Ezra 6 - Ṅmãle̱ Kroṅkroṅ Le̱

¹ Ke̱ke̱ ni maṅtše̱ Dario fã́ ni ayatao ye̱ wodši ašĩa heni atoo̱ dſetrii le̱ ye̱ ye̱ Babel le̱.

² Ni ayana wolo ko ye̱ mō̃ ní yo̱ Akmeta ye̱ Media šikpoṅ le̱ no̱ le̱ mli, ni aṅmã sane ko ye̱ mli ne̱ke̱:

³ Maṅtše̱ Koreš kleṅkleṅ afi le̱ no̱ le̱ maṅtše̱ Koreš wo akpo̱ ye̱ Nyoṅmo̱ we ni yo̱ Ierusalem le̱ he ake̱: Šĩa ní dši he ní ašãa afo̱lei ye̱ le̱ amã, ni ahã ešišitō le̱ awa, ni ekwo̱le̱ le̱ afe ninetalo̱i nyoṅmai-ekpa ni elē̱mo̱ hũ nine-talo̱i nyoṅmai-ekpa; 1,1.

⁴ te̱i wudši klempẽi etẽ ke̱ tšo hũ klempẽ kome; ni ehe nyõmo̱ ni aabo̱ le̱ adše̱ maṅtše̱we le̱ awo.

⁵ Asaṅ Nyoṅmo̱ we le̱ šika ke̱ dſie̱te̱i nibii ní Nebukadnezar yalō ke̱-dše̱ so̱lemo̱tšũ ní yo̱ Ierusalem le̱ṅ ni eke̱-ba Babel le̱ ake̱-kũ se̱ ahã ní ake̱-ya so̱lemo̱tšũ le̱ ní yo̱ Ierusalem le̱ mli ni ake̱-yato ame̱tōhe, ni ohã ahĩ Nyoṅmo̱ we le̱.

⁶ Nohewo̱ le̱ agbe̱ne̱ bo Tatnai, fā le̱ se̱gbe̱ amralo, ke̱ Šetar-Boznai ke̱ nyenanemei Afarsakbii ní yo̱ fā le̱ se̱ le̱, nyedšea dše̱i nyeyaä se̱ fle̱ṅṅ!

⁷ Nyeṅmẽa Nyoṅmo̱ we ne̱ he nitšumo̱ le̱ gbe̱; nyehãa Iudafoi le̱ amralo le̱ ke̱ Iudafoi le̱ anukpai le̱ amã Nyoṅmo̱ we ne̱ ye̱ emā̃he le̱.

⁸ Asaṅ miwo akpo̱ matšõ noni nyefe nyehã ne̱ke̱ Iudafoi ne̱ anukpai le̱, ye̱ Nyoṅmo̱ šĩa ne̱ mā̃ le̱ hewo̱: no dši ake̱ maṅtše̱ nibii ni dši fā le̱ se̱ onĩa le̱, aṅō mli eko ahã ne̱ke̱ gbomei ne̱, ni aṅõ-wo nyõmo̱ ni aabo̱ le̱ pe̱pē̱pe̱, koni ame̱kaṅmē̃ he.

⁹ Ni nii ni hĩaāame̱ le̱, tšinabii ke̱ tōagboi ke̱ tōbii ní ake̱-ašã šã-afo̱lei ahã ṅwei Nyoṅmo̱ le̱, ṅmã, ṅō, wein ke̱ mũ, bo̱ni oso̱foi ní yo̱ Ierusalem le̱ aabi le̱, ahãame̱ gbĩ-fẽ-gbĩ ni akafo mli,

¹⁰ koni ame̱sã afo̱lei ní dšeo̱ ṅma ame̱hã ṅwei Nyoṅmo̱ le̱, ni ame̱kpa fai ni maṅtše̱ ke̱ ebii le̱ ayi aná wala.

¹¹ Misā mīwo akpo̱ ake̱ mofẽmo ní aatšake wiemo̱ ne̱ hīe le̱, adšie etšũ no̱ mplãṅ, ni ake̱-mã ši ni ase̱ṅle̱ ye̱ no̱, ni ahã ewe le̱ atšṍ tumu ye̱ ene̱ hewo̱.

¹² Ni Nyoṅmo̱, ní eṅõ egbe̱i eto dše̱i le̱, abutu maṅtše̱-fẽ-maṅtše̱ ke̱ maṅ-fẽ-maṅ ni aakpã enine mli ni eke̱-tšake ene̱ hĩe ni ekũmo̱ ne̱ke̱ Nyoṅmo̱ we ne̱ ni yo̱ Ierusalem le̱. Mi, Dario, miwo akpo̱ ne̱, ní aye ne̱ pe̱pē̱pe̱!

¹³ Ni Tatnai, fã le̱ bie̱gbe̱ amralo le̱, ke̱ Šetar-Boznai ke̱ ame̱nanemei le̱, ake̱-ni maṅtše̱ Dario tšũ abakē̱ hewo̱ le̱, ame̱fe nakai pe̱pē̱pe̱.

¹⁴ Ke̱ke̱ ni Iudafoi le̱ anukpai le̱ mã ni ete no̱ ye̱ gbalo̱ Hagai ke̱ Zakaria, Ido bi le̱, gbale̱ le̱ hewo̱. Ni ame̱mã ni ame̱gbe nā ye̱ Israel Nyoṅmo̱ le̱ kitã le̱ ke̱ Persia maṅtše̱ Koreš ke̱ Dario ke̱ Artašasta akpo̱ le̱ nā.

¹⁵ Ni agbe šla le̱ nā ye̱ Adar nyõṅ le̱ no̱ gbĩ ní dši gbĩ etẽ le̱ no̱ ye̱ *maṅtše̱ Dario maṅtše̱yeli afi ni dši ekpa le̱ no̱. *4,24.

¹⁶ Ni Israelbii le̱, oso̱foi ke̱ Levibii le̱, ke̱ nomṅõbii le̱ ni eſe̱ le̱ ye Nyoṅmo̱ we ne̱ *nāgblemo̱ gbīdšũrõ le̱ ke̱ mliflimo̱. *4 Mose 1,10. 1 Maṅ. 8,62-66.

¹⁷ Ni Nyoṅmo̱ we ne̱ nāgblemo̱ le̱ mli le̱ ame̱ke̱ tšinai oha, tōagboi ohai-enyo̱, tōbii ohai-edſe̱ šã afo̱le, ke̱ tōkpakpoi nyoṅma ke̱ enyo̱ ni *ake̱-šã eša-afo̱lei ahã Israel mū le̱ fẽ ye̱ Israel akutšei le̱ ayibo̱ le̱ nā. *8,35.

¹⁸ Ni ame̱to oso̱foi le̱ ye̱ ame̱safokui le̱ anã, ke̱ Levibii le̱ ye̱ ame̱mlidšāi le̱ anã, ame̱hã Nyoṅmo̱ sũomo̱ ní yo̱ Ierusalem le̱, take̱ bo̱ni *aṅmã ye̱ Mose wolo le̱ mli le̱. *4 Mose 3,6; 8,24.

¹⁹ Ke̱ke̱ ni nomṅõbii le̱ ye *Hehō le̱ ye̱ kleṅkleṅ nyõṅ le̱ no̱ gbĩ ni dši gbĩ nyoṅma ke̱ edſe̱ le̱ no̱. *2 Mose 12,5.

²⁰ Edšako̱ oso̱foi le̱ ke̱ Levibii le̱ blūblu etšū ame̱he, ni ame̱fẽ ame̱he etše; ni ame̱gbe Hehō tōbii le̱ ame̱hã nomṅõbii le̱ fẽ ke̱ ame̱nyemimei oso̱foi le̱ ke̱ ame̱dientše̱ ame̱he.

²¹ Ni Israelbii le̱ ni dše̱ nomṅõ le̱ mli ba le̱, ke̱ mei fẽ ní etše ame̱he ke̱-dše̱ šikpoṅ le̱ no̱ wo̱ṅdšálo̱i le̱ abulemo̱nii le̱ ahe ni ame̱ke̱ ame̱he ebabo̱ ame̱he, koni ame̱tao Iehowa, Israel Nyoṅmo̱ le̱, se̱gbe̱ le̱, ye Hehō le̱,

²² ni ame̱ye akpĩtī gbĩdšũrõ gbĩĩ kpănyo̱ ke̱ nyámo̱; edšake̱ Iehowa ehã ame̱-mli efliame̱, ni ehã Ašur maṅtše̱ le̱ tšui emõame̱, koni ewo ame̱nidšiaṅ ye̱ Nyoṅmo̱ ní dši Israel Nyoṅmo̱ le̱ we le̱ he nitšumo̱ le̱ mli.