Daniel 10 - Ṅmãle̱ Kroṅkroṅ Le̱

¹ *Koreš ní dši Persia maṅtše̱ le̱ afi ní dši etẽ le̱ no̱ le̱ adšie sane ko kpo atšõ Daniel, moni atšé̱o̱ egbe̱i ake̱ †Beltešazar hũ le̱; ni sane le̱ ano̱kwale ni, ni haomo̱ kpeteṅkple he sane ni; ni ena sane le̱ nā, ni asaṅ eye̱ ninā le̱ he šišinamo̱. *1,21. †1,7.

² Nakai gbĩĩ le̱ amli le̱ mi, Daniel, mīye ṅko̱mo̱ otšii etẽ soṅṅ;

³ miyee niyenii ko ní ṅõ, ni lō lo wein eyaa midāṅ, ni mikpaa mũ hũ kwrā ke̱-yaši beyino̱ ni otšii etẽ le̱ fẽ še̱.

⁴ Ni kleṅkleṅ nyõṅ le̱ no̱ gbĩ ní dši gbĩ nyoṅmai-enyo̱ ke̱ edſe̱ le̱ no̱ le̱ miye̱ Hidekel fā wulu le̱ nā,

⁵ ni mihole mihĩṅme̱ii ano̱, ni mikwe̱, ni na, *nū ko ní wo klala ni Ufaz šika fĩ ehe̱ ne̱. *Ezek. 9,2. Kpods. 1,13-15.

⁶ Egbomotšo hũ tamo̱ krĩsolito, ni ehĩe tamo̱ srawa kpe̱mo̱, ni ehiṅme̱ii tamo̱ ko̱tii ní asu, ni enidši ke̱ enãdši ahe tamo̱ akō̱ble ní aša he, ni ewiemo̱ gbē tamo̱ asafo babaō gbē.

⁷ Ni mi, Daniel, mikometō mina ninā le̱, ši hĩĩ le̱ ní fata mihe le̱ enaa ninā le̱; ši ṅmiṅmi kpeteṅkple mõmo̱ame̱, ni ame̱dšo foi ame̱yatētē ame̱he.

⁸ Ni oſe̱ mikometō, ni mina ninā kpeteṅkple ne̱, ni hewale̱ komeflo eſe̱e̱ ye̱ mimli doṅṅ, ni mihefe̱o le̱ tšake, ni mihĩe fite, ni mibe̱ hewale ko doṅṅ.

⁹ Ni minu ewiemo̱i te agbē, ni beni minu ewiemo̱i le̱ agbē le̱, *mihĩe dìmí ni mike̱ mihĩe bu šikpoṅ. *8,17. 18.

¹⁰ Ni na, nine ko bata mihe, ni etšimi ni mike̱ minakutšei ke̱ minidši nyẽmo̱ ši;

¹¹ ni ekē̱mi ake̱: Daniel, bo nū ni asumoo̱ osane naakpa na wiemo̱i ni mike̱o wieo̱ te anã, ni odamo̱ odamo̱he le̱; edšake̱ oṅõ atšũni ne̱. Ni beni eke̱mi wie ne̱ke̱ wiemo̱ ne̱, mite ši midamo̱ ši ke̱ hekpokpomo̱.

¹² Ni ekē̱mi ake̱: Kāše gbeyei, Daniel; edšake̱ ke̱-dše̱ gbĩ kleṅkleṅ ní otao bo̱ni oofe ní onu šiši, ní oba ohe ši ye̱ o-Nyoṅmo̱ le̱ hĩe le̱, anu owiemo̱i le̱, ni owiemo̱i le̱ ahewo̱ miba ne̱.

¹³ Ši Persia maṅtše̱yeli le̱ ne̱ lumo̱ le̱ tšimi gbe̱ gbĩĩ nyoṅmai-enyo̱ ke̱ ekome; ši na, Mikael ní dši lume̱i ouukpai le̱ ateṅ mokome le̱ ba ebaye ebuami, ní miye Persia maṅtše̱me̱i le̱ ano̱ kũnim ye̱ dšei. *K. 20.21.

¹⁴ Ni agbe̱ne̱ miba ní *mibatšõo noni baba omaṅ le̱ no̱ ye̱ nāgbē gbĩĩ le̱ amli; edšake̱ gbĩĩ ní baba le̱ ahe ninā kroko ye̱ lolo. *9,22.

¹⁵ Ni beni eke̱mi wie ne̱ke̱ wiemo̱i ne̱; mimã mihĩe ši, ni mito̱ mṹ.

¹⁶ Ni na, moko ní esu tamo̱ gbomei abii asu *bata minābu he, ni migble midāṅ ni miwie, ta mikē̱ moni damo̱ mihĩe le̱ ake̱: Nuṅtšo̱, ninā le̱ hewo̱ le̱ miw̌ere̱hō le̱ ekũ se̱ eba mino̱, ni mibe̱ hewale̱ ko doṅṅ; *Ies. 6,7. Ier. 1,9.

¹⁷ ni té aafe tēṅ ní minuṅtšo̱ tšũlo̱ ne̱ sanyẽ eke̱ minuṅtšo̱ ne̱ awieṅ? edšake̱ amrõ ne̱ hewale̱ ko be̱ mimli, ni mumo̱ komeflo eſe̱ko ye̱ mimli.

¹⁸ Ke̱ke̱ ni moko ni tamo̱ gbomo su bata mihe ekoṅ, ni ewomi hewale̱,

¹⁹ ni ekē̱: *Kāše gbeyei, bo nū ni asumoo̱ osane naakpa! hedšo̱le̱ ahão! ohe awa, hē̃, ohe awa! Ni beni eke̱mi wie le̱, miná hewale̱, ni mikē̱: Wiemo̱, minuṅtšo̱, edšake̱ owomi hewale̱! *Kpods. 1,17.

²⁰ Ni ekē̱: Ole nõ hewo̱ ní miba oṅõ ne̱? Ni agbe̱ne̱ mibakũ mise̱ ní mike̱ *Persia lumo̱ le̱ ayawu; ni ké̱ mite pe̱ le̱, na, Hela lumo̱ le̱ baba. *K. 13.

²¹ Ši mibatšõo noni aṅmã ye̱ ano̱kwale wolo le̱ mli; ni mokomoko be̱ ní aafata mihe aši mene̱mei, ake̱ dša nyelumo̱ Mikael le̱.