Daniel 7 - Ṅmãle̱ Kroṅkroṅ Le̱

¹ Babel maṅtše̱ *Belšazar kleṅkleṅ afi le̱ no̱ le̱ Daniel la lamõ ko, ni ena nināi ye̱ eyitšoṅ, beni eka esā le̱ no̱ le̱. Ke̱ke̱ ni eṅmã lamõ le̱, ni egba emli sădsi titrii le̱: *5,1.

² Daniel dše šiši ni ekē̱: Mina ye̱ mininā le̱ mli nyōṅ, ni na, ṅwei kō̱yo̱i edſe̱ le̱ li ye̱ *ṅšo̱ kpeteṅkple le̱ hĩe. *Kpods. 17,15.

³ Ni koloi wudši edſe̱ fã kpo ke̱-dše̱ ṅšo̱ le̱ṅ, sŏro eko, sŏro eko. Kpods. 13,1. 2.

⁴ Kleṅkleṅni le̱ tamo̱ dšata, ni ehĩe okropoṅ fĩdši; mihĩele̱ kwe̱mo̱ āhũ ke̱-yaši beyino̱ ni akplo̱ efĩdši, ni awó ene̱ ke̱-dše̱ šikpoṅ, ni ahã edame̱ enãdši ano̱ tamo̱ gbomo, ni ahãle̱ *gbomo tšui. *4,34.

⁵ Ni na, kolo kroko, ní dši enyo̱ le̱, tamo̱ ošišibriši, ni ewó ehe no̱ ye̱ efã kome, ni ṅmãwutšei etẽ ye̱ edāṅ ye̱ enyãnyōdsi ateṅ, ni akē̱le̱ ake̱: Te ši, ní oye lō babaō!

⁶ Ene̱ se̱ le̱ mihĩe kwe̱mo̱, ni na, ekroko hũ tamo̱ kōtše̱ ni hĩe loflõ fĩdši edſe̱ ye̱ ekotose̱, ni ne̱ke̱ kolo ne̱ ye̱ yitšei hũ edſe̱, ni aṅõ no̱yeli ahãle̱.

⁷ Ene̱ se̱ le̱ mihĩe kwe̱mo̱ ye̱ nyõṅ nināi le̱ amli, ni na, kolo ní dši edſe̱ le̱, ehe ye̱ gbeyei ke̱ nākpe̱, ni ehe wa naakpa, ni eye̱ dade nyãnyõdši kplei, eye nii, ni ekũmo mli dukuduku, ni nii ni ſe̱ le̱ eke̱ enãdši nānā no̱; ni sŏrole̱, ni sŏro koloi krokomei ni tšṍ ehĩe ba le̱, ni eye̱ aklontoi nyoṅma.

⁸ Mihĩe aklontoi le̱ akwe̱mo̱, ni na, aklonto kroko ní dši bibiō badše kpo ye̱ ame̱teṅ, ni kleṅkleṅ aklontoi le̱ ateṅ etẽ fãmo̱ ye̱ ehĩe, ni na ne̱ke̱ aklonto ne̱, hĩṅme̱ii ye̱ he tamo̱ gbomo hĩṅme̱ii ke̱ nābu *ní wieo̱ nibii wudši. *11,33.

⁹ Mihĩe kwe̱mo̱ āhũ ke̱-yaši beyino̱ ní ake̱ maṅtše̱sẽii bamãmo ši, ni *moni eye gbĩĩ pī le̱ ho-tá ši, ni etade ye̱o̱ tamo̱ snō, ni eyiteṅ tšoi tamo̱ tōhetšo̱i ṅmīṅmi, emaṅtše̱sẽi le̱ lalileii so̱ṅṅ ni, ehe kokrolontoī le̱, la ní tšoo̱ grigri ni. *Lal. 90,2.

¹⁰ La fā mīho ke̱-midše̱ ehĩegbe̱; *mei akpei-akpe súmoo̱le̱, ni mei akpei-nyoṅma-nyoṅma toi akpei-nyoṅma damo̱ ehĩe. Kodšolo̱i le̱ ho-trá ši, ni agble wodši anā. *Lal. 48,18. Kpods. 5,11.

¹¹ Agbe̱ne̱ mihĩe kwe̱mo̱ ye̱ wiemo̱i wudši ní aklonto le̱ wieo̱ le̱ gbē le̱ hewo̱; mihĩe kwe̱mo̱ āhũ ke̱-yaši beyino̱ ní agbe kolo le̱, ni afite egbonyo le̱, ni aše̱ afõ la mli ni ašã. Kpods. 19,20.

¹² Ni ašõ koloi ni ſe̱ le̱ hũ ahewale̱ ye̱ ame̱deṅ, ni atoame̱ *be ke̱ ṅmle̱tſä ni ame̱wala se̱ atše̱ ke̱-yaši. *2,21.

¹³ Misā mina ye̱ nyōṅ ninā le̱ mli, ni na, moko tamo̱ *gbomobi ke̱ ṅwei atatui mība, ni oba moni eye gbĩĩ pī le̱ ṅõ, ni ake̱le̱ ba ehĩe; *Luk. 21,27.

¹⁴ ni ahãle̱ no̱yeli ke̱ anumnyam ke̱ maṅtše̱yeli, koni mãdšimãdši ke̱ asafoi ke̱ wiemo̱i te fẽ asúmo̱le̱, ono̱yeli le̱ nāno̱ no̱yeli ní hoṅ eyaṅ ni, ni emaṅtše̱yeli te noni fiteṅ ni.

¹⁵ Mi, Daniel, mimumo̱ hao ye̱ migbomotšo mli, ni miyitšoṅ nināi te wo mihe gbeyei.

¹⁶ Mitši miše̱ *mei ní damo̱ dše̱i le̱ ateṅ mokome ṅõ, ni mibile̱ ene̱ fẽ mli ano̱kwale. Ni eke̱mi wie, ni etšõmi nibii le̱ ašiši: *K. 10.

¹⁷ Ne̱ke̱ koloi wudši edſe̱ ne̱, ame̱dši maṅtše̱mei edſe̱ ní bate ši ye̱ šikpoṅ le̱ no le̱.

¹⁸ Ši moni yo̱ ṅwei šoṅṅ le̱ *mei kroṅkroṅi le̱ enine aaše̱ maṅtše̱yeli le̱ no̱, ni ame̱aye maṅtše̱yeli le̱ no̱ ke̱-ya nāno̱, ke̱-ya nāno̱i anāno̱. *K. 22.

¹⁹ Ke̱ke̱ ni mitao ní male *kolo ní dši edſe̱ le̱ ní sŏrole̱ sŏro ekrokomei le̱ fẽ, ní ohe yo̱ gbeyei naakpa, ni eyo̱ dade nyãnyõdši ke̱ akō̱ble wābii, ni eye nii, ni ekũmo̱ mli dukuduku, ni nii ní ſe̱ le̱ eke̱ enãdši nānā no̱ le̱, sane le̱ mli ano̱kwale, *K. 7

²⁰ ke̱ aklontoi nyoṅma le̱ ní yo̱ eyiteṅ le̱, ke̱ ekroko le̱ ní dše ní etẽ kplo̱ ye ehĩe, ní ne̱ke̱ aklonto ne̱ he yo̱ hĩṅme̱ii ke̱ nābu ní wieo̱ nibii, wudši, ní ké̱ okwe̱le̱ le̱, edše agbo fè enanemei le̱ anõ le̱ hũ.

²¹ Mihĩe kwe̱mo̱ noṅṅ, ni *nakai aklonto le̱ noṅṅ ke̱ mei kroṅkroṅi le̱ wu, ni oye ame̱no̱, *Kpods. 13,7.

²² ke̱-yaši beyino̱ ni moni eye gbĩĩ pī le̱ ba, ni aṅõ kodšomo̱ ahã moni yo̱ ṅwei šoṅṅ le̱ mei kroṅkroṅi le̱, ni be baše̱ ní mei kroṅkroṅi le̱ ye maṅtše̱yeli le̱ no̱.

²³ Ni bo̱ni ekē̱ ne̱: Kolo ní dši odſe̱ le̱ dši šikpoṅ le̱ no̱ maṅtše̱yeli ni dši edſe̱ ni aasŏrole̱ ye̱ moṅtše̱yelii fẽ ateṅ, ni eeye šilkpoṅ mū le̱ fẽ, ni eenānā no̱ ni eekūmo̱le̱ dukuduku.

²⁴ Ni *aklontoi nyoṅma le̱, maṅtše̱mei nyoṅma aate ši ke̱-adše̱ ne̱ke̱ maṅtše̱yeli ne̱ mli; ni mokroko aate ši ye̱ ame̱se̱, ni aasŏrole̱ ke̱ kleṅkleṅbii le̱, ni eeba maṅtše̱mei ole ši. *Kpods. 17,12.

²⁵ Ni eewie wiemo̱i *eši moni yo̱ ṅwei šoṅṅ le̱, ni eehao moni yo̱ ṅwei šoṅṅ le̱ mei kroṅkroṅi le̱, ni eeto eyiṅ ake̱ eetšake bei le̱ ke̱ mla le̱, ni aatuame̱ awo edeṅ ke̱-yaši †be ke̱ bei he̱ be mlidšā. *Kpods. 13,3. 5. †Dan. 12,7; 4,16.

²⁶ Ši kodšolo̱i le̱ aatrá ši, ní aašõ no̱yeli le̱ ye̱ edeṅ, ni aafitele̱ ni aakpãtã ehĩe ke̱-yaši nāgbẽ.

²⁷ Ši maṅtše̱yeli le̱ ke̱ no̱yeli le̱ he̱ maṅtše̱yelii ní yo̱ ṅwei mū le̱ fẽ šiši le̱ amli hewale̱ le̱ aaṅō-hã moni yo̱ ṅwei šoṅṅ le̱ mei kroṅkroṅi le̱ amaṅ le̱. Emaṅtše̱yeli le̱ nāno̱ maṅtše̱yeli ni, ni no̱yelii le̱ fẽ aasúmo̱le̱, ni ame̱abõle̱ toi.

²⁸ Sane le̱ nāgbē ne̱. Ši mi, Daniel, le̱, midſēṅmo̱i haomi naakpa, ni mihĩe tšake, ni miṅõ oona le̱ mito mitsuiṅ.