Galatabii 2 - Ṅmãle̱ Kroṅkroṅ Le̱

¹ Ke̱ke̱ le̱ no se̱ afii nyoṅma ke̱ edſe̱ so̱ṅṅ le̱ misã mike̱ Barnaba te Ierusalem, ni miṅo Tito hũ mifata mihe. Bof. 15,2.

² Ši mite ye̱ kpodšiemo̱ ko nā, ni mike̱ sanekpakpa ni mišie̱o̱ ye̱ dšeṅmãdši le̱ ateṅ le̱ yaṅmẽ ame̱hĩe, ši titri le̱ mei ni *abuo̱ame̱ le̱ ahīe, beni afe ni mifoi ni mihĩeo alo mihĩe le̱ akafe yaka. *K. 6,9.

³ Ši Tito tete ni ke̱mi yo̱ ní edší Helanyo le̱, anyẽẽ eno̱ ake̱ éfo ketia; Bof. 16,3.

⁴ edšake̱ *amale-nyemimei komei edšu ši éba mli, ni ame̱ba nĩgī koni ame̱basra wo̱hé ni wo̱ye ye̱ Kristo Iesu mli le̱, koni ame̱yewo̱ nyõṅ; *Bof 15,1. 24.

⁵ ši ame̱ le̱, wo̱kplẽẽ ni wo̱boame̱ toi ṅmle̱tſā kome tete, koni sanekpakpa le̱ *ano̱kwale le̱ áhĩ ši so̱kẽ áhãnye. *8,1.

⁶ Ši mei ni abuo̱ame̱ ake̱ ame̱yo̱ gbe̱i le̱, — bo̱fẽbo̱ ni ame̱yo̱ sá le̱, dšee mihe sane ko, Nyoṅmo̱ kwe̱e̱ gbomo hĩe ehalaa le̱, — edšake̱ mi le̱, mei ni abuo̱ame̱ le̱, ame̱tšõõmi noko ame̱fataa he;

⁷ ši moṅ, beni ame̱na ake̱ atu *fōlo̱i ateṅ sanekpakpa le̱ dšadšemo̱ le̱ awo mideṅ, tamo̱ bo̱ní atu ketiafolo̱i anõ le̱ awo Petro deṅ le̱, *Bof. 9,15; 15.12: 22,21.

⁸ edšake̱ moni tšu nii ye̱ Petro mli ni ehã eye bo̱fo ye̱ ketiafolo̱i le̱ ateṅ le̱, le̱ noṅṅ etšu nii ye̱ mi bũ mimli ye̱ dšeṅ-mãdši le̱ ateṅ le̱,

⁹ ni beni ame̱yo dromo̱ ni aṅõ-hãmi le̱, Iakobo ke̱ *Kefa ke̱ Iohane ni abuo̱-ame̱ ake̱ akulašĩṅi le̱, ame̱ke̱ nanyobō̱ ninedšũrõ le̱ ta mi ke̱ Barnaba dĕ, koni wo̱ le̱ wo̱ya dšeṅmãdši le̱ aṅõ, ši ame̱ le̱ ame̱ya ketiafolo̱i le̱ ateṅ; *Ioh. 1,42.

¹⁰ ši ohĩafoi ke̱ke̱ ame̱kē̱ wo̱kai, no noṅṅ he mo̱deṅ mibo̱ ake̱ mafe. Bof. 11,30; 12,25.

¹¹ Ši beni Petro ba Antiokia le̱ mi-damo̱ ehĩe mikũ enā, edšake̱ aflo̱ enā,

¹² Edšake̱ dãni meikomei aadše̱ Iakobo ṅõ aba le̱, eke̱ dšeṅmãdšiaṅbii le̱ yeo̱ nii; ši beni ame̱ba le̱, egbla ehe ši ni etše ehe, edšake̱ ĕše mei ni dše̱ ketiafolo̱i le̱ ateṅ le̱ gbeyei. Bof. 11,3.

¹³ Ni Iudafoi ni eſe̱ le̱ hũ ke̱le̱ fe nakai osato le̱, ni ame̱gbla Barnaba tete ame̱wo ame̱satofemo̱ le̱ mli,

¹⁴ Ši beni mina ake̱ ame̱nyiee trõmõ ye̱ sanekpakpa le̱ ano̱kwale le̱ nā le̱, mikē̱ Petro ye̱ ame̱fẽ ame̱hĩe ake̱: Ké̱ bo ni odši Iudanyo le̱ ofeo̱ onii tamo̱ dšeṅmãdšiaṅnyo ni dšee tamo̱ Iudanyo le̱, mẽba onyẽo̱ dšeṅmãdšiaṅbii le̱ ano̱ ake̱ ame̱fe ame̱nii tamo̱ Iudafoi?

¹⁵ Wo̱ ni afo̱wo̱ Iudafoi ni wo̱dšee ešafelo̱i ni dše̱ dšeṅmādši le̱ amli le̱,

¹⁶ kẽle̱ wo̱le ake̱ abuu gbomo bem ke̱-dše̱e̱ mla nitšumo̱i amli, ake̱ dša atšõ Iesu Kristo no̱ hemo̱-ke̱-yeli le̱ no̱ ke̱ke̱: bewo̱ le̱ wo̱ hũ wo̱hé Kristo Iesu no̱ wo̱ye, koni abuwo̱ bem ke̱-dše̱ Kristo hemo̱-ke̱-yeli mli, ni dšee mla nitšumo̱i amli; edšake̱ abuṅ helo-ko-helo-ko bem ke̱-dše̱ṅ mla nitšumo̱i amli. Bo̱f. 15,10. 11. Rom. 8,20. 28; 4,5; 11,6, Ef. 2,3.

¹⁷ Ši agbe̱ne̱, ké̱ wo̱ ui wo̱taoo̱ ake̱ abuwo̱ bem ye̱ Kristo mli le̱ anawo̱ ake̱ wo̱dientše̱ hũ ešafelo̱i dšiwo̱ le̱, bẽle̱ Kristo dši eša súolo̱ lo? Dabida!

¹⁸ Edšake̱ ké̱ nii ni mikũmo̱ le̱ noṅṅ mimāa ekoṅ le̱, bĕle̱ mitšõo̱ midientše̱ mihe ake̱ no̱tõlo̱ dšimi,

¹⁹ Edšake̱ mi le̱ mitšó̱ mla le̱ no̱ migbo mihã mla le̱, *koni mibĩe akā ahā Nyoṅmo̱. *Rom. 7,6.

²⁰ Ase̱ṅmi ke̱ Kristo; hewo̱ le̱ dšee mi mihĩe kā doṅṅ, ši *Kristo ni hĩe kā ye̱ mimli; ši mihĩe nĩ kā ye̱ helo mli agbe̱ne̱ ne̱, Nyoṅmo̱ bi le̱, ni sumo̱mi ni †eṅõ ehe ehā ye̱ mihewo̱ le̱, hemo̱-ke̱-yeli mli mihĩe kā ye̱. *Ioh 17,23. †Gal. 1,4.

²¹ Mikwaa Nyoṅmo̱ dromo̱ le̱; edšake̱, kē̱ mla no̱ dšale̱ tšõo̱ ke̱-baā le̱, bĕle̱ Kristo le̱, yakatſā egbo le̱,