Galatabii 3 - Ṅmãle̱ Kroṅkroṅ Le̱

¹ Ō Galatabii ni be̱ yitšoṅ! namo kpe̱nye aye ake̱ nyekabo ano̱kwale le̱ toi? mei ahĩe ni atēṅ Iesu Kristo ye̱ po̱, ake̱ moni ase̱ṅle̱ le̱,

² Ene̱ ke̱ke̱ mitaoo̱ makase ye̱ nyenā: mla nitšumo̱i amli nyená Mumo̱ le̱ ke̱-dše̱, alo hemo̱-ke̱-yeli toibõ le̱ṅ?

³ Aso né̱ke̱ nyehe̱ yitšoṅ? Ni nyeke̱ mumo̱ bõi ie̱, agbe̱ne̱ helo nyeke̱-bagbe nā lo?

⁴ Nõ babaõ ni nyena ne̱, yakatſā nyena lo? ké̱ yakatſā hũ po ni le̱.

⁵ Bĕle̱ moni ke̱ Mumo̱ le̱ keo̱nye ni etšuo̱ hewale̱nii ye̱ nyemli le̱, mla ni-tšumo̱i amli efeo̱ ye̱ alo hemo̱-ke̱-yeli toibõ mli?

⁶ Take̱ bo̱ni Abraham hé Nyoṅmo̱ eye, ni abu ene̱ dšale̱ ahãle̱ le̱. 1 Mose 15,6.

⁷ Nohewo̱ le̱ nyenáa nyelea ake̱ mei ni dse̱ hemo̱-ke̱-yeli mli le̱, ame̱ noṅṅ dši Abraham bii.

⁸ Ši ake̱ noni ṅmãle̱ le̱ ena momo ake̱ hemo̱-ke̱-yeli mli Nyoṅmo̱ aabu dšeṅ-mãdši le̱ abem ye̱ hewo̱ le̱, edšadše sane-kpakpa le̱ etšõ Abraham eto ake̱: *“Omli aadšó̱ dšeṅmãdši le̱ fẽ ye̱.” *1 Mose 12,3.

⁹ Bele̱ mei ni dše̱ hemo̱-ke̱-yeli mli le̱, adšō̱o̱ame̱ ke̱ Abraham ni hé ye le̱. Rom. 4,16.

¹⁰ Edšake̱ mei abo̱ ni dše̱ mla nitšumo̱i amli le̱, lōmo̱ kã ame̱no̱; edšake̱ aṅmã ake̱: *“Alomo̱ mo̱fẽmo̱ ni ehĩī ši ye̱ nii fẽ ni aṅmã ye̱ mla wolo le̱ṅ le̱ mli ni eye no̱ le̱.” *5 Mose 27,26.

¹¹ Ši eye̱ faṅṅ ake̱ mla mli le̱ abuṅ mokomoko bem ye̱ Nyoṅmo̱ hĩe, edšake̱ *“dšalo̱ le̱, hemo̱-ke̱-yeli mli eyi aanã wala ye̱;” *Hab. 2,4. Rom. 1,17.

¹² ši mla le̱, dšee hemo̱-ke̱-yeli mli edše̱, ši moṅ *“moni yeo̱ no̱ le̱ yi aaná wala ye̱ mli.” *3 Mose 13,5.

¹³ Kristo kpõwo̱ ke̱-dše̱ mla le̱ lōmo̱ le̱ mli, ake̱-ni etšõ *lōmo̱ ehãwo̱ le̱, edšake̱ †aṅmã ake̱: “Alomo̱ mofĕmo ni tšotšõro tšo no̱” le̱; *Rom 8,3. 2 Kor. 5,21. †5 Mose 21,28.

¹⁴ koni Abraham dšó̱mo̱ le̱ aba dšeṅ-mãdši le̱ ano̱ ye̱ Kristo Iesu mli, ni wo̱ke̱ hemo̱-ke̱-yeli le̱ aná Mumo̱ le̱ šiwō le̱.

¹⁵ Anyemimei, mīwiele̱ gbomeiaṅ: Gbomo šamaṅšeo tete, ke̱dši awadšele̱ le̱, moko kwaa, ni asaṅ moko fataa he noko.

¹⁶ Ši Abraham le̱, awie šiwō wiemo̱i le̱ ahãle̱ ke̱ eseši le̱, *Ekē̱ē̱ ake̱: “ke̱ esešibii le̱,” take̱ mei pī anõ, ši moṅ take̱ mokome nõ, ake̱ “ke̱ oseši le̱,” moni dši Kristo le̱, *1 Mose 22,18.

¹⁷ Ši noni mikē̱o̱ ne̱: Mla ní *awo ye̱ afii ohai-edſe̱ ke̱ nyoṅmai-etẽ se̱ le̱ eguu kpãṅmo̱ ni Nyoṅmo̱ ewadše eto Kristo le̱, ni ehã šiwõ le̱ afe yaka. *2 Mose 12,40.

¹⁸ Ši ké̱ gbošinii le̱ dše̱ mla le̱ mli le̱, no le̱ dšee šiwõ le̱ mli edše̱ doṅṅ; ši Abraham le̱, šiwō no̱ Nyoṅmo̱ tšó̱ eṅõ-kele̱.

¹⁹ Agbe̱ne̱ mẽ dši mla le̱ mo̱? No̱tõmo̱i le̱ ahewo̱ *aṅõ-fata he, ke̱-baši beyino̱ ni seši ni awo ši ahã le̱ aaba; ni †ṅwei-bo̱foi ano̱ atšõ awo, ye̱ mlidamolo̱ deṅ. *Rom. 5,20. †Bo̱f. 7,53.

²⁰ ši mlidamo̱lo̱ ie̱, edšee mokome nõ, ši Nyoṅmo̱ le̱, mokome dšile̱.

²¹ Agbe̱ne̱ mla le̱ kũo̱ Nyoṅmo̱ šiwōi le̱ anā lo? Dabida! Edšake̱ awo mla ko ni aanyẽ *wala ahã, kũle̱ eye̱ mli le̱le̱ṅ ake̱ mla mli dšale̱ le̱ dše̱. *Rom. 8,2-4.

²² Ši moṅ *ṅmãle̱ le̱ eṅõ nibii fẽ eto eša šiši, koni atšõ Iesu Kristo no̱ hemo̱-ke̱-yeli no̱ ake̱ šiwõ le̱ ahã mei ni heo̱ yeo̱ le̱. *Rom. 3,9-19; 11,32.

²³ Ši dãni hemo̱-ke̱-yeli le̱ ba le̱, ake̱wo̱ eto mla šiši, ni aṅá wo̱yi ato hemo̱-ke̱-yeli ni abadšie kpo le̱. 4,3.

²⁴ Nohewo̱ le̱ mla le̱ etšõ wo̱tšo̱-selo̱ ke̱-mĩya Kristo ṅõ, koni hemo̱-ke̱-yeli mli abuwo̱ bem ye̱.

²⁵ Ši ni hemo̱-ke̱-yeli ba ne̱, wo̱be̱ tšo̱selo̱ le̱ šiši doṅṅ, Rom 10,4.

²⁶ Edšake̱ nyefẽ le̱ Nyoṅmo̱ bii dšinye ye̱ Kristo Iesu mli ke̱-tšõ hemo̱-ke̱-yeli le̱ no̱; Ioh 1,12. Rom. 8,17.

²⁷ edšake̱ nye mei aho̱ ni *abaptisinye awo †Kristo mli le̱, nyewo Kristo, *Rom. 6,3. †Rom. 13,14.

²⁸ Iudanyo be̱ le̱, Helanyo hũ be̱ doṅṅ; nyõṅ be̱ le̱, odehe hũ be̱ doṅṅ; nō be̱ le̱, yō hũ be̱ doṅṅ: edšake̱ nyefẽ, mokome dšinye ye̱ Kristo Iesu mli, Rom. 10,12. 1 Kor 12,13.

²⁹ Ši ké̱ Kristo nii dšinye le̱, bẽle̱ Abraham sešibii dšinye, ke̱ gbošiniyelo̱i hũ ye̱ šiwō le̱ nā, K. 7. Rom. 9,7.