Hagai 1 - Ṅmãle̱ Kroṅkroṅ Le̱

¹ Maṅtše̱ Dario yino̱ afi ni dši enyo̱ le̱ no̱ nyõṅ ní dši ekpa le̱ no̱ kleṅkleṅ gbĩ le̱ no̱ le̱ Iehowa wiemo̱ tšṍ gbalo̱ Hagai nine no̱ ba Zerubabel, Šealtiel bi le̱, ni dši Iuda amralo le̱, ke̱ Iošua, Iehozadak bi le̱, ni dši oso̱fonukpa le̱, ṅõ, ake̱: Ezra 4,24; 5,1. 2.

² Be̱ni Iehowa Zebaot ké̱ ne̱: Ne̱ke̱ maṅ ne̱ kē̱o̱ ake̱: Be le̱ še̱ko, be ni ake̱amã Iehowa we le̱!

³ Ši Iehowa wiemo̱ le̱ tšṍ gbalo̱ Hagai nine no̱ ba ake̱:

⁴ Aso nye le̱ eše̱ be ebãnye, ni nyehĩo̱ nyetšũi ní ase̱ṅ no̱ le̱ amli, beni ne̱ke̱ šĩa ne̱ kã ši amaṅfõ le̱ lo? 2 Sam. 7,2.

⁵ Nohewo̱ le̱ agbe̱ne̱, bo̱ni Iehowa Zebaot kē̱ ne̱: Nyedſẽṅa nyegbè̱i le̱ ahe!

⁶ *Nyedũo̱ nii pī, ši fiō pe̱ baä; nyeyeo̱ nii, ši nyetō̱ro̱o̱; nyenuo̱ dā̃i, ši nyetōro̱o̱ dā̃; nyebumoo̱ mamai, ši mokomoko he efee kulō̱; ni moni yeo̱ apā ni awoo̱le̱ nyõmo̱ le̱, eke̱-woo̱ kotoku ni agbulo̱ he mli. *2,16. 5 Mose 28,38.

⁷ Bo̱ni Iehowa Zebaot kē̱ ne̱: Nyedſẽṅa nyegbè̱i lē̱ ahe!

⁸ Nyekwo̱a kē̱-yaä goṅ le̱ no̱, ni nyeyaṅõa tšei ke̱-baä, ni nyeke̱-bamãa šĩa le̱; ni maná he tšui, ni aawo mihĩe nyam! Iehowa kē̱.

⁹ Nyekwē̱o̱ nii pī gbe̱, ni na, ebafeo̱ fiō; ni kē̱ nyeke̱-ba šĩa hũ, ke̱ke̱ le̱ mifli miſie. Mẽhewo̱ṅ? Iehowa Zebaot kē̱; miwe lē̱ ni kã ši amaṅfõ ni nye le̱ nyeteṅ mofẽmo dšoo̱ foi ke̱-yaã le̱dientše̱ ewe le̱ hewo̱ṅ.

¹⁰ Nohewo̱ le̱ ṅwei ní yo̱ nyeyiteṅ le̱ etšĩ *bó nā, ni šikpoṅ le̱ hũ etšī eni-bānii le̱ anā; *1 Maṅ. 17,1.

¹¹ ni mitšē̱ *nuhõmo̱ kē̱-ba šikpoṅ lē̱ no̱ kē̱ gõdši le̱ ano̱, ke̱ able ke̱ wein ke̱ mũ ke̱ nofẽno ni šikpoṅ le̱ baä le̱ no̱, ke̱ gbomei ano̱, ke̱ šĩa koloi ano̱, ke̱ ninenā nitšumo̱i fẽ no̱. *2,17. Amos 4,9.

¹² Ke̱ke̱ ni Zerubabel, Šealtiel bi le̱, ke̱ Iošua, Iehozadak bi ni dši oso̱fonukpa le̱, ke̱ maṅ le̱ mli mei ni eſe̱ le̱ fẽ bo Iehowa, ame̱-Nyoṅmo̱ le̱, gbē ke̱ gbalo̱ Hagai wiemoi le̱ atoi, bo̱ni Iehowa, ame̱-Nyoṅmo̱ le̱, tšũle̱ le̱; ni maṅ le̱ še gbeyei ye̱ Iehowa hĩe.

¹³ Ke̱ke̱ ni Hagai, Iehowa *bo̱fo le̱, kē̱ maṅ le̱ ye̱ tšũmo̱ ni Iehowa tšũle̱ le̱ nā ake̱: Mike̱nye ye̱! Iehowa kē̱. *Mal. 2,7.

¹⁴ Kē̱kē̱ ni Iehowa tẽ Šealtiel bi Zerubabel, Iuda amralo lē̱, ke̱ Iehozadak bi Iošua, oso̱fonukpa le̱, ke̱ maṅ le̱ mli mei ní eſe̱ le̱ fẽ amumo̱ ši, ni ame̱ba ame̱batšu nii ye̱ Iehowa Zebaot, ame̱-Nyoṅmo̱ le̱, we le̱,

¹⁵ ye̱ nyõṅ ni dši ekpa le̱ no̱ gbĩ ni dši gbĩ nyoṅmai-enyo̱ ke̱ edſe̱ le̱ no̱, ye̱ maṅtše̱ Dario yino̱ afi ní dši enyo̱ le̱ no̱.