Ezra 9 - Ṅmãle̱ Kroṅkroṅ Le̱

¹ Agbe̱ne̱ beni agbe ne̱ke̱ nibii ne̱ anā le̱, onukpai le̱ ba mĩṅõ ame̱bakē̱ ake̱: Israel maṅ le̱ ke̱ oso̱foi le̱ ke̱ Levibii tšeko amehe ke̱-dše̱ko šikpõdši le̱ ano̱ bii le̱ ahe, ye̱ ame̱nihīnii ni ame̱fee̱ le̱ agbe̱fãṅ, nii ní Kanaanbii ke̱ Hitbii ke̱ Perizbii ke̱ Iebusbii ke̱ Amonbii ke̱ Moabbii ke̱ Mizraimbii ke̱ Amorbii le̱ feo̱ le̱;

² edšake̱ *ame̱yaw̌e̱w̌ē̱ ame̱biyei le̱ ekomei ame̱hã ame̱dientše̱ ame̱he ke̱ ame̱bihĩĩ, ni seši kroṅkroṅ le̱ eṅõ ame̱he ame̱futu šikpõdši le̱ ano̱ bii le̱; ni onukpai le̱ ke̱ no̱yelo̱i le̱ anine yo̱ mli ni afá ye ne̱ke̱ mlatõmo ne̱ mli. *K. 11.12. Neh. 13,23.

³ Ni beni minu ne̱ke̱ sane ne̱, *migbla mihe atade ke̱ mihebo le̱, ni mifãmo̱ miyiteṅ tšo̱i ke̱ mĩtšẽṅ, ni mihe dšõ mihe ke̱-tá ši. *1 Mose 37,34.

⁴ Ke̱ke̱ ni mei fẽ ni he kpokpoo̱ ye̱ Israel Nyoṅmo̱ le̱ wiemo̱i le̱ ahewo̱ ye̱ mei ni aṅõame̱ nom le̱ amlatõmo̱ le̱ hewo̱ le̱ babua ame̱he nā ye̱ miṅõ; ši mi le̱ mihe dšõ mihe ke̱-tá šĩ āhũ ke̱-yaši gbe̱ke̱ afo̱lešā̃ be le̱ mli.

⁵ Ni gbe̱ke̱ afo̱lešā̃ be le̱ mli le̱ mite ši ke̱-dše̱ miko̱mo̱yeli le̱ mli ke̱ mihe atade ke̱ mihebo ní étšere̱ le̱, ni miho mĩkũla minakutšei anā, ni migbe minidšiaṅ mitšõ Iehowa, mi-Nyoṅmo̱ le̱,

⁶ ni mikē̱: Mi-Nyoṅmo̱, *mihĩe eſie ši ni efemi hĩegbĕle ake̱ mawó mihīe no̱ makwe̱ ohĩe, mi-Nyoṅmo̱; edšake̱ †wo̱-tõmo̱i le̱ efá āhũ ke̱-yatá wo̱yiteṅ, ni wofo̱ ní wo̱ye le̱ eda āhũ ke̱-yaši ṅwei. *Dan. 3,7. 8. †Lal. 38,6.

⁷ Ke̱-dše̱ wo̱tše̱mei le̱ ayino̱ le̱ fo̱ kpeteṅkple kã wo̱no̱ āhũ ke̱-baši ṅme̱ne̱, ni wo̱nišaianii le̱ ahewo̱ le̱ atu wo̱ ke̱ wo̱maṅtše̱mei ke̱ wo̱so̱foi le̱ awo šikpõdši le̱ ano̱ maṅtše̱mei le̱ adẽ, ahã klante ke̱ nomṅõ ke̱ nihā ke̱ hĩegbĕle, take̱ bo̱ni yo̱ ṅme̱ne̱ ne̱.

⁸ Ni agbe̱ne̱ Iehowa, wo̱-Nyoṅmo̱ le̱, edrowo̱ be kukuō mli, ni ehã ſē̱nõ ko edše mli ehãwo̱, ni ehãwo̱ *šiṅmlitšo ko ye̱ ehekroṅkroṅ le̱, koni wo̱-Nyoṅmo̱ le̱ ahã wo̱hĩṅme̱ii ano̱ atšere̱wo̱, ni ehã wo̱yi aná wala fiō ye̱ wo̱nyṍṅyeli le mli. *Ies. 22,23.

⁹ Edšake̱ nyṍdši dšiwo̱; ši kẽle̱ wo̱nyṍṅyeli le̱ mli le̱ wo̱-Nyoṅmo̱ le̱ kwakowo̱, ši moṅ ehã mo̱bo̱nale̱ eše̱ wo̱no̱ ye̱ Persia maṅtše̱mei le̱ ahĩe, ni ehã wo̱yi aná wala, koni wo̱mã wo̱-Nyoṅmo̱ le̱ šĩa le̱, ni wo̱sā emli tšũkoi le̱, ní ehãwo̱ *afãbaṅ ko ye̱ Iuda ke̱ Ierusalem. *Ies. 5,5.

¹⁰ Ni agbe̱ne̱, wo̱-Nyoṅmo̱, meni wo̱o̱kē̱ ye̱ ene̱ se̱? Edšake̱ wo̱kwa okitãi le̱,

¹¹ ni otšṍ otšũdši, gbaloi le̱, anine no̱ owo ake̱: Šikpoṅ ni nyeyaä ni nyeyaṅõ le̱, šikpoṅ ni *abule ni, ye̱ šikpõdši le̱ ano̱ bii le̱ abulemo̱nii le̱ ahewo̱, ye̱ ame̱nihīnii ni ame̱feo̱ ni ame̱ke̱-hã mũdšinii eyi no̱ obo ke̱-dše̱ nāgbēhe kome ke̱-yaši nāgbēhe kroko le̱. *3 Mose 13,24. 25.

¹² Nohewo̱ le̱ agbe̱ne̱ *nyeke̱ nyebiyei akahãa ame̱bihĩĩ agblã, ni asaṅ nyekaw̌e̱a ame̱biyei nyehãa nyebihĩĩ, ni nyekataoa ame̱hedšo̱le̱ lo ame̱ſeremo̱ gbĩko-gbĩko, beni afe ni nyehe awa, ni nyeye šikpoṅ le̱ no̱ nii kpakpai le̱, ni nyešĩ nyehã nyebii ake̱ gbo̱šinii ke-ya nāno. *5 Mose 7,2. 8.

¹³ Ni nii ní ba wo̱no̱ ye̱ wo̱nifõdši-anii le̱ ke̱ wo̱fo̱ kpeteṅkple ní wo̱ye le̱ hewo̱ ne̱ fẽ se̱ le̱, kẽle̱ bo, wo̱-Nyoṅmo̱ le̱, owokowo̱ nyõmo̱ bo̱ni sa wo̱nišaianii le̱, ni ohawo̱ ſē̱nõ ko kẽ ni tamo̱ ene̱.

¹⁴ Aso wo̱o̱kũ okitãi le̱ amli ekoṅ, ni wo̱ke̱ wo̱he ayabo̱ mãdši ní feo̱ nihĩniĩ ne̱ ahe ye̱ yōw̌ē̱ gbe̱făṅ lo? Aso omli fū̃ṅwo̱ ke̱-yašiṅ beyino̱ ní ookpãtã wo̱hĩe atã ní akaſe̱ mokomoko, ni asaṅ mokomoko akadše mli lo?

¹⁵ Iehowa, Israel Nyoṅmo̱, dšalo̱ dšio; edšake̱ ašĩwo̱ ake̱ ſē̱nõ ni wo̱dše mli tamo̱ bo̱ni yo̱ ṅme̱ne̱ ne̱: na, wo̱ye̱ ohĩe ke̱ wo̱fo̱yeli le̱, edšake̱ ene̱ hewo̱ le̱ wo̱nyẽẽ ohĩe wo̱damo̱! Neh. 9,33.