Ezra 1 - Ṅmãle̱ Kroṅkroṅ Le̱

¹ Koreš, Persia maṅtše̱ le̱, yino̱ kleṅkleṅ afi le̱ no̱ le̱, beni afe ni Iehowa wiemo̱ ní ewie ye̱ *Ieremia nā le̱ aba mli le̱, Iehowa tšīe Koreš, Persia maṅtše̱ le̱, mumo̱ hĩe, ni ehã ašie̱ ye̱ emaṅtšeyelihe le̱ fẽ, ni asā aṅmã hũ ake̱: 2 Kron. 36,22. 28. *Ier. 26,11; 29,10.

² Bo̱ni Koreš, Persia maṅtše̱ le̱, kē̱ ne̱: Iehowa, ṅwei Nyoṅmo̱ le̱, etu šikpoṅ le̱ no̱ maṅtše̱yelii le̱ fẽ ewo mideṅ, ni efã́mi ake̱ miyamã šĩa mihãle̱ ye̱ Ierusalem ye̱ Iuda. Ies. 44,28; 45,1.

³ Emaṅbii le̱ ateṅ mofẽmo ní yo̱ nyeteṅ le̱, e-Nyoṅmo̱ le̱ afata ehe ní efã ke̱-ya Ierusalem ye̱ Iuda, ní eyamã Iehowa, Israel Nyoṅmo̱ le̱, šīa le̱. Le̱ dši Nyoṅmo̱ ni yo̱ Ierusalem le̱.

⁴ Ni mofẽmo ni eſe̱ ye̱ hefẽhe ni eyato gbo̱ ye̱ le̱, dše̱mei bii le̱ aye abuale̱ ke̱ dſie̱te̱i ke̱ šika ke̱ nibiinibii ke̱ koloi, ni asaṅ ame̱hã tšuidšũrõnā nikēnii ye̱ Nyoṅmo̱ šīa ní yo̱ Ierusalem le̱ hewo̱.

⁵ Ke̱ke̱ ni Iuda ke̱ Benyamin tše̱mei awei le̱ ano̱ onukpai le̱ ke̱ oso̱foi le̱ ke̱ Levibii le̱, mei fẽ ní Nyoṅmo̱ etšĩe ame̱mumo̱ hĩe le̱, te ši, koni ame̱ya ní ame̱yamã Iehowa šĩa le̱ ye̱ Ierusalem.

⁶ Ni mei ni ke̱ame̱ dše ſieka le̱ fẽ wo ame̱nidšiaṅ ke̱ dſie̱te̱i nibii ke̱ šika ke̱ nibiinibii ke̱ koloi ke̱ nibii ni dšra wa, ni asaṅ ame̱hã tšuidšũrõnā nikēnii hũ.

⁷ Ni maṅtše̱ Koreš hũ dšie Iehowa we le̱ nibii le̱ ní Nebukadnezar yalō ke̱-dše̱ Ierusalem ke̱-ba ni eke̱-bawo enyoṅmo̱ le̱ we le̱.

⁸ Nomeĩ noṅṅ Koreš, Persia maṅtše̱ le̱, dšie ewo Mitredat, šikatolo̱ le̱, deṅ, ni ekane ehã *Šešbazar, Iuda lumo̱ le̱. *2,2. 63; 5,14.

⁹ Ni ame̱yibo̱ ne̱: Šika kãi nyoṅmai-etẽ, dſie̱te̱i kãi akpe, kaklai nyoṅmai-enyo̱ ke̱ ne̱hũ,

¹⁰ šika kpudši nyoṅmai-etẽ, dſie̱te̱i kpudši krokomei ohai-edſe̱ ke̱ nyoṅma, nibii krokomei akpe.

¹¹ Nibii le̱ fẽ, šikanii ke̱ dſie̱te̱inii le̱, dši akpei-enumo̱ ke̱ ohai-edſe̱. Ene̱mei fẽ Šešbazar ṅõ ke̱-ba, beni ake̱ mei ni aṅõame̱ nom le̱ dše̱ Babel baä Ierusalem le̱.