Biblia Todo Logo
Bìoball air-loidhne

- Sanasan -

Bɔfoi 3 - Ṅmãle̱ Kroṅkroṅ Le̱

1 Ši gbe̱ke̱ ṅme̱dši etẽ ní dši so̱lemo̱-ṅmle̱tſā le̱ mli le̱, Petro ke̱ Iohane tša mlu ke̱-te so̱lemo̱we le̱.

2 Ni nū ko ye̱ ni dši *obubuafo ke̱-dše̱ enye mũsũṅ ní awóo̱le̱ dā abatáa so̱lemo̱we le̱ šĩnā ní atšé̱o̱le̱ šĩnā fe̱fe̱o le̱ nā, koni ebla nii ye̱ mei ní yaä so̱lemo̱we le̱ adẽ. *14,8.

3 Ni beni ena Petro ke̱ Iohane boteo̱ so̱lemo̱we le̱, eba-ame̱ noko.

4 Ši Petro kwe̱le̱ gā̃, eke̱ Iohane fẽ, ni ekē̱le̱ ake̱: Kwe̱mo̱ wo̱hĩe!

5 Ni edo̱ ehĩṅme̱ii eto ame̱no̱, ehĩe kã no̱ ake̱ ebaná noko ye̱ ame̱dẽ.

6 Ši Petro kē̱: Dſie̱te̱i ke̱ šika le̱ mĩbe̱ eko; ši noni miyo̱ le̱, no miṅō-hãao ne̱: Iesu Kristo, Nazarenyo le̱, gbe̱i amli le̱, te ši ní onyie! K. 16.

7 Ni emō eninedšŭrõ mli ni ewó eno̱ edamo̱ ši; ni amrõ le̱ noṅṅ le̱ enãdši ke̱ etalo̱i le̱ amli wale̱;

8 ni ehuru edamo̱ ši ni ebõĩ nyiemo̱, ni eke̱ame̱ bote so̱lemo̱we le̱ ke̱ nyiemo̱ ke̱ tũmo̱ ke̱ Nyoṅmo̱ yidšiemo̱.

9 Ni maṅ mū le̱ fẽ nale̱ ní enyie ẽdšĩe Nyoṅmo̱ yi;

10 ni beni ame̱yo ake̱ le̱ dši moni tá so̱lemo̱we šĩnā fe̱fe̱o le̱ nā eblaä nii le̱, ame̱he dšõ ame̱he ni ame̱nā kpe̱ ame̱he babaō ye̱ noni afe ahãle̱ le̱ hewo̱.

11 Ši ake̱-ni obubuafo ní atšále̱ le̱ kpe̱te̱ Petro ke̱ Iohane hewo̱ le̱, maṅ le̱ fẽ dšo foi yabua ame̱he nā ye̱ ame̱ṅõ ye̱ *ablanā ní atšé̱o̱le̱ Salomo nõ le̱ no̱, ni ame̱he edšõ ame̱he. *5,13.

12 Ši beni Petro na ene̱ le̱, ekē̱ maṅ le̱ ake̱: Nye Israelhĩĩ, mẽba nyehĩe feo̱nye yā ye̱ ene̱ hewo̱? alo mẽba nyekwe̱o̱wo̱ gā̃ ne̱ke̱, tamo̱ noni wo̱dientše̱ wo̱hewale̱ lo Nyoṅmo̱-dšámo̱ wo̱ke̱-hã mone̱ nyieo̱ ne̱?

13 *Abraham ke̱ Isak ke̱ Iakob Nyoṅmo̱ le̱ ní dši wo̱tše̱mei a-Nyoṅmo̱ le̱ ewo †etšũlo̱ Iesu hīe nyam; moni **nyedšiele̱ nyehã ni nyekwale̱ ye̱ Pontio Pilato hĩe, beni le̱ le̱ ekpe̱ mli ake̱ eeṅmē̃ ehe le̱. *5,30. †Ies. 63,11. **Bo̱f. 2,23.

14 Ši nye le̱, nyekwa mokroṅkroṅ ke̱ dšalo̱ le̱, ni *nyekpa fai ake̱ aṅõ gbomo awuyelo̱ moṅ akenye, *Mat 27,20. 21.

15 ni walalumole̱, nyegbele̱; ši *Nyoṅmo̱ tēle̱ ši ke̱-dše̱ gbohĩĩ ateṅ, no noṅṅ he odasefoi dšiwo̱. *4,10.

16 Ni egbe̱i le̱ ano̱ hemo̱-ke̱-yeli nā ni egbe̱i le̱ tšá mone̱ ní nyenaä ní nyele le̱; ni eno̱ hemo̱-ke̱-yeli le̱ ehã efe kpintiṅ-kpliṅṅ ye̱ nyefẽ nyehĩe ne̱.

17 Ni agbe̱ne̱, enyemimei, mile ake̱, lē ní nyelee hewo̱ ní nyefe, tamo̱ nyenukpai le̱ noṅṅ; Luk. 23,34.

18 ši nii ní Nyoṅmo̱ ekē̱ eto momo ye̱ *egbalo̱i le̱ fẽ nā, ake̱ Kristo aana amanehũlũ le̱, ehã eba mli nakai. *Luk. 24,27.

19 Nohewo̱ le̱ nyetšakea nyetšuiiaṅ, ni nyekũa nyese̱, koni agbe nyehe ešai le̱, 2,38.

20 beni afe ní hedšō̱mo̱ yino̱ adše̱ Nuṅtšo̱ le̱ hĩe aba, ní etšũ Iesu Kristo moni edšie etonye momo le̱;

21 moni sa ake̱ eyahĩ ṅwei ke̱-yaši nibii fẽ agbe̱dšiano̱tō be le̱ ní Nyoṅmo̱ ewie he ye̱ egbalo̱i kroṅkroṅi le̱ anā ke̱-dše̱ tetēte le̱.

22 Edšake̱ Mose kē̱ tše̱mei le̱ ake̱: “Nuṅtšo̱, nye-Nyoṅmo̱ le̱, aatē *gbalo̱ ko ni tamo̱mi ši ke̱-adše̱ nyenyemimei le̱ ateṅ ahãnye; nyeboale̱ toi ye̱ nibii fẽ ní eewie etšõnye le̱ mli. *5 Mose 18,15. 19.

23 Ni aaba mli ake̱, mofẽmo ní boṅ nakai gbalo̱ le̱ toi le̱, aakpãtã ehĩe kwrā ke̱-adše̱ maṅ le̱ mli.”

24 Ni asaṅ gbaloi fẽ ní wie ke̱-dše̱ Samuel ke̱ mei ní nyie ese̱ le̱ no̱ le̱, ame̱tšĩ ne̱ke̱ gbĩĩ ne̱ hũ atã ame̱to.

25 Nyedši gbaloi le̱ ke̱ kpãṅmo̱ le̱ bii, kpãṅmo̱ ni Nyoṅmo̱ ke̱ wo̱tše̱mei le̱ kpãṅ, beni ekē̱ Abraham ake̱: *“Ni oseši mli aadšō̱ šikpoṅ le̱ no̱ wekui fẽ ye̱” le̱. *1 Mose 22,18.

26 Ni Nyoṅmo̱ tē etšũlo̱ Iesu le̱ ši le̱, *nye tšutšu nyeṅõ etšũle̱ ní ebadšō̱nye ni ekpale nyeteṅ mofẽmo ke̱-dše̱ enĩfõdšianii le̱ amli. *13,46.

The Bible in Ga © Bible Society of Ghana, 1896, 1992.

Bible Society of Ghana
Lean sinn:



Sanasan