Ester 3 - Ṅmãle̱ Kroṅkroṅ Le̱

¹ Sãdši ne̱ ase̱ le̱ maṅtše̱ Ahašweroš wo Hamedata bi Haman, Agagnyo le̱, onukpa, ni ewó eno̱, ni eṅõ esẽi le̱ etá lume̱i, ni ke̱le̱ yo̱ le̱ fẽ anõ no̱.

² Ni maṅtše̱ le̱ tšũdši le̱ fẽ ni ye̱ maṅtše̱ koi le̱ ši le̱ kũlaã ši ni ame̱kotoo̱ Haman; edšake̱ bo̱ni maṅtše̱ le̱ ewo kitã ye̱ ehewo̱ dši no. Ši Mordekai kũlaa ši ni ekotoole̱.

³ Ke̱ke̱ ni maṅtše̱ le̱ tšũdši ní ye̱ maṅtše̱ le̱ koi le̱ ši le̱ kē̱ Mordekai ake̱: Mẽhewo̱ ni bo le̱ otõo̱ maṅtše̱ kitã le̱?

⁴ Agbe̱ne̱ le̱ eba mli ake̱, beni ame̱kē̱o̱le̱ nakai dāne̱ ni ebooame̱ toi le̱, ame̱yagba Haman, koni ame̱kwe̱ ake̱ Mordekai wiemo̱i le̱ aadamo̱ ši lo; edšake̱ egbaame̱ ake̱ Iudanyo dšile̱.

⁵ Ni beni Haman na ake̱ Mordekai kũlaa ši ni ekotoole̱ le̱, ke̱ke̱ ni Haman mli fũ naakpa.

⁶ Ši esaa ehīe ake̱ eke̱ enine aaṅmẽ Mordekai kometō ne̱; edšake̱ ame̱tšõle̱ Mordekai maṅ, nohewo̱ le̱ Haman mitao ake̱ ekpãtã Iudafoi fẽ ni yo̱ Ahašweroš maṅtše̱yeli le̱ mli ni dši Mordekai maṅbii le̱ ahĩe.

⁷ Kleṅkleṅ nyõṅ le̱, ni dši Nisan nyõṅ le̱, no̱ ye̱ maṅtše̱ Ahašweroš yino̱ afi ní dši nyoṅma ke̱ enyo̱ le̱ no̱ le̱, ame̱fõ *Pur, no dši ošiki, ye̱ Haman hĩe ye̱ gbĩ-fẽ-gbĩ hewo̱ ke̱ nyõṅ-fẽ-nyõṅ hewo̱ āhũ ke̱-yaši nyõṅ ní dši nyoṅma ke̱ enyo̱ ni dši Adar nyõṅ le̱ no̱. *9,24.

⁸ Ke̱ke̱ ni Haman kē̱ maṅtše̱ Ahašweroš ake̱: Maṅ ko ye̱ ni agbe̱ame̱ aſã mãdšimãdši ano̱ ye̱ omaṅtše̱yeli šikpōdši le̱ fẽ no̱, ni sõro ame̱mlai le̱ ni sõro mãdši fẽ anii, ni asaṅ ame̱yee maṅtše̱ mlai le̱ ano̱; nohewo̱ le̱ esaa hãã maṅtše̱ le̱ ake̱ eṅmẽame̱ gbe̱.

⁹ Ke̱dši esa maṅtše̱ hĩe le̱, no le̱ ehã aṅmã ake̱ akpãtã ame̱hĩe; ni mahã maṅtše̱ tšũdši le̱ dſie̱te̱i talentai akpei-nyoṅma, ni ake̱-wo maṅtše̱ dſetritōhei le̱.

¹⁰ Ke̱ke̱ ni maṅtše̱ le̱ dšie *ewolonāso̱omo̱ga ye̱ enine, ni eṅõ-hã Hamedata bi Haman, Agagnyo le̱, ni dši Iudafoi ahenye̱lo̱ le̱. *8,2.

¹¹ Ni maṅtše̱ le̱ kē̱ Haman ake̱: Dſie̱te̱i le̱, ake̱-hão, ke̱ maṅbii le̱ hũ, ní ofe-ame̱ bo̱ni sa ohĩe.

¹² Ke̱ke̱ ni atšé̱ maṅtše̱ le̱ woloṅmãlo̱ĩ le̱ ke̱-ba ye̱ kleṅkleṅ nyõṅ le̱ no̱ gbĩ ni dši gbĩ nyoṅma ke̱ etẽ le̱ no̱; ni aṅmã bo̱ni Haman fã́ le̱ pe̱pē̱pe̱, ni ake̱yahã maṅtše̱ le̱ amraloi ke̱ lume̱i ní yeo̱ šikpoṅ-fẽ-šikpoṅ no̱ le̱, ke̱ maṅ-fẽ-maṅ mli onukpai le̱, šikpoṅ-fẽ-šikpoṅ le̱ aṅmã ke̱ *le̱dientše̱ eniṅmã ni maṅ-fẽ-maṅ hũ ye̱ le̱dientše̱ ewiemo̱ mli; ni aṅmã ye̱ maṅtše̱ Ahašweroš gbe̱i ano̱, ni ake̱ maṅtše̱ le̱ wolonāso̱omo̱ga le̱ se̱o nā. *1,22.

¹³ Ni ake̱ wodši le̱ tšũ bo̱foi ni he yo̱ oyá ke̱-te maṅtše̱ le̱ šikpõdši le̱ fẽ no̱, koni akpãtã Iudafoi le̱ fẽ ahĩe, ni agbeame̱ ni aplenēame̱, oblahĩĩ ke̱ hĩĩmedši, gbekẽbii ke̱ yei fẽ, gbĩ kome dšenamo̱, ye̱ nyõṅ ní dši nyoṅma ke̱ enyo̱ ni dši nyõṅ Adar le̱ no̱, gbĩ ni dši gbĩ nyoṅma ke̱ etẽ le̱ no̱, ni aha ame̱nii.

¹⁴ Wolo le̱ mli sane ne̱: ake̱ šikpoṅ-fẽ-šikpoṅ no̱ le̱ ašie̱ akpo̱ ne̱, koni mãdšimãdši le̱ fẽ ale, ní ame̱sā amehe ame̱to nakai gbĩ le̱.

¹⁵ Amrõ pe̱ ni awo akpo̱ le̱ ye̱ Šušan mō̃ le̱ mli le̱ bo̱foi le̱ yi mli oyá ye̱ maṅtše̱ le̱ fã́mo̱ le̱ nā. Ni maṅtše̱ le̱ ke̱ Haman ho trá ši ni ame̱banu dā̃; ši Šušan maṅ le̱ edšĩdšā.