Amos 5 - Ṅmãle̱ Kroṅkroṅ Le̱

¹ Nyeboa ne̱ke̱ wiemo̱ ne̱ ni dši yāfó lala ní miwóo̱ no̱ ye̱ nyehe le̱ toi, Israel we!

² Israel oblayō le̱ egbē ši, ni eteṅ ši doṅṅ! atšile̱ atſa ši ni ekã ešikpoṅ le̱ no̱, moko be̱ ni aawó eno̱!

³ Edšake̱ boni Nuṅtšo̱ Iehowa kē̱ ne̱: Maṅ ní dše kpo ke̱ mei akpe le̱, eſe̱ oha, ní maṅ ní dāe kpo ke̱ mei oha le̱, eſe̱ nyoṅma ehã Israel we le̱.

⁴ Edšake̱ bo̱ni Iehowa kē̱o̱ Israel we le̱ ne̱: *Nyetaoa mise̱gbe̱, ni nyeyi aaná wala! *Ier. 29,13.

⁵ Ši nyekataoa *Betel se̱gbe̱, ni nye-kayaä Gilgal, ni nyekafoa mli ke̱-mīya Beeršeba! edšake̱ Gilgal aate nomṅō̃ mli, ni Betel hĩe aakpãtã. *4,4. Hos. 4,15.

⁶ Nyetaoa Iehowa se̱gbe̱, ni nyeyi aaná wala! ké̱ dšee nakai le̱, eedše tamo̱ la ye̱ Iosef we le̱, ni eešã nii, ni mokomoko be̱ ní aagbe ahã Betel.

⁷ Nye mei ni nyeṅõo̱ *dšale̱ saneyeli nyefeo̱ tatšo, ni nyeṅõo̱ dšale̱ nyetſaä šikpoṅ le̱! *6,12. Ies. 6,20.

⁸ Ši le̱ *efe wuuo̱-ke̱-ebii ke̱ oṅwẽ, ni ehãa gbĕlehō̃ṅ tšṍo̱ lebi la, ni ehãa ſane woo̱ duṅ tamo̱ nyōṅ; le̱ †etšé̱o̱ ṅšo̱ le̱ṅ nu le̱ hũ ni efo̱seo̱ eſieo̱ šikpoṅ le̱ hĩe, Iehowa dši egbe̱i! *Hiob 38,31. †Amos 9,6.

⁹ Le̱ ehãa hĩekpātămo̱ gbaä yio̱ hewalo̱ no̱, ni hĩekpãtãmo̱ baä mō̃ ní wa no̱!

¹⁰ Ame̱nye̱o̱ moni kãa mei ahĩe ye̱ koi ši le̱, ni moni wieo̱ noni dša le̱ ame̱hĩo̱ ehĩe. Ies. 29,21.

¹¹ Nohewo̱ le̱ ake̱-ni nyenāa ohĩafo no̱ ni nyetšũo̱le̱ able onĩa hewo̱ le̱, nyeke̱ te̱i ni ako emãmo̱ mõdši moṅ, ši *nyehĩṅ mli; nyefe weintromĩ fe̱fe̱dši moṅ, ši nyenuṅ ame̱mli wein! *Zef. 1,13.

¹² Edšake̱ mile ake̱ nyemlatõmo̱i le̱ fá, ni nyehe ešai le̱ hũ amli wa! nye mei ni nyegbaä dšalo̱ nā, ni nyeheo̱ nyōṅnii, ni nyetšṍo̱ mei ní efĩame̱ le̱ asane hĩe nyebuo̱ ši ye̱ koi ši.

¹³ Nohewo̱ le̱ moni dši hĩetẽlo̱ le̱, nakai be le̱ mli le̱ efeo̱ diṅṅ; edšake̱ be fõṅ ni.

¹⁴ Nyetaoa nõkpakpa ni dšee nõfõṅ, beni afe ni nyeyi aná wala, ni no le̱ Iehowa, Zebaot Nyoṅmo̱ le̱, kenye aahĩ ši, take̱ bo̱ni nyekē̱o̱ le̱.

¹⁵ Nyenye̱a *nõfõṅ, ni nyesumo̱a nõkpakpa, ni nyehãa dšale̱ saneyeli adamo̱a ši ye̱ koi ši; ake̱ aleenõ Iehowa, Zebaot Nyoṅmo̱ le̱, aadro Iosef ſē̱nō le̱ lo! *Lal. 55,15. Rom. 12,3.

¹⁶ Nohewo̱ le̱ boni Iehowa, Zebaot Nuṅtšo̱ Nyoṅmo̱ le̱, kē̱ ne̱: Blohũiaṅ fẽ le̱ yāfó so̱ṅṅ yo̱, ni gbe̱dšegbe̱i ano̱ fẽ le̱ ame̱kē̱o̱ ake̱: Ao! ao! ni atšé̱o̱ okwāfonyo ni ebaye ṅko̱mo̱, ke̱ mei ni le yāfó dšogbāṅ ní ame̱bafó.

¹⁷ Ni yāfó ye̱ weintromi fẽ mli; edšake̱ mitšṍ omli ke̱-ho, Iehowa kē̱.

¹⁸ Kpóo hã nye, mei ní nyeſeo̱ Iehowa gbĩ le̱! Meni Iehowa gbĩ le̱ bafe ahãnye? *Duṅ gbĩ ni, ši dšee la! *Ioel 2,11.

¹⁹ Tamo̱ boni ké̱ moko dšo dšata nā foi, ni ošišibriši ke̱le̱ kpeo̱, ni ké̱ eba šīa ni eke̱ enine kpasa gbogbo, ní onũfũ kõo̱le̱ le̱.

²⁰ Ani dšee duṅ Iehowa gbĩ le̱ aawo, ni dšee la; duṅ kpī ni kpe̱mo̱ be̱ mli?

²¹ *Mĩnye̱ nyegbĩĩ dšudši le̱, migbe he guo̱, nyegwabō̱i le̱ tete edše mitšine. *Ies. 1,11-15.

²² Ni kē̱ nyešā *nyešā̃-afo̱lei ke̱ nye-niyenii-afo̱lei le̱ nyehãmi tete le̱, mináá he tšui; šidā-afo̱lei ní nyeke̱ nyekoloi ní ewo fo̱ le̱ šãa le̱, mitaoo makwe̱ po! *Mika 6,5. 7.

²³ Dšiemo̱ olalai le̱ agbē̱mo̱ ke̱-dše mino̱, ni osaṅkũi atſā le̱ hū̃ mitaoo toi mabo!

²⁴ Ni ohã dšale̱ saneyeli akū̃mo̱ ke̱-ba tamo̱ nu, ni dšale̱ hũ aba tamo̱ fā ni hoo̱ dā!

²⁵ Ani *nyeke̱ gbē-afo̱le ke̱ niyenii-afo̱le bahãmi ye̱ ṅã le̱ no̱ afii nyoṅmai-edſe̱ le̱, Israel we? *Bo̱f. 7,42. 47.

²⁶ Nohewo̱ le̱ nyeatĕre nyemaṅtše̱ Sikut ke̱ nyeṅulami-nyoṅmo̱ Kiun, nye-mãgãi ni nyefe nyehã nyehe ke̱,

²⁷ ni mahã aṅõnye nom ke̱-ya Damasko se̱! Iehowa, mo gbe̱i ni dši Zebaot Nyoṅmo̱ le̱, kē̱.