Efesobii 6 - Ṅmãle̱ Kroṅkroṅ Le̱

¹ Nye bii le̱, nyeboa nyefo̱lo̱i le̱ atoi ye̱ Nuṅtšo̱ le mli; edšake̱ ene̱ dša, Kol. 3,20.

² “Wo otše̱ ke̱ onye,” no dši kleṅ-kleṅ kitā ni hĩe šiwõ ake̱: 2 Mose 20,12.

³ “koni *ahĩ ahão, ni otše̱ ye̱ šikpoṅ le̱ no̱.” *5 Mose 5,16.

⁴ Ni nye tše̱mei le̱, *nyekawoa nyebii amlifũ, ši moṅ nyelè̱aame̱ ye̱ Nuṅtšo̱ le̱ tšo̱semo̱ ke̱ †ṅāwō le̱ mli. *Kol 3,21. Abe̱i 19,18 †5 Mose 6,7. 20-25. Lal. 78,4.

⁵ Nye, tšũdši le̱, nyeboa nye-helo-ghe̱fãṅ-nuṅtšo̱mei le̱ atoi ke̱ gheyeišemo̱ ke̱ hekpokpomo̱ ye̱ nyetšuii akro̱ṅṅfemo̱ le̱ mli, take̱ bo̱ni nyefeo̱ nyehãa Kristo le̱; Kol. 3,22-25. Tit. 2,9. 10. 1 Pet. 2,18.

⁶ dšee ke̱ hĩeaṅ súomo̱ tamo̱ mei ni taoo̱ gbomei ahĩenyam, ši tamo̱ Kristo tšũdši ni dšieo̱ ame̱mũsũṅ ame̱feo̱ Nyoṅmo̱ suomo̱nãnii,

⁷ ni ame̱ke̱ tšuidšũrõ súmoo̱ ake̱ Nuṅtšo̱ le̱ ni, ši dšee gbomei,

⁸ ni nyele ake̱ nõ ekpakpa ni mo ofeo̱ le̱, no noṅṅ he nyōmo̱ Nuṅtšo̱ le̱ bawoö, tšũlo̱ dšio, odehe dšio, 2 Kor. 5,10.

⁹ Ni *nye nuṅtšo̱mei le̱, nyefeaame̱ nakai noṅṅ ni nyefõaame̱ hãihãi-hĩemo̱, ni nyele ake̱ nyeke̱ame̱ fẽ ye̱ nuṅtšo̱ ye̱ ṅwei, ni †ekwee gbomei ahĩeaṅ. *Kol. 4,1. †2 Kron. 19,7. Bof. 10,34.

¹⁰ Noni eſe̱ le̱, minyemimei, nye-he awaä ye̱ Nuṅtšo̱ le̱ ke̱ ehewale̱ nyẽmo̱ le̱ mli. 1 Kor. 16,13. 1 Ioh. 2,14.

¹¹ Nyewoa Nyoṅmo̱ tawũnii le̱ fẽ, koni nyenyẽ abonsam ṅãtšõi le̱ anã nye-damo̱. 2 Kor. 10,4.

¹² Edšake̱ dšee helo ke̱ lá wo̱ke̱-ná nõmo̱ le̱, ši moṅ wo̱ke̱ *onukpayelii ke̱ hegbe̱i ke̱ dše ne̱ṅ lume̱i ni yo̱ bene̱-be duṅ le̱ mli le̱, ke̱ mumo̱i fõdši asafo ni yo̱ ṅweiniiaṅ le̱, *Ioh. 14,30. Ef. 2,2.

¹³ Nohewo̱ le̱ nyehĩea Nyoṅmo̱ tawũnii le̱ fẽ mli, koni nyenyẽ gbĩ fõṅ le̱ nā nyekpe, ni beni nyegbe fẽ nā le̱ ni nyewe šidamo̱.

¹⁴ Nohewo̱ le̱ nyedamo̱a ši, ni nyeke̱ ano̱kwale *afĩa nyehe̱, ni †nyewoa dšale̱ dama le̱, *Luk. 12,35. 1 Pet. 1,13, †1 Tes. 5,8.

¹⁵ ni nyeke̱ hedšo̱le̱ sanekpakpa le̱ he sãmo̱-ke̱-tō awoa nyenãdši;

¹⁶ fẽ se̱ le̱ nyehĩea *hemo̱-ke̱-yeli tše̱ṅ le̱ mli, nõ ni nyeke̱-anyẽ mo-fõṅ le̱ gãimlibii ni tšoo̱ le̱ fẽ nyegbe le̱; *1 Pet. 5,9. 1 Ioh. 5,4.

¹⁷ ni *walaheremo̱ dadefai le̱ hũ nyebua, ke̱ mumo̱ṅ klante ni dši Nyoṅmo̱ wiemo̱ le̱; *1 Tes. 5,8.

¹⁸ ni nyeke̱ so̱lemo̱ ke̱ faikpamo̱ fẽ aso̱lea dā ye̱ mumo̱ mli, ni ene̱ noṅṅ hewo̱ le̱ nyesraä, ni nyekãa be dā nye-kpaä fai nyehãa kroṅkroṅbii le̱ fĕ Mat. 26,41.

¹⁹ *ke̱ mi hũ, koni, ké̱ migble minā le̱, aṅõ wiemo̱ awo mina, ni mike̱ †ekā̃ adšadše sanekpakpa le̱ṅ tĕmo̱sane le, *Kol. 4,3. 2 Tes 3,1 †Bof. 4,29.

²⁰ nõ hewo̱ ni miyeo̱ *bo̱fo ye̱ kõ-sõṅkõsõ mli ne̱, koni mawie ke̱ ekā̃ ye̱ mli, bo̱ni sa ake̱ miwieo̱ le̱. *2 Kor. 5,20.

²¹ Ši beni afe ni nye hũ nyele bo̱ni miyo̱ ke̱ nii ni mitšuo̱ le̱, wo̱suomo̱ nyemi *Tihiko, ni dši súolo̱ ano̱kwafo ye̱ Nuṅtšo̱ le̱ mli le̱, aagbanye fẽ; *Bof. 20,4. 2 Tim. 4,12.

²² edšake̱ ene̱ noṅṅ hewo̱ mitšũle̱ nyeṅõ le̱, beni afe ni nyele *bo̱ni wo̱yo̱, ni etše̱ nyetšuii eṅmẽ nyemli. *Kol. 4,7. 8.

²³ Hedšo̱le̱ ahã nyemimei le̱, ke̱ suomo̱ ke̱ hemo̱-ke̱-yeli ni dše̱ tše̱ Nyoṅmo̱ le̱ ke̱ Nuṅtšo̱ Iesu Kristo deṅ!

²⁴ Dromo̱ ke̱ mei fẽ ni sumoo̱ wo̱-Nuṅtšo̱ Iesu Kristo ke̱-wulaä ši le̱ ahĩ ši! Amen. (Aṅmã ayahã Efesobii le̱ ke̱-dše̱ Roma ke̱-tšõ Tihiko no̱.)