Galatabii 6 - Ṅmãle̱ Kroṅkroṅ Le̱

¹ Anyemimei, ke̱dši no̱tõmo̱ ko banina moko trukã le̱, nye mei ni nyedši mumo̱ṅ-gbomei le̱ nyesāa nakai mo le̱ ekoṅ ye̱ mlidšo̱le̱ mumo̱ mli; ni ole ohe no̱ kwe̱mo̱, koni bo hũ akakao. Mat. 18,15, Iak. 5,19.

² Nyedšatšui le̱ nyekpẽkpẽa nyehe nyetĕrea, ni nakai nyeaye Kristo mla le̱ no̱.

³ Edšake̱ ké̱ efeo̱ moko ake̱ noko dšile̱ ni edšee noko le̱, le̱dientše̱ ehe ešišiuo̱,

⁴ Ši mofẽmo *aka le̱dientše̱ enitšumo̱ ẽkwe̱, ni no dãni eená noko ye̱ le̱dientše̱ emli ke̱ke̱ ni eſã efõ no̱, ni dšee mokroko nõ le̱ no̱ *2 Kor. 13,5.

⁵ Edšake̱ mofẽmo aatẽre le̱dientše̱ edšatšu. Rom. 14,12.

⁶ Ši moni atšõo̱le̱ wiemo̱ le̱ hā eke̱ moni tšõo̱le̱ le̱ aye nibii kpakpai fẽ, 1 Kor. 9,14.

⁷ Nyekalakaã nyehe: Nyoṅmo̱ le, aliile̱ yaka. Edšake̱ nõ pe̱ ni gbomo dũo̱ le, no noṅṅ ebakpa hũ.

⁸ Edšake̱ moni dũo̱ nii ye̱ le-dientše̱ ehelo mli le, ehelo le̱ mli ebakpa fitemo̱ ke̱-dše̱; ši moni dũo̱ nii ye̱ mumo̱ mli le̱, mumo̱ le̱ mli noṅṅ ebakpa nãno̱ wala ke̱-dše̱. Rom. 8,13.

⁹ Ši nyekahãa ekpakpafemo̱ mĩto̱awo̱, edšake̱ ké̱ we̱nidšiaṅ edšee wui le̱, wo̱-bakpa hũ ye̱ be ni sa mli. 2 Tes 3,13.

¹⁰ Bẽle̱ ake̱ noni wo̱yo̱ dekã hewo̱ le̱, nyehãa wo̱fea mei fẽ edšurõ, ši titri le̱ mei ni dši hemo̱-ke̱-yeli le̱ webii le̱. 2 Pet. 1,7.

¹¹ Nyekwe̱a wolo se̱ṅṅ ni mike̱ mi-dientše̱ minine ṅmãnye.

¹² Mei ni taoo̱ ake̱ ame̱hĩe aba nyam ye̱ helo mli le̱, ame̱ ame̱nyẽo̱ nyeno̱ ni aflo̱nye ketia, beni afe ke̱ke̱ ni *aka-waame̱ yi ye̱ Kristo se̱ṅmotšo le hewo̱. *5,11. Fil. 8,18.

¹³ Edšake̱ mei ni aflo̱ame̱ ketia le̱ dientše̱ tete yee mla le̱ ne̱; ši moṅ ame̱-mĩtao ake̱ aflo̱nye ketia, koni ame̱ſã ame̱fõ nyehelo le̱ no̱.

¹⁴ Ši mi le̱, akagbalemi fõṅfõ ake̱ maſã mafõ noko no̱ ake̱ dša wo̱-Nuṅtšo̱ Iesu Kristo se̱ṅmotšo le̱ no̱, no noṅṅ no̱ atšõ ase̱ṅ dše le̱ ahami, ni mi hũ ase̱ṅmi ahã dše le̱. 1 Kor. 1,31; 2,2.

¹⁵ Edšake̱ Kristo Iesu mli le̱, ketiafõ dšee noko, ni asaṅ fō hũ dšee noko, ši moṅ bō̱ hē ke̱ke̱ dši noko. 5.6 1 Kor. 7,19.

¹⁶ Ni mei abo̱ ni aanyie ye̱ ne̱ke̱ susumo̱kpã ne̱ nā le̱, hedšo̱le̱ ke̱ mo̱bo̱nale̱ ahãame̱ ke̱ Nyoṅmo̱ *Israel le̱! *Lal. 125,5.

¹⁷ Agbe̱ne̱ moko akagba minã doṅṅ; edšake̱ *mihĩe Nuṅtšo̱ Iesu pilamo̱-okadii ye̱ migbomotšo le̱ he. *2 Kor. 4,10.

¹⁸ Wo-Nuṅtšo̱ Iesu Kristo dromo̱ le̱ ke̱ nyemumo̱ le̱ ahĩ ši, anyemimei! Amen. (Aṅma amãdše Galatabii le̱ ke̱-dše̱ (Roma) Efeso.)