Hebribii 11 - Ṅmãle̱ Kroṅkroṅ Le̱

¹ Ši hemo̱-ke̱-yeli dši nii ní mei ahe kã no̱ le̱ ano̱ hewale̱námo̱ ke̱ nii ni anaa le̱ ano̱ mímā̃. 2 Kor. 5,7.

² Edšake̱ no mli aye blemabii le̱ ahe odase kpakpa ye̱.

³ Hemo̱-ke̱-yeli wo̱ke̱yoo̱ ake̱ Nyoṅmo̱ wiemo̱ ake̱-sā dšeṅbei le̱ ato, hewo̱ le̱ dšee nii ní pueo̱ le̱ amli adše̱ afe nii ní anaä le̱. 1 Mose 1.

⁴ Hemo̱-ke̱-yeli Habel ke̱-šã afo̱le ni fè Kain nõ le̱ ehã Nyoṅmo̱, no hewo̱ hũ ní aye ehe odase ake̱ dšálo̱ dšile̱ le̱; edšake̱ Nyoṅmo̱ ye enikēnii le̱ ahe odase; ni no noṅṅ eke̱-wieo̱ lolo, tše̱ egbo. 1 Mose 4,4. Mat 23,35.

⁵ Hemo̱-ke̱-yeli hewo̱ aṅõ Henok ke̱-te (ṅwei), koni ekana gbĕle, ni anaale̱ doṅṅ, ake̱-ní Nyoṅmo̱ ṅõle̱ ke̱-te le̱; edšake̱ dãni aaṅõle̱ ke̱-ya le̱, aye ehe odase ake̱ esa Nyoṅmo̱ hĩe; 1 Mose 5,24.

⁶ ši ké̱ hemo̱-ke̱-yeli be̱ le̱, anyẽṅ Nyoṅmo̱ hĩe asa; edšake̱ moni baä Nyoṅmo̱ ṅõ le̱, dša ehe eye ake̱ eye̱, ni edši mei ní taoo ese̱gbe̱ le̱ anyõmo̱wolo̱ hũ.

⁷ Hemo̱-ke̱-yeli Noa hũ *ke̱-bu Nyoṅmo̱, beni efãle̱ ye̱ nii ni anako le̱ ahewo̱ le̱, ni eke̱-sā adeka ehã ewe le̱ yiwalaheremo̱, no no̱ hũ etšṍ ni ebu dše neṅ fo̱, ni etšṍ hemo̱-ke̱-yeli nā †dšale̱ le̱ yelo̱ le̱. *1 Mose 6,8. 9. 13-22. Rom. 4,20. †Rom 3,22. 24.

⁸ Hemo̱-ke̱-yeli Abraham ke̱-bo toi, beni atšé̱le̱ le̱, ní eyiṅ ete heni batsṍ eno̱yelinõ le̱, ni eyiṅ ete, tše̱ elee heni eyaa. 1 Mose 12,1. 4.

⁹ Hemo̱-ke̱-yeli eke̱-yato gbo̱ ye̱ ši-wō šikpoṅ le̱ no̱ tamo̱ mokpõṅ, ni eke̱ Isak ke̱ Iakob, ni eke̱ame̱ dši nakai *šiwō le̱ noṅṅ yelo̱i le̱, hĩ ši ye̱ būi amli; *1 Mose 26,3; 35,12.

¹⁰ edšake̱ ẽkwe̱ maṅ ni yo̱ šišitõ ní wa ní etolo̱ ke̱ emãlo̱ dši Nyoṅmo̱ le̱ gbe̱.

¹¹ Hemo̱-ke̱-yeli Sara hũ ke̱-ná hewale̱ ni eke̱-ná mũsũ, ni le̱ ní egbo̱ eho he āhũ le̱ efó̱, edšake̱ moni wo ši le̱, ebule̱ ano̱kwafo. 1 Mose 21,2.

¹² Nohewo̱ hũ ní adše̱ mokome ní le̱ *tete egbo momo le̱ mli afo̱ mei ní fá babaō †tamo̱ ṅwei ṅulamii lo tamo̱ ṅšo̱-nā šia ní anyẽẽ akane le̱. *Rom. 4,19. †1 Mose 22,17.

¹³ Hemo̱-ke̱-yeli mli mene̱mei fẽ gboi ye̱, tše̱ ame̱nine še̱ko nii ni awo ši le̱ ano̱, ši moṅ šoṅṅ ke̱ke̱ ame̱na ye̱, ni ame̱ke̱-še̱dše ame̱mī, ni ame̱nyã́ he, ni ame̱dšadše ake̱ gbo̱i ke̱ meikpõdši dšiame̱ ye̱ šikpoṅ le̱ no̱. 1 Mose 23,4; 47,9.

¹⁴ Edšake̱ mei ni wieo̱ nakai nibii le̱, ame̱tsõo̱ faṅṅ ake̱ ame̱mīſe ame̱dientše̱ ame̱maṅ.

¹⁵ Ni edši ame̱hĩe ye̱ noni ame̱dše mli le̱ no̱ kũle̱, ame̱ye̱ hegbe̱ ní ame̱ke̱-akũ ame̱se̱ ke̱-ate dše̱i ekoṅ;

¹⁶ ši agbe̱ne̱ le̱ ame̱mītao maṅ ní hĩ fè no, ní dši ṅwei nõ le̱. Nohewo̱ le̱ efee Nyoṅmo̱ hĩegbẽle ako̱ aatšé̱le̱ *ame̱-Nyoṅmo̱, edšake̱ esā maṅ etoame̱. *2 Mose 3,6.

¹⁷ Hemo̱-ke̱-yeli nā Abraham ṅõ Isak eyašã afo̱le, beni akale̱ le̱, ni eke̱ ebi kome le̱ ba ebahã, beni enine eše̱ šiwōi le̱ ano̱ momo le̱, 1 Mose 22.

¹⁸ le̱ moni akē̱le̱ ake̱: “Isak mli aatsé̱ oseši ye̱” le̱; 1 Mose 21,12.

¹⁹ edšake̱ ebu ake̱ Nyoṅmo̱ ye̱ hewale̱ ni eke̱-atele̱ ši ke̱-adše̱ gbohĩĩ ateṅ tete, ni le̱le̱ṅ, enine še̱ eno nakai ekoṅ. Rom. 4,17.

²⁰ Hemo̱-ke̱-yeli Isak ke̱-dšō̱ Iakob ke̱ Esau ye̱ nii ní baba le̱ ahewo̱. 1 Mose 27,28. 29. 39. 40.

²¹ Hemo̱-ke̱-yeli Iakob ke̱-dšō̱ *Iosef bii le̱ ateṅ mofẽmo, beni egboo̱ le̱, ni †eso̱le beni eke̱ edẽhĩemo̱tšo le̱ etšo̱le enā le̱. *1 Mose 48,15. 16. †1 Mose 47,31.

²² Hemo̱-ke̱-yeli Iosef hũ ke̱-tšĩ Israelbii akpodšē le̱ tã, beni edšeo̱ dšeṅ le̱, ni ewo le̱dientše̱ ewui le̱ ahe kitã le̱. 1 Mose 50,24.

²³ Hemo̱-ke̱-yeli Mose fo̱lo̱i le̱ ke̱-ṅõle̱ tē nyõdši etẽ, beni afo̱le̱ le̱, edšake̱ ame̱na ake̱ gbekẽ le̱ he ye̱ fe̱o, ni ame̱-šee maṅtše̱ le̱ akpo̱ le̱ gbeyei. 2 Mose 2,2.

²⁴ Hemo̱-ke̱-yeli Mose dientše̱ ke̱-kpa ye̱ eno̱, beni eda le̱, ake̱ akatšé̱le̱ Farao biyō le̱ bi, 2 Mose 2,11. 12.

²⁵ ēsumo̱ moṅ ake̱ eke̱ Nyoṅmo̱ maṅ le̱ ana amanehũlũ, fè noni eeye eša mli ṅõmo̱ be fiō ko le̱;

²⁶ ebuo̱ Kristo hewo̱ *ahorabō̱ le̱ ake̱ nii babaō fè Mizraim dſetrii le̱, edšake̱ †nyomo̱wo le̱ ekwe̱o̱. *13,13; †10,34. 35.

²⁷ Hemo̱-ke̱-yeli eke̱-dše Mizraim ni ešee maṅtše̱ le̱ mlifũ le̱ gbeyei; edšake̱ emõ moni anaale̱ le̱ mli tamo̱ noni ēnale̱. 2 Mose 2,15; 12,51.

²⁸ Hemo̱-ke̱-yeli eke̱-to Hehō le̱ ke̱ lá-dikimo̱ le̱, koni moni fiteo̱ kromo̱bii le̱ akata ame̱he. 2 Mose 12,12. 13.

²⁹ Hemo̱-ke̱-yeli ame̱ke̱-fo Ṅšo̱-tšuru le̱ tamo̱ šikpoṅ gbĩṅ, noni Mizraimbii le̱ hũ ka femo̱, ni emī̃ame̱ le̱. 2 Mose 14,22. 27.

³⁰ Hemo̱-ke̱-yeli nā Ieriko gbogboi le̱ kũmo̱ gbē ši, beni abo̱lele̱ gbĩĩ kpawo le̱. Ios. 6,20.

³¹ Hemo̱-ke̱-yeli hewo̱ Rahab, adſamaṅ le̱, plenēē efataa mei ní hee yee le̱ ahe le̱, edšake̱ ehere sralo̱i le̱ hedšo̱le̱ nā. Ios. 2,11. 12; 6,17. 23. Iak. 2,25.

³² Ni meni makē̱ doṅṅ? Edšake̱ mináṅ mihe dekã bo̱ni mike̱-agba Gideon ke̱ Barak, Samson ke̱ Iefta, David ke̱ Samuel hũ, ke̱ gbalo̱i le̱ ahe sane: Kods. 6,11; 4,6; 15,20; 12,7.

³³ mei ní tšṍ hemo̱-ke̱-yeli no̱ ame̱ye maṅtše̱yelii ano̱ kũnim, ame̱tšu dšalenii, amenine še̱ šiwōi ano̱, *ame̱tšĩmo̱ dšatai anā, *Kods. 14,6. 1 Sam. 17,34. 35, Dan. 6,23.

³⁴ *ame̱gbe la hewale̱, ame̱dše klantei amli, ame̱ná hewale̱ ke̱-dše̱ gbedemo̱ mli, ame̱he wa ye̱ ta mli, ame̱wo meikpõdši ata le̱ foi. *Dan. 3,23-25.

³⁵ *Yei anine še̱ ame̱mei ní egboi le̱ ano̱ ekoṅ ke̱-tsṍ šitē no̱. Ši meikrokomei hũ, ake̱ pĩmo̱ gbeame̱, ni ame̱kplẽẽ kpõmo̱, koni amenine aše̱ šitē ni hĩ fè no le̱ no̱. *1 Maṅ. 17,23. 3 Maṅ. 4,36.

³⁶ Meikomei hũ aye ame̱he fe̱o ni ayiame̱ kplebii ni awoame̱ gbokle̱i ni awoame̱ tšũṅ; Ier. 20; 37; 38.

³⁷ *atſiaame̱ tei, ake̱ akplala gbla ame̱mli, akaame̱, ake̱ klante gbeame̱; ahã ame̱wo tōgwanteṅi ke̱ tōabotiai awodši ke̱-nyie, ohĩa hĩaame̱, awaame̱ yi, afeame̱ niseniianii; *3 Kron. 24,21.

³⁸ mei ní dše ne̱ṅ esaaame̱ le̱, ame̱-tšomlo ye̱ ṅãĩ ano̱ ke̱ gõdši ano̱ ke̱ te̱-kploi ke̱ šikpoṅ fo̱dši amli.

³⁹ Ni mene̱mei fẽ le̱, aye ame̱he odase kpakpa ye̱ hemo̱-ke̱-yeli le̱ hewo̱ moṅ, ši amenine še̱e̱ šiwō nii le̱ ano̱,

⁴⁰ edšake̱ Nyoṅmo̱ esā noko kpakpa etowo̱, koni ame̱kaye emū ame̱šiwo̱.