Filipibii 2 - Ṅmãle̱ Kroṅkroṅ Le̱

¹ Nohewo̱ le̱ ké̱ Kristo mli wiemo̱-ke̱-tšõmo̱ ko ye̱, ké̱ suomo̱ mĩše̱dšemo̱ ko ye̱, ké̱ mumo̱ṅ nanyobó̱ ko ye̱, ké̱ mũ-sũṅtšõle̱ ke̱ mo̱bo̱nale̱ ko ye̱ le̱,

² nyehãa mimĩše̱ le̱ ayia obõ, ake̱ nyemĩdſẽṅ nokome, nyehĩe suomo̱ kome, susuma kome, dſẽṅmo̱ kome,

³ ni nyekaṅmēa mligblamo̱i lo *yaka anumnyam taomo̱ gbe̱, ši moṅ nyeke̱ hešibãdſẽṅmo̱ †abubua nyenanemei fé nyedientše̱ nyehe; *Gal. 5.26 †Rom. 12,10.

⁴ nyeteṅ mofẽmo akafō enõ mli, ši efõ enanyo nõ mli. 1 Kor. 10,24. 33.

⁵ Noni Kristo Iesu hũ dſẽṅ le̱, no noṅṅ nyedſẽṅa ye̱ nyemli,

⁶ moni *Nyoṅmo̱ su le̱ṅ eyo̱ moṅ, ši ebuu egbo̱ ni eke̱ †Nyoṅmo̱ ye le̱ ake̱ nihanii; *Ioh 1,12; 17,5. †1 Mose 3,5.

⁷ ši moṅ edšie ye̱ ehe efõ ši, eṅõ *tšulo̱ su efõ eno̱, etšõ tamo̱ gbomo, ni ešihĩle̱ ghe̱fãṅ hũ anale̱ take̱ gbomo; *Ies. 53,3. 2 Kor. 8.9. Heb. 2,14. 17.

⁸ eba ehe ši ni ebo toi ke̱-te gbĕlemli, ke̱-te se̱ṅmo̱tšo no̱ gbĕ-le mli tete. Heb. 12,2; 5,8.

⁹ Ene̱hewo̱ hũ ni Nyoṅmo̱ *wõ eno̱ godšō, ni edrole̱ gbe̱i ni tá gbe̱i-fẽ-gbe̱i no̱, *Bof 2,33. Ef. 1,21. Heb. 1,34.

¹⁰ koni mei ni yo̱ ṅwei ke̱ mei ni yo̱ šikpoṅ le̱ no̱ ke̱ mei ni yo̱ šikpoṅ le̱ šiši le̱ anakutšo-fẽ-na-kutšo̱ akũla ši ye̱ Iesu gbe̱i le̱ amli, Ies. 45,23. Ioh 5,23. Kpods. 5,13.

¹¹ ni lile̱i-fẽ-lile̱i agba mli kpō ake̱ Iesu Kristo dši Nuṅtšo̱ ke̱-wo tše̱ Nyoṅmo̱ le̱ hĩe nyam.

¹² Nohewo̱ le̱, nye mei ni misumoo̱, take̱ bo̱ni nyeboo̱ toi dãne̱, dšee beni mike̱nye yo̱ le̱ ke̱ke̱, ši moṅ titri le̱ agbe̱ne̱ ni mibe̱ nyeṅõ ne̱ hũ le̱: nyeke̱ *gbeyeišemo̱ ke̱ hekpokpomo̱ atšua nyedientše̱ nyeyiwalaheremo̱ le̱ he nii; *1 Pet. 1,17. Lal. 2,11.

¹³ edšake̱ suomo̱ ni aasumo̱ dšio, femo̱ ni aafe dšio, Nyoṅmo̱ dši moni tšuo̱ fẽ ye̱ nyemli ye̱ emlihile̱ nā. Ioh. 15,5. 2 Kor. 3,5.

¹⁴ Nyefea nyenii fẽ ni *hũhũhũwiemo̱i ke̱ ṅwanedšĕ akahĩ mli; *1 Pet. 4,9.

¹⁵ koni nyehe akahĩ ſamo̱, ni nyefe mei *kro̱ṅi, Nyoṅmo̱ bii ni he be̱ kpa ko ye̱ yino̱ kõdõṅ ni be̱ eṅe̱le̱no̱ ne̱ teṅ, mei ateṅ ni †nyetšoo̱ tamo̱ kanei ye̱ dše ne̱ṅ; *1,10. †Mat. 5,14. EF. 5,3.

¹⁶ ni nyehīe wala wiemo̱ le mli, koni etšõ *fā̃nõ ehãmi ye̱ Kristo gbĩ le̱ no̱, ake̱ †mifoidšẽ le̱ efee yaka ni mideṅme-gbomo̱ le̱ hũ efee eflo. *1 Tes, 2,19, †Ies, 49,4. Gal. 2,2.

¹⁷ Ši ke̱dši *afo̱se milá aſie nyehemo̱-ke̱-yeli afo̱le ke̱ dšámo̱ le̱ no̱ tete le̱, miye̱ he tšuidšũrõ ni mike̱nye fẽ aaná tšuidšũrõ; *2 Tim 4,6.

¹⁸ nakai noṅṅ kẽ nye hũ nyenáa tšuidšũrõ ni nyeke̱mi anáa tšuidšũrõ. 3,1; 4,4.

¹⁹ Ši mihĩe kã no̱ ye̱ Nuṅtšo̱ Iesu mli, ake̱ etše̱ṅ ni matšu Timoteo nyeṅõ, koni ke̱dši minu bo̱ni nyeyo̱ le̱, ni mi hũ mitšui anyõ mimli.

²⁰ Edšake̱ mibe̱ moko ni *edſĕṅmo̱ ke̱ midſẽṅmo̱ yeo̱ egbo̱ ni nyehe sane do̱ö̱le̱ kro̱ṅṅ tamo̱le̱; *1 Kor. 16,10.

²¹ edšake̱ mei le̱ fẽ le, ame̱dientše̱ ame̱nii ame̱pleo̱, ši dšee Kristo Iesu nii. 2 Tim. 4,10. 16.

²² Ši nyele ete̱ nā, ake̱ eke̱mi sumoo̱ ye̱ sanekpakpa le̱ hewo̱ tamo̱ bi ke̱ etše̱.

²³ Nohewe̱ le̱ mihĩe kã eno̱, ake̱ amrõ ni mana misane le̱ nā le̱, matšũle̱ nyeṅõ.

²⁴ Ši mihĩe kã Nuṅtšo̱ le̱ no̱, ake̱ midientše̱ hũ, etše̱ṅ ni maba. 1,25.

²⁵ Kẽle̱ midſẽṅo̱ ake̱ ehĩa ake̱ matšũ wo̱nyemi *Epafrodito, ni dši minanyonitšulo̱ ke̱ tabilo̱ ke̱ nyebo̱fo ke̱ mihĩa le̱ he suolo̱ hũ le̱, nyeṅõ, *4,18.

²⁶ edšake̱ ēſe nyefē, ni ake̱-ni nyenu ake̱ ehe mĩye hewo̱ le̱ ẽhao.

²⁷ Ši ehe ye le̱le̱ṅ ni ebe̱ṅke̱ gbĕle tã, ši kẽle̱ Nyoṅmo̱ enale̱ mo̱bo̱, ni dšee le̱ ke̱ke̱, ši moṅ mi hũ, koni mikaye ṅko̱mo̱ mito ṅko̱mo̱ no̱.

²⁸ Nohewo̱ titri mibo̱ mo̱deṅ mitšũle̱ le̱, koni, ké̱ nyenale̱ ekoṅ le̱, ni nyená mīše̱ ni mi hũ mikaye ṅko̱mo̱ tũtu,

²⁹ Nohewo̱ le̱ nyehereale̱ atu ye̱ Nuṅtšo̱ le̱ mli, ke̱ mĩše̱ so̱ṅṅ, ni nyebua ne̱ke̱ gbomei ake̱ mei ni sa wō; 1 Kor. 16,16.

³⁰ edšake̱ Kristo nitšumo̱ le̱ hewo̱ le̱ ebe̱ṅke̱ gbẽle kwrä, ni ešē̱ ewala efõ, koni eke̱-gbe noni ſe̱o̱nye ye̱ suomo̱ ni nyeke̱-asúmo̱mi le̱ mli le̱ nā.