Ezra 10 - Ṅmãle̱ Kroṅkroṅ Le̱

¹ Ši beni Ezra kpaã fai ne̱ke̱ ni eke̱ yāfó ke̱ šitſĩamo̱ dšadšeo̱ nii ye̱ Nyoṅmo̱ we le̱ hĩe le̱, Israelbii ateṅ mei babaō dientše̱, hĩĩ ke̱ yei ke̱ gbekẽbii, babua ame̱he nā ye̱ eṅõ; edšake̱ maṅ le̱ mīfó naakpa.

² Ke̱ke̱ ni Šekania ni dši Iehiel bi le̱, ní dši Elam bii le̱ ateṅ mokome le̱, here no̱ ni ekē̱ Ezra ake̱: Wo̱tõ wo̱-Nyoṅme̱ le̱ no̱, ake̱-ni wo̱yaw̌e̱ maṅse̱ yei ke̱-dše̱ šikpoṅ le̱ no̱ bii le̱ ateṅ le̱; ši kẽle̱ agbe̱ne̱ hĩeno̱kāmo̱ ye̱ hã Israel ye̱ ene̱ hewo̱.

³ Nohewo̱ le̱ agbe̱ne̱ nyehãa wo̱ke̱ wo̱-Nyoṅmo̱ le̱ akpãṅa, ní wo̱ſie yei le̱ fẽ ke̱ mei ni ame̱fo̱fo̱i le̱ hũ, ye̱ minuṅtšo̱ ke̱ mei ní he kpokpoo̱ ye̱ wo̱-Nyoṅmo̱ le̱ kitã le̱ hewo̱ le̱ aṅāwō le̱ nā, koni wo̱ye mla le̱ no̱.

⁴ Te ši, edšake̱ bo osane ni, ni wo̱ hũ wo̱fĩ ose̱; ná nŭtšui ni ofe!

⁵ Ke̱ke̱ ni Ezra te ši ni ehã oso̱foi ke̱ Levibii le̱ anukpai le̱ ke̱ Israel mũ le̱ fẽ kãmo̱ kitãi ake̱ ame̱aye ne̱ke̱ wiemo̱ ne̱ no̱. Ni ame̱kãmo̱ kitãi le̱.

⁶ Ke̱ke̱ ní Ezra te ši ke̱-dše̱ Nyoṅmo̱ we le̱ hĩe, ni eyiṅ ke̱-te Iehohanan ní dši Eliašib bi le̱ pia le̱ṅ. Ni beni ete dše̱i le̱, eyee nii ni enuu nu hũ; edšake̱ ēye ṅko̱mo̱ ye̱ nomṅō̃bii le̱ amlatõmo̱ le̱ hewo̱.

⁷ Ni ame̱hã ašie̱ ye̱ Iuda ke̱ Ierusalem fẽ ahã nomṅõbii le̱ fẽ ake̱ ame̱-bua ame̱he nā ke̱-bakpe ye̱ Ierusalem;

⁸ ni ake̱ moſẽmo ni baa ke̱-yaši gbĩĩ etẽ, ye̱ lume̱i le̱ ke̱ onukpai le̱ aṅāwō le̱ nā le̱, aadšō̱ enii fẽ no̱ ake, ni le̱dientše̱ hũ aafãle̱ ye̱ nomṅõbii le̱ asafo le̱ṅ.

⁹ Ke̱ke̱ ni Iuda ke̱ Benyamin hĩĩ le̱ fẽ babua ame̱he nā ke̱-kpe ye̱ Ierusalem ye̱ gbĩĩ etẽ le̱ mli, ye̱ nyõṅ ní dši ne̱hũ le̱ no̱, ye̱ nakai nyõṅ le̱ no̱ gbĩ ní dši gbĩ nyoṅmai-enyo̱ le̱ no̱, ni maṅ mū le̱ fẽ baho trá he ko kpatā ko ni yo̱ Nyoṅmo̱ we le̱ hĩe le̱, ni ame̱he mīkpokpo ye̱ ne̱ke̱ sane ne̱ ke̱ nyoṅmo̱ ni ne̱o̱ le̱ hewo̱.

¹⁰ Ni oso̱fo Ezra te ši damo̱ ši, ni ekē̱ame̱ ake̱: Nyetõ, edšake̱ nyeyaw̌e̱ maṅse̱ yei, ní nyeke̱-hã Israel fo̱yeli le̱ afá.

¹¹ Nohewo̱ le̱ agbe̱ne̱ nyedšadšea nyetšõa Iehowa, nyetše̱mei a-Nyoṅmo̱ le̱, ni nyefea esuomo̱nānii, ni nyetšea nyehe ke̱-dše̱a šikpoṅ le̱ no̱ bii le̱ ke̱ maṅse̱ yei le̱ ahe.

¹² Ke̱ke̱ ni asafo mū le̱ fẽ here no̱ ni ame̱ke̱ gbē wāle̱ kē̱ ake̱: Bo̱ni okē̱ le̱, nakai sā ake̱ wo̱o̱fe.

¹³ Ši maṅ le̱ yi fá, ni nyoṅmo̱ ne̱mo̱ be ne̱, ni wo̱nyẽẽ blohũ le̱ṅ wo̱damo̱, ni nitšumo̱ lo̱ hũ edšee gbĩ kome lo gbĩĩ enyo̱ nõ; edšake̱ wo̱fe efõṅ babaō ye̱ ne̱ke̱ sane ne̱ mli.

¹⁴ Nohewo̱ le̱ hã wolumei le̱ adamo̱ ši ahã asafo mū le̱ fẽ, ni mei fẽ ni yo̱ wo̱mādši le̱ amli ni ame̱kpē maṅse̱ yei le̱ aba ye̱ be ní ato mli, ni maṅ-fẽ-maṅ mli onukpai ke̱ emli kodšolo̱i le̱ afata ame̱he, ke̱-yaši beyino̱ ní aahã wo̱-Nyoṅmo̱ le̱ mlifũ ní nā wa ye̱ ne̱ke̱ sane ne̱ hewo̱ le̱ adše wo̱no̱.

¹⁵ Ionatan, Asahel bi le̱, ke̱ Iahezeia, Tikwa bi le̱, ke̱ke̱ te ši ši ne̱ke̱ sane ne̱; ni Mešulam ke̱ Šabetai, Levinyo le̱, fĩ ame̱se̱.

¹⁶ Ni nomṅõbii le̱ fe nakai. Ni afãmo̱ oso̱fo Ezra ke̱ tše̱mei awei le̱ ane̱ onukpai le̱ ekomei ye̱ ame̱tše̱mei awei le̱ anã, ní atšĩ ame̱fẽ ame̱gbe̱ii atã; ni nyõṅ ni dši nyoṅma le̱ no̱ kleṅkleṅ gbĩ le̱ no̱ le̱ ame̱yatrá ši, koni ame̱tao sane le̱ mli.

¹⁷ Ni ame̱ke̱ hĩĩ fẽ ni ew̌e̱ maṅse̱ yei le̱ gbe nā ye̱ kleṅkleṅ nyõṅ le̱ no̱ kleṅkleṅ gbĩ le̱ no̱.

¹⁸ Ni oso̱foi abii le̱ ateṅ mei ní ana ake̱ ame̱w̌e̱ maṅse̱ yei ye̱ *Iešua, Iozadak bi le̱, ke̱ enyemimei abii le̱ ateṅ dši: Maaseia ke̱ Eliezer ke̱ Iarib ke̱ Gedalia. *3,3; 9,2.

¹⁹ Ni ame̱ta ame̱dẽ ake̱ ame̱aſie ame̱ṅãmei le̱, ni ake̱-ni ame̱ye fo̱ hewo̱ le̱, ame̱ahã tōagbo ní ake̱-šã sõ-afo̱le.

²⁰ Ni Imer biile̱ ateṅ le̱: Hanani ke̱ Zebadia.

²¹ Ni Harim bii le̱ ateṅ le̱: Maaseia ke̱ Elia ke̱ Šemaia ke̱ Iehiel ke̱ Uzia.

²² Ni Pašhur bii le̱ ateṅ le̱: Elioenai ke̱ Maaseia, Išmael, Netanel, Iozabad ke̱ Elasa.

²³ Ni Levibii le̱ ateṅ le̱: Iozabad ke̱ Šimei ke̱ Kelaia (le̱ noṅṅ dši Kelita le̱) Petahia, Iuda ke̱ Eliezer.

²⁴ Ni lalatše̱mei le̱ ateṅ, le̱: Eliašib. Ni agbónãkwe̱lo̱i le̱ ateṅ le̱: Šalum ke̱ Telem ke̱ Uri.

²⁵ Ni Israel mli hũ: Paroš bii le̱ ateṅ le̱: Ramia ke̱ Izia ke̱ Malkia ke̱ Miyamin ke̱ Eleazar ke̱ Malkia ke̱ Benaia.

²⁶ Ni Elam bii le̱ ateṅ le̱: Matania ke̱ Zakaria ke̱ Iehiel ke̱ Abdi ke̱ Ieremot ke̱ Elia.

²⁷ Ni Zatu bii le̱ ateṅ le̱: Elioenai, Eliašib, Matania ke̱ Ieremot ke̱ Zabad ke̱ Aziza.

²⁸ Ni Bebai bii le̱ ateṅ le̱: Iehohanan, Hanania, Zabaì ke̱ Atlai.

²⁹ Ni Bani bii le̱ ateṅ le̱: Mešulam, Maluk ke̱ Adaia, Iašub ke̱ Šeal ke̱ Ieremot.

³⁰ Ni Pahat-Moab bii le̱ ateṅ le̱: Adna ke̱ Kelal, Benaia, Maaseia, Matania, Bezaleel ke̱ Binui ke̱ Manase.

³¹ Ni Harim bii le̱ ateṅ le̱: Eliezer, Išia, Malkia, Šemaia, Simeon,

³² Benyamin, Maluk, Šemaria.

³³ Ni Hašum bii le̱ ateṅ le̱: Matenai, Matata, Zabad, Elifelet, Ieremai, Manase ke̱ Šimei.

³⁴ Bani bii le̱ ateṅ le̱: Maadai, Amram ke̱ Uel,

³⁵ Benaia, Bedeia, Keluhi,

³⁶ Vania, Meremot, Eliašib,

³⁷ Matania, Matenai ke̱ Iaasu

³⁸ ke̱ Bani ke̱ Binui ke̱ Šimei

³⁹ ke̱ Šelemia ke̱ Natan ke̱ Adaia,

⁴⁰ Maknadebai, Šašai, Šarai,

⁴¹ Azarel ke̱ Šelemia, Šemaria,

⁴² Šalum, Amaria, Iosef.

⁴³ Nebo bii le̱ ateṅ le̱: Ieiel, Matitia, Zabad, Zebina, Iadau ke̱ Ioel ke̱ Benaia.

⁴⁴ Mene̱mei fẽ ew̌e̱w̌ē̱ maṅse̱ yei; ni ame̱ṅãmei le̱ ateṅ meikomei efo̱fō̱ bii.