo̱ye̱ helo gbe̱fãṅ tše̱mei ní tšo̱seo̱wo̱, ni wo̱buo̱ame̱: ani esaa wo̱ ake̱ wo̱ba wo̱he ši wo̱hã *mumo̱i atše̱ le̱ moṅ babaō koni wo̱yi aná wala? *4 Mose 16,22.

¹⁰ Edšake̱ ame̱ le̱, gbĩĩ fiō ko ke̱ke̱ ame̱tšo̱seo̱wo̱ bo̱ni sa ame̱hĩe; ši le̱ le̱, koni ahĩ ahãwo̱ ni wo̱ná ekroṅkroṅfemo̱ le̱ eko.

¹¹ Ši tšo̱semo̱-fẽ-tšo̱semo̱ le̱, amrõmrõ ne̱ efee mo ake̱ mīše̱ nō ni, ši do̱le̱ nõ moṅ; ši ké̱ fe se̱ le̱, ewoo hedšo̱le̱ yibii ní dši dšale̱ le̱ ehãa mei ní ētšṍ no̱ ekase noko le̱. 2 Kor. 4,17. 18.

¹² Hewo̱ le̱ nyewadšea nidsi ní mli edše wui ke̱ nākutšei ní egbo̱dšo̱ le̱, Ies. 35,3.

¹³ ni *nyetoa nyenãdšĩ aši dšogbāṅ ni nyenyiea trõmō̃, koni otšō̱lo̱ akašãne, ši moṅ atšále̱. *Abe̱i 4,26.

¹⁴ Nyetiua nyeke̱ mei fẽ ateṅ hedšo̱le̱ se̱, ke̱ hetšemo̱ ní ké̱ moko šĩ ní enaṅ Nuṅtšo̱ le̱; Rom. 12,18. 2 Tim. 2,22.

¹⁵ ni nyekwe̱a ní ahĩa, koni moko akaṅmē̃ Nyoṅmo̱ dromo̱ le̱ he, koni *ši-šifã-ke̱-dšōmo̱ ko akakwẽ ní ehaonye ni aṅõ-bule mei pī; *5 Mose 29,17.

¹⁶ koni moko akafe ehe adſamaṅbo̱lo̱, lo yakagbomo tamo̱ *Esau ní hõ ekromo̱bi-gbe̱nā le̱ ehé šĩkome niyenii le̱. *1 Mose 25.33. 34.

¹⁷ Edšake̱ nyele ake̱, beni *fe se̱ ní etao ake̱ ená dšō̱mo̱ le̱, akwale̱; edšake̱ enaá tšuitšakemo̱ he gbe̱, tše̱ eke̱ yā-fónui tao se̱gbe̱. *1 Mose 27,30-40.

¹⁸ Edšake̱ nyebaa *goṅ ní ataä he ní šãa ke̱ la, ke̱ atatu ke̱ duṅ ke̱ ahum, *2 Mose 19,12. 16. 18. 5 Mose 4,11.

¹⁹ ke̱ te̱tre̱mantre̱ gbē̱mo̱, ke̱ wiemo̱i agbe, ni mei ní nu le̱ kpa fai ake̱ *akawie eko afata he doṅṅ le̱, he; *2 Mose 20,19.

²⁰ edšake̱ kitā ní awo ake̱: *“Ke̱dši kolo ko tete ta goṅ le̱ he le̱, atſiale̱ te̱i le̱”, ame̱nyẽẽ mli ame̱hĩe; *2 Mose 19,13.

²¹ ni noni pue le̱ he ye̱ gbeyei babaō āhũ, ní Mose kē̱: Mīše gbeyei, ni mihe mīkpokpo.

²² Ši moṅ, *Zion goṅ le̱ he nyeba, ke̱ Nyoṅmo̱ hĩekãlo̱ le̱ maṅ ni †dši ṅwei Ierusalem le̱, ke̱ **ṅweibo̱foi akpei-akpei abo, *Kpods. 14,1. †Gal. 4,26. Kpods, 21,2. **Kpods. 5,11.

²³ ke̱ kromo̱bii ní *aṅmã ame̱gbe̱ii ye̱ ṅwei le̱ anābuamo̱ ke̱ asafo le̱, ke̱ Nyoṅmo̱ ni dši mei fẽ akodšolo̱ le̱, ke̱ dšaloi ni ehĩ ke̱-wula ši le̱ amumo̱i le̱, *Luk. 10,20.

²⁴ ke̱ kpãṅmo̱ hẽ *mlidamo̱lo̱ Iesu le̱, ke̱ lá ni atšo̱ö̱ aſã ní †wieo̱ wiemo̱ kpakpa fè Habel nõ le̱, aṅõ. *9,15. †11,4. 1 Mose 4,10.

²⁵ Nyekwe̱a ni ahĩa, koni nyekakwa moni wieo̱ le̱; edšake̱, ké̱ *mei ní kwa moni wie tšõame̱ ye̱ šikpoṅ le̱ no̱ le̱ ahe edšee mli le̱, bĕle̱ ke̱dši wo̱kpale ke̱-dše̱ moni dše̱o̱ ṅwei wieo̱ le̱ he le̱, wo̱ moṅ wo̱he edšeṅ mli ko̱kō̱ko̱; *2,2; 10,28. 29.

²⁶ mo gbē ní hoso šikpoṅ le̱ ye̱ no be le̱ mli le̱, ši agbe̱ne̱ ewo ši *ekē̱: “Eſe̱ šikome ní mahoso, dšee šikpoṅ le̱ ke̱ke̱, ši ṅwei hũ” le̱. *Hag. 2,6.

²⁷ Ši noni ekē̱: “eſe̱ šikome” le̱, eke̱-tšõo̱ faṅṅ ake̱, nii ní ahosoo̱ le̱ aatšake, edšake̱ nii ní afe ni, koni nii ní hosoṅ le̱ ahĩ ši.

²⁸ Nohewo̱ le̱, ake̱ noni wo̱ná maṅtše̱yeli ni anyẽṅ ahoso le̱, nyehãa wo̱daä ši, ní wo̱ke̱-súmo̱ Nyoṅmo̱ bo̱ni sa ehĩe ke̱ wō ke̱ gbeyeišemo̱!

²⁹ Edšake̱ wo̱-Nyoṅmo̱ le̱, la ní fiteo̱ mo hũ dšile̱. 5 Mose 4,24; 9,3.