Ezra 3 - Ṅmãle̱ Kroṅkroṅ Le̱

¹ Ni beni še̱ nyõṅ ni dši kpawo le̱, ni Israelbii le̱ yo̱ ame̱mãdši le̱ amli le̱, maṅbii le̱ *blūblu bua ame̱he nā ke̱-ba Ierusalem. *2,64.

² Ke̱ke̱ ni *Iešua, Iozadak bi le̱, ke̱ enyemimei oso̱foi le̱ ke̱ †Zerubabel, Šealtiel bi le̱, ke̱ enyemimei le̱ te ši ni ame̱yamã Israel Nyoùmo̱ le̱ afo̱lešãlate̱ le̱, koni ašã šã-afo̱lei ye̱ no̱, take̱ bo̱ni **aṅmã ye̱ Nyoṅmo̱ gbomo Mose mla le̱ mli le̱. *2,2. †1 Kron. 3,17-19. **2 Mose 27,1. 3 Mose 6,9.

³ Ni ame̱mã afo̱lešãlate̱ le̱ ye̱ emā̃he le̱, edšake̱ šĩkpõdsi le̱ ano̱ bii le̱ ahewo̱ le̱ ame̱mīše gbeyei; ni ame̱šã šã-afo̱lei ye̱ no̱ ame̱hā Iehowa, no dši lebi ke̱ gbe̱ke̱ šã-afo̱lei le̱.

⁴ Asaṅ ame̱ye *asesei agbĩdšũrõ le̱ hũ, take̱ bo̱ni aṅmã le̱, ni ame̱šā †dā gbĩ šã-afo̱lei le̱ hũ ye̱ yibo̱ nā, bo̱ni ato le̱ gbĩ-fẽ-gbĩ ke̱ enõ. *3 Mose 23,34. †4 Mose 29,12-38.

⁵ Ni fe se̱ le̱ ame̱šã dā šā̃-afo̱le le̱, ke̱ nyõdšĩ hēi ano̱ nii, ke̱ Iehowa gbĩĩ dšudšĩ ní ato ní afeame̱ kroṅkroṅ le̱ fẽ ano̱ nii le̱, ke̱ mofẽmo tšuidšũrõnānii ni ebakeo̱ Iehowa le̱.

⁶ Nyõṅ ní dši kpawo le̱ no̱ kleṅkleṅ gbĩ le̱ no̱ ame̱dše̱ ame̱bõi šā̃-afo̱leì le̱ ašã ke̱ Iehowa hãmo̱. Ši Iehowa so̱lemo̱tšũ le̱ anáko ato šiši.

⁷ Ši ame̱hã gbogbotſalo̱i ke̱ ṅmoṅmlo-gbo̱lo̱i le̱ šika, ni ame̱hã Zidonbii le̱ ke̱ Tirobiĩ le̱ niyenii ke̱ dã ke̱ mū, koni ame̱yaṅõ tšenedrutšei ke̱-dše̱ Lebanon ke̱-ba Iopa ṅšo̱ le̱ nā, bo̱ni Koreš, Persia maṅtše̱ le̱, ehãame̱ hegbe̱ le̱.

⁸ Agbe̱ne̱ beni ame̱ba Iehowa we le̱ ye̱ Ierusalem le̱, eno̱ afi ní dši enyo̱ le̱ no̱ nyõṅ ní dši enyo̱ le̱ no̱ le̱, Zerubabel, Šealtiel bi le̱, ke̱ Iešua, Iozadak bi le̱, ke̱ ame̱nyemimei ní eſe̱ le̱, oso̱foi le̱ ke̱ Levibii le̱, ke̱ mei fẽ ní dše̱ nom-ṅō̃ le̱ mli ba Ierusalem le̱ bõi, ni ame̱-fãmo̱ Levibii ní eye afii nyoṅmai-enyo̱ ke̱-yaä le̱, koni ame̱kwe̱ Iehowa we le̱ nitšumo̱ le̱ no̱.

⁹ Ni Iešua ke̱ ebii ke̱ enyemimei le̱, ke̱ Kadmiel ke̱ ebii le̱, ke̱ Iuda bii le̱ blūblu ho damo̱ ši, koni ame̱kwe̱ Nyoṅmo̱ we le̱ nitšulo̱i le̱ ano̱, ke̱ Henadad bii le̱ ke̱ ame̱bii ke̱ ame̱nyemimei Levibii le̱ hũ. Neh. 10,10.

¹⁰ Ni beni tšũmãlo̱i le̱ to Iehowa so̱lemo̱we le̱ šiši le̱, oso̱foi ní ewowō ame̱-tadei le̱ hĩe te̱tre̱mantre̱i ke̱-damo̱ ši, ni Levibii le̱ ní dši Asaf bii le̱ hũ hĩe ṅoṅoi, koni ame̱kafo Iehowa, take̱ bo̱ni Israel maṅtše̱ David to gbe̱dšiano̱ le̱.

¹¹ Ni ame̱la ni ame̱herehere no̱ ame̱-ke̱-kaſo Iehowa ni ame̱ke̱-dale̱ ši, *edšake̱ ehĩ, edšake̱ nāno̱ emo̱bo̱nale̱ hĩo̱ ši ke̱-yaä ye̱ Israel no̱. Ni maṅ mū le̱ fẽ bo̱ oše wā, beni ame̱kafoo̱ Iehowa ye̱ Iehowa šīa le̱ šišitō le̱ hewo̱ le̱. *2 Kron. 5,13; 7,5. Lal. 118,1.

¹² Ši oso̱foi ke̱ Levibii le̱ ke̱ tše̱mei awei le̱ ano̱ onukpai le̱ ateṅ mei pī, ni dši hĩĩmedši ni *na kleṅkleṅ šĩa le̱, fó ke̱ gbē wā le̱, beni ato šĩa ne̱ šiši ye̱ ame̱hĩe le̱; ši mei babaō hũ bo̱ oše wā ke̱ nyã́mo̱. *Hag. 2,3.

¹³ Nohewo̱ le̱ maṅbii le̱ yoo emli noni dši nyã́mo̱ ošebō̱ le̱ ke̱ noni dši maṅbii le̱ ayāfó blo̱mo̱ le̱; edšake̱ maṅbii le̱ bo̱ oše wā dientše̱, ni anu he ye̱ šoṅṅ.