Amos 1 - Ṅmãle̱ Kroṅkroṅ Le̱

¹ Amos ni yo̱ Tekoa *tōiatše̱mei le̱ ateṅ le̱ wiemo̱i ní ena ye̱ ninā mli ye̱ Israel hewo̱, ye̱ †Uzia, Iuda maṅtše̱ le̱, ke̱ Ierobeam, Ioaš bi le̱ ní dši Israel maṅtše̱ le̱, yino̱, afii enyo̱ dãni **šikpoṅ hosomo̱ le̱ ba le̱ ne̱. *7,14. †2 Maṅ 15,1; 14,23. **Zak. 14,5.

² Ni ekē̱: *Iehowa aahū̃ ke̱-adše̱ Zion, ni eewo egbē ke̱-adše̱ Ierusalem; ni kolokwe̱lo̱i le̱ akoloi-alẽ̱̀hei le̱ aaṅãlã, ni Karmel yiteṅ aagbĩ. *Ier. 25,30. Ioel 4,16.

³ Bo̱ni Iehowa kē̱ ne̱: *Damasko mlatõmo̱i etẽ ke̱ edſe̱ le hewo̱ le̱ mitšakeṅ miyiṅtō le̱; edšake̱ ame̱ke̱ dade nigble̱mo̱nii gble̱ Gilead. *Ies. 17,1-3.

⁴ Ši mamã Hazael we le̱ nā la, ni eešã Ben-Hadad mõdši fe̱ſe̱dši le̱.

⁵ Ni makũ Damasko agbóse̱-adabãṅ le̱, ni maplenē Awen dšō̱ le̱ mli bii le̱, ke̱ maṅtše̱tšotše̱ le̱ ke̱-adše̱ Eden we le̱; ni aaṅõ Aram maṅ le̱ noni ke̱-ate *Kir; Iehowa kē̱. *2 Maṅ. 16,9.

⁶ Boni Iehowa kē̱ ne̱: *Gaza mlatõmo̱i etẽ ke̱ edſe̱ le̱ hewo̱ le̱ mitšakeṅ miyiṅtō le̱; edšake̱ ame̱ṅõ maṅ mū le̱ fẽ nom ke̱-te ame̱yatuame̱ ame̱wo Edom deṅ. *2 Kron. 28,17. 18. Ier. 47,1.

⁷ Ši mamã Gaza gbogbo le̱ nā la, ni eešã emli mõdši fe̱fe̱dši le̱.

⁸ Ni maplenẽ Ašdod mli bii le̱, ke̱ maṅtše̱tšotše̱ le̱ ke̱-adše̱ Aškelon, ni matšṍ minine mawo Ekron, ni Filistibii le̱ ateṅ mei ní eſe̱ le̱ hĩe aakpãtã, Nuṅtšo̱ Iehowa kē̱.

⁹ Bo̱ni Iehowa kē̱ ne̱: *Tiro mlatõmo̱i etẽ ke̱ edſe̱ le̱ hewo̱ le̱ mitšakeṅ miyiṅtō le̱; edšake̱ ame̱tu maṅ mū le̱ fẽ ame̱wo Edom deṅ, ni ame̱kaii nyemimei †akpãṅmo̱ le̱. *Ies. 33. Ioel. 5,5. †1 Maṅ. 5,13.

¹⁰ Ši mamā Tiro gbogbo le̱ nā la, ni eešã emli mõdši fe̱fe̱dši le̱.

¹¹ Boni Iehowa kē̱ ne̱: *Edom mlatõmo̱i etẽ ke̱ edſe̱ le̱ hewo̱ le̱ mitšakeṅ miyiṅtō le̱; edšake̱ eke̱ klante tiu †enyemi le̱, ni eše̱ mũsūṅtšōle̱ fẽ efõ, ni emlifũ tšere̱o̱ mei amli dāne̱, ni etoo̱ emlila le̱ ke̱-yaä nāgbē. *Ier. 59,1. †5 Mose 23,3. Obad. 10

¹² Ši mamã Teman nā la, ni eešã Bozra mõdši fe̱fe̱dši le̱.

¹³ Bo̱ni Iehowa kē̱ ne̱: *Amonbii le̱ amlatõmo̱i etẽ ke̱ edſe̱ le̱ hewo̱ le̱ mitšakeṅ miyiṅtō le̱; edšake̱ ame̱gblagbla Gilead yeiho̱lo̱i le̱ amli, beni afe ní ame̱lē̱ ame̱hūsũi le̱ amli. *Ier. 59,1-5.

¹⁴ Ši maše̱re la mawo Raba gbogbo le̱ he, ni eešã emli mõdši fe̱fe̱dši le̱, ke̱ ošebō̱ ye̱ ta gbĩ le̱ no̱, ke̱ ahum ye̱ lasũogbĕle gbĩ le̱ no̱.

¹⁵ Ni aaṅõ ame̱maṅtše̱ le̱ ke̱ elumei le̱ fẽ-tſẽm nom, Iehowa kē̱.