Filipibii 1 - Ṅmãle̱ Kroṅkroṅ Le̱

¹ Paulo ke̱ Timoteo, Iesu Kristo tšũdši le, ṅmã yahã *meikroṅkroṅi ni yo̱ Iesu Kristo mli ye̱ Filipi ke̱ †ame̱no̱kwe̱lo̱i ke̱ sũole̱i le̱ fẽ: *1 Kor. 1,2 †1 Tim. 3,1. 8.

² Dromo̱ ke̱ hedšo̱le̱ ni dše̱ wo̱tše̱ Nyoṅmo̱ le̱ ke̱ Nuṅtšo̱ Iesu Kristo deṅ le̱ ahãnye! Rom. 1,7.

³ Midaä mi-Nyoṅmo̱ le̱ ši befẽbe ni mikaio̱nye, Rom. 1,8. 1 Kor, 1,4.

⁴ ye̱ mi-dã-faikpamo̱i fẽ ni mikpaä mihãanye fẽ le̱ mli, ni mike̱ mĩše̱ kpaä fai,

⁵ ye̱ nyenanyo ni nyebo̱ö ye̱ sane-kpakpa le̱ mli ke̱-dše̱ kleṅkleṅ gbĩ le̱ ne̱ ke̱-baši be ne̱ le̱ hewo̱;

⁶ ni miṅõ mihĩe mifõ ene̱ noṅṅ no̱, ake̱ moni bõi nitšumo̱ kpakpa ye̱ nyemli le̱, le̱ noṅṅ eeka he ke̱-yaši eegbe nā ye̱ Iesu Kristo gbĩ le̱ no̱; 2,13. 1 Kor. 1,6-8.

⁷ take̱ bo̱ni sa bãmi ake̱ midſẽṅo̱ ene̱ ye̱ nyefẽ nyehewo̱ le, edšake̱ mikpãi ke̱ sanekpakpa le̱ hefãmo̱ ke̱ eno̱mĩmã mli fẽ le̱ nyekã mitšui no̱, ake̱-ni mike̱ nyefẽ le̱ dromo̱ le̱ niyelo̱i dšiwo̱ le̱,

⁸ Edšake̱, bo̱ni miſeo̱ nyefẽ mihãa ye̱ Iesu Kristo mlitšõle̱i le̱ anã le̱, Nyoṅmo̱ dši midasefonyo,

⁹ Ni ene̱ he fai mikpaā, ake̱ nyesuomo̱ le̱ afá ke̱-ya no̱, ni eteke no̱ fè tšutšu le̱ ye̱ nilē ke̱ se̱yomo̱ fẽ gbe̱fáṅ,

¹⁰ ni *nyeyo nii ni hĩ titri le̱, koni nyefe kro̱ṅṅ ni †nanetõtõmo̱ ko akahĩ nyeha ke̱-yaši Kristo gbĩ le̱ no̱; *Rom. 12,2. †1 Tes. 5,23.

¹¹ ni dšale̱ *yibii ni awoo̱ ye̱ Iesu Kristo mli le̱, ayimo̱nye obõbõ abã Nyoṅmo̱ anumnyam ke̱ yidšiemo. *Ef. 5,9.

¹² Ši, anyemimei, mĩsumo̱ ake̱ nyele ake̱ sãdši ni ba mino̱ le̱ ehã sanekpakpa le̱ eſere moṅ, 2 Tim, 2,9.

¹³ ni ehã mikpãi le̱ edše ši faṅṅ ye̱ Kristo mli *ye̱ Pretorio (Kaisare asrafoi amõ) le̱ mli fẽ ke̱ mei ni eſe̱ le̱ fẽ ateṅ, *4,22.

¹⁴ ni nyemimei ni yo̱ Nuṅtšo̱ le̱ mli le̱ ateṅ mei babaõ etšo mikpãi le̱ ano̱ ená ekā̃ babaõ fè tšutšu le̱ ke̱-mīdšadše Nyoṅmo̱ wiemo̱ le̱ ni ame̱šee gbeyei.

¹⁵ Meikomei le̱, hetšẽmo̱ ke̱ meianã-béi-taomo̱ hewo̱ ame̱šie̱o̱ Kristo le̱; ši meikomei hũ ke̱ dſẽṅmo̱ kpakpa šie̱o̱.

¹⁶ Mene̱mei dše̱o̱ suomo̱ mli šie̱o̱, edšake̱ ame̱le ake̱ sanekpakpa le̱ *hefãmo̱ hewo̱ ni mikã bie̱ ne̱; *K. 7.

¹⁷ ši meikrokomei le̱ meianābẽi-taomo̱ mli ame̱dše̱o̱ ame̱šie̱o̱ Kristo, ni dšee kro̱ṅṅ ni, ši moṅ ame̱dſẽṅmo̱ dši ake̱ ame̱ke̱ amanehũlũ aafata mikpãi le̱ ahe,

¹⁸ Bẽle̱ moni ni? befẽbe ni fe le, lakpatõ nā dšio, ano̱kwale nā dšio, Kristo kẽ ašie̱o̱ le̱; ni ene̱hewo̱ le̱ miye̱ mīše̱, Ni asaṅ maná mīše̱; 2,17. 18.

¹⁹ edšake̱ mile ake̱ ene̱ batšo miyiwalaheremo̱ *ye̱ nyefaikamo̱ ke̱ Iesu Kristo Mumo̱ le̱ yeli-ke̱-buamo̱ nā, *2 Kor. 1.11.

²⁰ ye̱ migbe̱kwe̱mo̱ ke̱ no̱hĩekãmo̱ le nā, ake̱ mihĩe gboṅ ye̱ nokonoko mli, ši moṅ, bo̱ni afeo̱ dã le̱, nakai agbe̱ne̱ hũ ake̱ ekā̃ fẽ aawo Kristo hĩe nyam ye̱ migbomotšo mli, ye̱ wala mli dšio, gbĕle mli dšio. 1 Pet. 4,16.

²¹ Edšake̱ mi le̱, Kristo dši *miwala, ni gbĕle le̱ mise̱námo ni. *Gal, 2.20.

²² Ši ké̱ helo mli wala ne̱ noṅṅ hãa minitšumo̱ *woo̱ yibii le̱, milee emli noni mako̱; *Rom. 1,13

²³ ši mĩhao ye̱ nibii enyo̱ ne̱ teṅ: *mīſe ni madše mli ni mike̱ Kristo ayahĩ ši, adšake̱ no hī āhũ; *1 Maṅ. 19,4. 2 Kor. 5,8.

²⁴ ši nyehewo̱ le̱ helo mli šihīle̱ le̱ he ehĩa fē no.

²⁵ Ni ake̱ noni miṅõ mihīe mifõ éne̱ no̱ hewo̱ le̱, mile ake̱ mahĩ ši, ni mi-ke̱nye fẽ aahĩ ši, koni nyehemo̱-ke̱-yeli le̱ aſere, ni nyenã mĩše̱ ye̱ mli;

²⁶ koni nyemliflimo̱ le̱ ateke no̱ ye̱ Kristo Iesu mli, ye̱ mihewo̱, ye̱ kpe ni mike̱nye bakpe ekoṅ le̱ hewo̱.

²⁷ Bẽle̱ nyemaṅsane gbe̱fãṅ le̱ nyebaä nyedšeṅ *bo̱ni sa Kristo sanekpakpa le̱ ke̱ke̱, koni, ké̱ miba mibananye dšio, mike̱nye be̱ dšio, manu nyehe ake̱ nye-damo̱ ši ye̱ mumo̱ kome mli, ni nyeke̱ dſẽṅmo̱ kome mĩple sanekpakpa le̱ hemo̱-ke̱-yeli le̱ he, *Kol. 1,10. 1 Tes. 2.12.

²⁸ ni nyekahãa henye̱lo̱i le̱ mīwoa nyeha gbeyei ye̱ nokonoko mli, no noṅṅ dši hīekpãtãmo̱ okadi hãame̱, ši nye le, edši walaheremo̱ okadi hãnye, ni ene̱ dše̱ Nyoṅmo̱ deṅ,

²⁹ edšake̱ nye le̱ adronye ye̱ Kristo hewo̱, dšee eno̱ hemo̱-ke̱-yeli ke̱ke̱, ši moṅ ake̱ nyena nõ ye̱ ehewo̱ hũ:

³⁰ ni nakai ta kome le̱ noṅṅ ni nyena ye̱ *mihe ni agbe̱ne̱ nyenuo̱ ye̱ mihe hũ le̱ mli nyeyo̱ ne̱. *Bof. 16,22.