Jajelɔ 3 - Ṅmãle̱ Kroṅkroṅ Le̱

¹ Nofẽno ye̱ ebe ní ato, ni nitšumo̱-fẽ-nitšumo̱ ní yo̱ ṅwei šiši ne̱ ye̱ ebe. 8,6.

² Fo̱mo̱ be ye̱, ni gbĕle be hũ ye̱; te̱omo̱ be ye̱, ni noni ate̱o le̱ fā̃mi be hũ ye̱;

³ gbĕ hũ be ye̱, ni tšámo̱ be ye̱, kū̃mo̱ be ye̱, ni mā̃ be ye̱;

⁴ yāfó be ye̱, ni ṅmlõ be ye̱, yărafemo̱ be ye, ni dšõ̀ be ye̱;

⁵ be ye̱ ní ake̱-še̱re̱o̱ te̱i aſieo̱, ni be ye̱ ni ake̱-buaä te̱i anā; be ye̱ ní alōo̱ mo atū, ni be ye̱ ní alōō mo atū;

⁶ taomo̱ be ye̱, ni lādšemo̱ le ye̱; yibāmo̱ le ye̱, ni še̱mo̱-ke̱-fō̃ be ye̱;

⁷ gblámo̱ be ye̱, ni kpē̱ be ye̱; diōfemo̱ be ye̱, ni wiemo̱ be ye̱;

⁸ suomo̱ be ye̱, ni nye be ye̱, tawū be ye, ni hedso̱le̱ be ye̱.

⁹ Mē se̱ moni tšuo̱ nii le̱ náa ye̱ noni egboo̱ he deṅme le̱ mli?

¹⁰ Mina henāgbamo̱ ní Nyoṅmo̱ eṅõhã gbomei abii, ní ame̱ke̱-gba amehe nā le̱.

¹¹ Efeo̱ nofẽno fe̱fe̱o ye̱ ebe mli, asaṅ eṅõ nāno̱ hũ ewo ame̱tšui mli; na ke̱ke̱ gbomo enaa nitšumo̱ ní Nyoṅmo̱ tšuo̱ ke̱-dše̱o̱ šišidšē ke̱-yaä nāgbee le̱. 8,17.

¹² Miyo ale nokonoko be̱ ní hĩ hãame̱ *fè noni ame̱mī aaše̱ ame̱he ni ame̱afe ekpakpa ye̱ ame̱wala le le̱ mli. *2,24.

¹³ Ni asaṅ miyo ake̱, ké̱ gbomo-fẽ-gbomo aaye ni enu, ni eye nii kpakpai amli ṅõmo̱ ye̱ edeṅmegbomo̱ fẽ mli le̱, Nyoṅmo̱ nikēnii ni.

¹⁴ Miyo ake̱ nofẽno ní Nyoṅmo̱ fe le̱, no kẽ bahĩ ši ke̱-ya nāno̱; anyẽṅ ake̱ noko afata he lo adšie noko ye̱ mli; ni Nyoṅmo̱ fe, koni ašele̱ gbeyei.

¹⁵ Noni yo̱ ne̱, eye ke̱-dše dšeeṅmõ, ni noni baba le̱ hũ, eba momo; ni noni eho le̱, Nyoṅmo̱ ke̱-baä ekoṅ.

¹⁶ Ni misā mina ye̱ hũlũ šiši ne̱, ake̱ heni akodšoo̱ ye̱ le̱, efõṅfemo̱ ye̱ dše̱i, ni heni dšale̱ yo̱ le̱, efõṅfemo̱ ye̱ dše̱i.

¹⁷ Mikē̱ ye̱ mitšui mli ake̱; Dšalo̱ ke̱ mofõṅ le̱ fē, Nyoṅmo̱ bakodšoame̱; edšake̱ yiṅtō-fẽ-yiṅtō ke̱ nitšumo̱-fẽ-nitšumo̱ ye̱ ebe. 12.14.

¹⁸ Nisā mikē̱ ye mitšui mli ake̱: Gbome̱i abii ahewo̱ afe nakai, koni Nyoṅmo̱ akaame̱ akwe̱, ní ame̱na ake̱, ké̱ kaame̱ ke̱ke̱ le̱ ame̱tamo̱ koloi noṅṅ.

¹⁹ Ši noni baä gbomei abii ano̱ le̱, no noṅṅ baä *koloi ano̱, nõkome noṅṅ baä ame̱fẽ ameno̱: boni mone̱ gboo̱ le̱, nakai mone̱ hũ gboo̱, ni rnumo̱ kome le̱ noṅṅ ame̱fẽ ame̱mũo̱, ni gbomo ehĩĩ fè kolo; edšake amefẽ le̱ yakayakanii ni. *Lal. 43,13. 21.

²⁰ Ame̱fẽ ame̱yaä hekome: *ame̱fẽ ame̱dše̱ sũ mli, ni ame̱fẽ ame̱tšṍo̱ sũ ekoṅ. *1 Mose 3,19.

²¹ Namo le ake̱ gbomei abii amumo̱ le̱ ṅweigbe̱ eyaä, alo ake̱ koloi amumo̱ le̱ šišigbe̱ eyaä ye̱ šikpoṅ šiši? 12,7.

²² Nohewo̱ le̱ miyo, ake̱ nõkpakpa ko be̱ fè noni gbomo mī aaše̱ ehe ye̱ enitšumo̱i amli; edšake̱ ene̱ dši egbe̱făṅnõ. Ši namo aahã ele noni baba ye̱ ese̱?