Daniel 11 - Ṅmãle̱ Kroṅkroṅ Le̱

¹ Ši mi hũ, ye̱ Dario Medianyo le̱ kleṅkleṅ afi le̱ no̱ le̱, midamo̱ ši ní mawole̱ hewale̱ ní mafĩ ese̱.

² Ni agbe̱ne̱ le̱, *mibatšõo ano̱kwale le̱: Na, maṅtše̱mei etẽ aasā ate ši adamo̱ ši ye̱ Persia; ni moni dši edſe̱ le̱ aaná nii babaō da ame̱fẽ; ni ke̱dši etšṍ enii le̱ ano̱ ená hewale̱ le̱, eetē̱ mei fẽ ši ewo Hela maṅtše̱yeli le̱. *10,21.

³ Ni maṅtše̱ ekā̃lo ko aate ši adamo̱ ši, ni eke̱ hewale̱ kpeteṅkple aaye no̱, ni eefe noni esumoo̱.

⁴ Ši ké̱ ete ši edamo̱ ši le̱, emaṅtše̱yeli le̱ aadſa, ni *aadša mli ke̱-ya ṅwei kō̱yo̱i edſe̱ le̱ mli gbe, ši dšee esešibii aaṅõ-hã, ni asaṅ dšee ehewale̱ ní eke̱ye no̱ le̱ nā aaye no̱, ni emaṅtše̱yeli le̱ aašõ ahã meikrokomei, ši dšee mene̱mei. *8,8. 22.

⁵ Ni wuoyigbe̱ maṅtše̱ le̱ he aawa, ši elumei le̱ ateṅ mokome he aawa fè-le̱, ni eeye no̱, ni eno̱yeli le̱ aatšṍ no̱ypli kpeteṅkple.

⁶ Ši afii komei ase̱ le̱ ame̱abo̱bō̱ nanyo; ni wuoyigbe̱ maṅtše̱ le̱ biyō le̱ aaba kōyigbe̱ maṅtše̱ le̱ ṅõ, ni eke̱le̱ abakpaṅ; ši ehĩeṅ enidsiaṅwale̱ le̱, ni le̱ hũ edamo̱ṅ ši ke̱ enidštaṅwale̱ le̱; ši aadšie yō le̱ ke̱ mei ní ke̱le̱ ba le̱ ke̱ moni fo̱le̱ le̱ ke̱ moni wole̱ hewale̱ ye̱ bei ne̱ amli le̱ ahã.

⁷ Ši yō le̱ šišifãi le̱ amli nine ko aate ši ye̱ enãdšiaṅ, ni eeba la le̱ ṅõ, ni eeyabote kōyigbe̱ maṅtše̱ le̱ mō̃ ní wa le̱ mli, ni eke̱ame̱ aaná ni eeye no̱.

⁸ Ni eeṅõ ame̱nyoṅmo̱i le̱ ke̱ ame̱mãgãi le̱ ke̱ ame̱dſie̱te̱i ke̱ šĩka nibii ni yo̱ fe̱o le̱ anom ke̱-ate Mizraim; ni eedamo̱ kōyigbe̱ maṅtše̱ le̱ hĩe afii komei.

⁹ Ni eeba wuoyigbe̱ maṅtše̱ le̱ maṅtše̱yelihe le̱ moṅ; ši eekũ ese̱ ke̱-ate le̱dientše̱ ešikpoṅ le̱ no̱ ekoṅ.

¹⁰ Ši ebii le̱ aafe ta, ni ame̱abua tai wudši asafo babaō na, ši eeba, ni eebaho tamo̱ nu babaō, ni eetšṍ no̱ ke̱-aho; ni eekũ ese̱, ni aame̱awu la ke̱-yaši emō̃ ni wa le̱ he.

¹¹ Ni wuoyigbe̱ maṅtše̱ le̱ mli aawo la, ni eedše kpo eke̱ le̱ ní dšĩ kōyigbe̱ maṅtše̱ le̱ abawu; ni eetẽ asafo babaō ši edamo̱ ši, šì aaṅõ asafo le̱ awo edeṅ;

¹² ni eeṅõ asafo le̱ nom, ni etšui aawó ehe no̱, ni eetšire̱ mei akpei-nyoṅmai abo̱ etſia šì; šĩ kẽle̱ enáṅ hewale̱.

¹³ Ši kōyigbe̱ maṅtše̱ le̱ aakũ se̱ aba, ni eetē asafo babaō ni fè tšutšunõ le̱ ši edamo̱ ši ni afii komei ese̱ le̱ eeba ke̱ ta babaō ke̱ nii pī.

¹⁴ Ni nakai bei le̱ amli le̱ mei pī aate ši awo wuoyigbe̱ maṅtše̱ le̱; ni omaṅbii le̱ amli atùatšelo̱i komei hũ aate ši, ní ame̱hã ninā le̱ aba mli, ši ame̱anyõnyõi.

¹⁵ Ni kōyigbe̱ maṅtše̱ le̱ aaba, ni eetſa kpoku, ni eeṅõ maṅ ní atſa gbogbo awo he le̱, ni wuoyigbe̱ nidši le̱ nyẽṅ nā adamo̱, ni eta ní hĩ fè fẽ le̱ tete náṅ hewale̱ ní eke̱-adamo̱ ši.

¹⁶ Ši moni baä eno̱ le̱ aafe bo̱ni esumoo̱, ni moko be̱ ní aadamo̱ ehĩe, ni eẽdamo̱ *šikpoṅ fe̱fe̱o le̱ no̱, ni hĩekpãtãmo̱ aahĩ edẽ. *8,9.

¹⁷ Ni eeto eyiṅ ake̱ eke̱ emaṅtše̱yeli mū le̱ fẽ hewale̱ aaba, ni eke̱le̱ aakpāṅ, ni eeṅõ yei le̱ abiyō le̱ ehãle̱ gblã, ni efitele̱; ši edamo̱ṅ ši, ni etšṍṅ enõ.

¹⁸ Ni eetšṍ ehĩe ehã ṅšo̱kpo̱i le̱, ni eeṅõ pī; ši asafoiatše̱ ko aahã efõ aho-rabō̱, ni dšee no ke̱ke̱, ši eehã ahorabō̱ le̱ akũ se̱ abua eyiteṅ.

¹⁹ Ke̱ke̱ ni eetšṍ ehĩe ehã le̱dientše̱ ešikpoṅ no̱ mõdši ní wa le̱, ni eete̱ ni eegbē ši, ni anaṅle̱ doṅṅ.

²⁰ Ke̱ke̱ ni moko aate ši ye̱ enădšiaṅ, moni anhã onĩatšũlo̱ ko abatsṍ maṅtše̱yeli le̱ anumnyam le̱ mli ke̱-ho ni gbĩĩ fiõ še̱ le̱ aakũmo̱le̱, ši dšee mlifũ lo ta nā.

²¹ Ni moko ni ebuu aate ši ye̱ enãdšiaṅ, ni kũle̱ ame̱ke̱ maṅtše̱yeli anumnyam le̱ hăṅle̱: ši eeba beni ame̱lee ame̱he be, ni eke̱ nādo̱ko̱mo̱ aašõ maṅtše̱yeli le̱. 8,23.

²² Ni ta ní tamo̱ nu babaō le̱, ake̱ ta ni tamo̱ nu babaō aalōame̱ ke̱-ate ye̱ ehĩe, ni aakũmo̱ame̱, ke̱ kpãṅmo̱ le̱ lumo̱ le̱ fẽ.

²³ Ši ké̱ eke̱le̱ kpãṅ se̱ le̱, eeye kũtũmpo̱o, ni eedše kpo ke̱ asafo bibiõ, ni eeye kũnim.

²⁴ Eeba šikpoṅ le̱ no̱ beni ewo fo̱ fè fẽ le̱ beni ame̱lee ame̱he be, ni eebafe noni etše̱mei lo enĩmei efeko dã; eegbe̱ nomṅō̃nii le̱ ke̱ hānii le̱ ke̱ nii babaō le̱ eſã ame̱teṅ, ni eeſie eyiṅ ṅāi ye̱ mõdši le̱ ahewo̱ ke̱-yaši be fiō.

²⁵ Ni eke̱ la babaō aatē ehewale̱ ke̱ enūfamo̱ le̱ ši ewo wuoyigbe̱ maṅtše̱ le̱, ni wuoyigbe̱ maṅtše̱ le̱ aaſã ta ke̱ ta babaō ní he wa naakpa dientše̱; ši edamo̱ṅ ši, edšake̱ ame̱atšõ̀ ehe ṅā;

²⁶ ni mei ni yeo̱ eṅmā̃ le̱ tete aakpãtã ehĩe, ni eta le̱ aaho tamo̱ nu babaō, ni mei pī aanyõnyõi.

²⁷ Ni maṅtše̱mei enyo̱ ne̱ fẽ atšuii aasusu efõṅ, ni ame̱amale ye̱ okplõ kome he; ši ehīṅ, edšake̱ dša be ní ato le̱ eše̱ dãni nāgbē le̱ aaba.

²⁸ Ni eekũ ese̱ ke̱-ate ešikpoṅ le̱ no̱ ke̱ nii babaō, ni etšui aate ši awo kpãṅmo̱ kroṅkroṅ le̱, ni eefe; ni eekũ ese̱ ke̱-ate ešikpoṅ le̱ no̱.

²⁹ Be ni ato le̱ mli le̱ eekũ ese̱ ke̱-aba wuoyigbe̱ ekoṅ, ši se̱kpē nõ le̱ tamo̱ṅ tšutšunõ le̱.

³⁰ Edšake̱ Kitim le̱dši aabatuale̱, ni etšui aafã, ni eekũ ese̱, ni emli aawo la ye̱ kpãṅmo̱ kroṅkroṅ le̱ hewo̱; ni eefe; ni eekũ ese̱ ni eetao mei ní kwaä kpãṅmo̱ kroṅkroṅ le̱ ase̱gbe̱.

³¹ Ni toi aadše̱ eṅō adamo̱ ši, ni ame̱abule mō̃ ni dši hekroṅkroṅ le̱, ni ame̱e̱dšie dā gbĩ afo̱le le̱, ni ame̱ke̱ amaṅfõfemo̱ *nihĩnii le̱ aamã ši. *9,27; 12.11. Mat. 24,15.

³² Ni mei ni feo̱ efõṅ ame̱šio̱ kpãṅmo̱ le̱, eke̱ nādo̱ko̱mo̱ aahã ame̱ya se̱se̱; ši maṅ ni le ame̱-Nyoṅmo̱ le̱ ame̱he aawa, ni ame̱afe.

³³ Ni *mei ní le nii ye̱ mã le̱ṅ le̱ aatšõ mei pī anii; ši ame̱anyōnyõi ye̱ klante ke̱ lalile̱i ke̱ nomṅō̃ ke̱ nihã nā gbĩĩ abo̱. *12,3.

³⁴ Ni beni ame̱anyõnyõi le̱, aaye abuaame̱ fiõ, ni mei pī ke̱ ame̱he aakpe̱te̱ ame̱he ke̱ nādo̱ko̱mo̱.

³⁵ Ni mei ní le̱ nii le̱ ateṅ meikomei hũ aanyõnyõi, koni ake̱-kaame̱ akwe̱ ni ake̱-tšū ame̱he, ní ahă ame̱ye̱ futafuta ke̱-yaši nāgbē be le̱ mli; edšake̱ dša be ni ato to eše̱ dãni eeba mli.

³⁶ Ni maṅtše̱ le̱ aafe noni esumoo̱, ni *eewó ehe no̱, ni eefe ehe agbo fē nyoṅmo̱-fẽ-nyoṅmo̱, ni †eewie hepupūmo̱ wiemo̱i eši nyoṅmo̱i a-Nyoṅmo̱ le̱, ni eeſere ke̱-yaši beyino̱ ní mlila le̱ aayi; ši noni amã no̱ mĩ́ le̱, aafe. *2 Tes. 2,4. †Dan. 7,8. 25. Kpods. 13,5. 6.

³⁷ Ni asaṅ ebuṅ etše̱mei anyoṅmo̱i le̱, ni ebuṅ *yei ase̱dī to nyoṅmo̱ ko nyoṅmo̱ ko, ni eewó ehe no ye̱ mei fẽ no̱. *1 Tim. 4,8.

³⁸ Ni eewo mõdši anyoṅmo̱ to hĩe nyam ye̱ enãdšiaṅ, ni eke̱ šika ke̱ dſie̱te̱i ke̱ te̱i ni dšra wa ke̱ fe̱onibii aawo nyoṅmo̱ ko ní etše̱mei le̱ lee hĩe nyam.

³⁹ Ni eke̱ mõdši ni wa fè fẽ le̱ aaye ye̱ maṅse̱ nyoṅmo̱ ko yeli-ke̱-buamo̱ nā; mofẽmo ní buo̱le̱ le̱, eehã enumnyam afá, ni eehã eye mei pī ano̱, ni eedša šipoṅ le̱ mli eke̱-wo nyõmo̱.

⁴⁰ Ni nāgbē be le̱ mli le̱ wuoyigbe̱ maṅtše̱ to ke̱le̱ aaši; ni kōyigbe̱ maṅtše̱ le̱ aafã ke̱-aba eno̱ ke̱ ſīlii ke̱ okpo̱ṅo̱i-atše̱mei ke̱ le̱dši babaō, tamo̱ ahum, ni eeba šikpõdši le̱ ano̱, ni eeho tamo̱ nu babaō, ni eetšṍ no̱ ke̱-aho.

⁴¹ Ni eela *šikpoṅ fe̱fe̱o le̱ no̱, ni mei pī aanyõnyõi; ši mei ni aadše edeṅ ne̱; Edom ke̱ Moab ke̱ Amonbii le̱ ateṅ abladei le̱. *K. 14.

⁴² Ni eekpã enine mli ye̱ šikpõdši le̱ ano̱ ni Mizraim šikpoṅ le̱ edšeṅ mli;

⁴³ ši eeye šika ke̱ dſie̱te̱i dſetrii ke̱ Mizraim ſe̱onibii le̱ fẽ no̱, ni Lubbii ke̱ Kušbii aanyie ese̱.

⁴⁴ Ši sãdši ní dše̱ bokăgbe̱ ke̱ kõyigbe̱ te aahaole; nohewo̱ te eke̱ mlila babaō aadše kpo, ní eyafite mei pī ni efeame̱ musu.

⁴⁵ Ni eeši emō̃ le̱ṅ bui le̱ ye̱ ṅšo̱i le̱ ke̱ gõṅ kroṅkroṅ ní yo̱ fe̱o te teṅ; ni eeše̱ enãgbē, ni moko be̱ ní aaye abuale̱.