Bɔfoi 28 - Ṅmãle̱ Kroṅkroṅ Le̱

¹ Ni beni wo̱dše mli so̱ṅṅ le̱, no dãni wo̱bale ake̱ ṅšo̱kpo̱ le̱ gbe̱i dši Melita.

² Ši dše̱ibii dšekõdši le̱ fewo̱ edšŭrõ pī; edšake̱ ame̱še̱re la ni ame̱here wo̱fẽ-tſem hĩemẽ ye̱ nyoṅmo̱ne̱mo̱ babaō ke̱ fẽi le̱ hewo̱. 2 Kor. 11,27.

³ Ši beni Paulo bua lai ṅme̱ṅmle̱bii anā ni eke̱-yawo la le̱ mli le̱, šinõ ko dše̱ la grigri le̱ mli kpe̱te̱ enine he.

⁴ Ši heni dše̱ihii dšekõdši le̱ na kolo le̱ kpe̱te̱ enine he le̱, ame̱kē̱kē̱ ame̱he ake̱: Befẽbe ní fe le̱, ne̱ke̱ nū ne̱ awuyelo̱ ni, ni ahere eyiwala ke̱-dše̱ ṅšo̱ le̱ṅ moṅ, ši oweletō̱ eṅmẽẽle̱ gbe̱ ni eyi aná wala.

⁵ Ni ehwãnyã kolo le̱ ewo la le̱ mli, ni eyeele̱ awui ko. Mar. 16,18.

⁶ Ši ame̱hĩe kã no̱ ake̱ eefũfũi lo eetſa ši egbo trukā. Ši beni ame̱kwe̱ gbe̱ āhũ ni ame̱na ake̱ noko sro̱to ko efeele̱ le̱, ame̱tšake ame̱dſẽṅmo̱ ni ame̱kē̱ ake̱ *nyoṅmo̱ ko dšile̱. *14,11.

⁷ Ši ṅšo̱kpo̱ le̱ no̱ onukpa ní atšé̱o̱le̱ Publio le̱ ye̱ trom ko ye̱ dše̱i niiaṅ; le̱ eherewo̱ hĩemẽ ni eke̱ tšuidšŭrõ fewo̱ gbo̱ gbĩĩ etẽ so̱ṅṅ.

⁸ Ši eba mli ake̱ atridī ke̱ fo̱-ke̱-lá emõ Publio tše̱ ke̱-kã ši; ni Paulo te eṅõ, ni eso̱le eṅõ enidši eſie eno̱ ni etšále̱.

⁹ Agbe̱ne̱ beni afe ene̱ le̱, meikrokomei hũ ní he yeo̱ ye̱ ṅšo̱kpo̱ le̱ṅ le̱ ha, ni atšáame̱.

¹⁰ Ni ame̱ hũ ame̱wo wo̱hĩe nyam babaō, ni beni wo̱fã ye̱ dše̱i le̱, ame̱hãwe̱ nibii ní hĩaäwo̱.

¹¹ Ni nyõdši etẽ se̱ le̱ wo̱yabote Aleksandria le̱le̱ ko ní ekadimo̱ dši Dios-kurioi (alo hãdši) ní ebaye fẽibe le̱ ye̱ ṅšo̱kpo̱ le̱ ne̱ le̱ mli, ni wo̱fã ke̱-te.

¹² Ni beni wo̱yadamo̱ Sirakusa le̱, wo̱hĩ dše̱i gbĩĩ etẽ.

¹³ Ni wo̱dše̱ dše̱i le̱ wo̱lo̱go̱ ši ke̱-ba Regio; ni dšetše̱reno̱ le̱, heni wuoyigbe̱ kō̱yo̱ le̱ batſa le̱, wo̱yiṅ, ni gbĩ ní dši gbĩ enyo̱ le̱ wo̱še̱ Puteoli.

¹⁴ Wo̱bana nyemimei komei ye̱ dše̱i; ni ame̱kpawo̱ fai ake̱ wo̱ke̱ame̱ áhĩ ši gbĩĩ kpawo. Ke̱ke̱ ni wo̱yaše̱ Roma.

¹⁵ Ni beni nyemimei ní yo̱ dše̱i le̱ nu wo̱he le̱, ame̱bakpēwo̱ ye̱ Apiiforo ke̱ Tretaberna; ni beni Paulo naame̱ le̱, eda Nyoṅmo̱ ši ni ená tšui.

¹⁶ Ni beni wo̱baše̱ Roma le̱, asafoatše̱ le̱ dšie gbokle̱foi le̱ ehã asafoiatše̱nukpa le̱, ši Paulo le̱, aṅmẽle̱ gbe̱ ake̱ ehĩ heni esumoo̱, ši asrafonyo ko buo̱ ehe. 27,3.

¹⁷ Ši eba mli ake̱ gbĩĩ etẽ se̱ le̱ Paulo ha atšé̱ Iudafoi le̱ anukpai ní yo̱ le̱ ke̱-bakpe; ni beni ame̱nā ebakpe ši le̱, ekē̱-ame̱ ake̱: Atāmei ke̱ anyemĩmei, mitõko maṅ le̱ lo wo̱tše̱mei le̱ agbe̱nānii le̱ ano̱, kẽle̱ aṅõmi awo Romabii le̱ adeṅ ye̱ Ierusalem ake̱ gbokle̱fonyo. 28,1.

¹⁸ Ni ame̱ le̱, beni ame̱tao misane le̱ mli le̱, ame̱sumo̱ ake̱ ame̱ṅmē̃ mihe, edšake̱ gbĕle sane ko be̱ mihe kwrā.

¹⁹ Ši ake̱-ní Iudafoi le̱ ekplẽẽ hewo̱ le̱, efĩmi ake̱ maṅõ misane le̱ *mahã Kaisare yeli, ši dšee ake̱ miye̱ noko ní mike̱-baflo̱ mimaṅ le̱ nā. *25,11.

²⁰ Agbe̱ne̱ ne̱ke̱ sane ne̱ hewo̱ mĩtšé̱nye ke̱-ba, koni mananye ní mike̱nye awie; edšake̱ Israel *hĩeno̱kãmo̱ le̱ hewo̱ ni awomi ne̱ke̱ kõsõṅkõsõ ne̱. *26,6. 7.

²¹ Ši ame̱kē̱le̱ ake̱: Wo̱ le̱ wo̱náko wodši komei ke̱-dše̱ko Iudea ye̱ ohewo̱, ni asaṅ nyemimei le̱ ateṅ moko bako bie̱ ebagbako ohe sane ko lo ohe wiemo̱ fõṅ ko.

²² Ši wo̱mīsumo̱ ake̱ wo̱o̱bo odſẽṅmo̱ le̱ toi; edšake̱ ne̱ke̱ *kufà ne̱ wo̱le ake̱ †awieo̱ he efõṅ ye̱ hefẽhe. *24,14. †Luk. 2,34.

²³ Ni beni ame̱tole̱ gbĩ le̱, ame̱teṅ mei pī ba eṅõ ye̱ etōhe le̱, ni edšadše Nyoṅmo̱ maṅtše̱yeli le̱ he sane etšõame̱, ni eye he odase faṅṅ, ni edše̱ Mose mla le̱ ke̱ gbalo̱i le̱ amli etao ní ame̱yĩṅ atšṍ ke̱-ba Iesu gbe̱făṅ ke̱-dše̱ lebi ke̱-baši gbe̱ke̱.

²⁴ Ni meikomei hé wiemo̱i ní ewie le̱ ame̱ye, ši meikomei hũ hee yee.

²⁵ Ni ake̱-ní ame̱yakpãã gbē hewo̱ le̱, ame̱yĩṅ ame̱te, beni Paulo wie wiemo̱ kome ne̱: Odšogbāṅ ní Mumo̱ kroṅkroṅ le̱ wie ye̱ gbalo̱ Iesaia le̱ nā etšõ wo̱tše̱mei le̱,

²⁶ *ake̱: “Ya maṅ ne̱ ṅõ ni oyakē̱: Nu le̱ nyebanu ne̱, šĩ nyenaṅ šĩši, ni na le̱ nyebana ne̱, ši nyeyoṅ se̱. *Ies. 6,9. 10.

²⁷ Edšake̱ maṅ ne̱ tšui ekplim, ni ame̱toii ewa ke̱ ninumo̱, ni ame̱mĩamĩa ame̱hĩṅme̱ii, koni ame̱kana ke̱ ame̱hīṅme̱ii ni ame̱kanu ke̱ ame̱toii, ni ame̱tšui hũ akana šĩši, ní ame̱kpale ní mitšáame̱.”

²⁸ Nohewo̱ le̱ *nyenáa nyelea ake̱, atšũ ake̱ Nyoṅmo̱ walaheremo̱ le̱ yahã dšeṅmădši le̱, ni ame̱ le̱ ame̱abo toi hũ. 13,46.

²⁹ Ni beni ewie wiemo̱ ne̱, Iudafoi le̱ yiṅ ame̱te, ni ame̱dšedšē ṅwane babaō ye̱ ame̱teṅ.

³⁰ Ni Paulo hĩ šĩa ní aṅō-mãle̱ le̱ mli afii nakplo̱i enyo̱, ni ehereo̱ mei fẽ ní baã eṅõ le̱,

³¹ ni ešĩe̱o̱ *Nyoṅmo̱ maṅtše̱yeli le̱ he sane le̱, ni eke̱ ekã fẽ dšadšeo̱ Nuṅtšo̱ Iesu Kristo be sădši le̱ etšõame̱, ni mokomoko etšũle̱ gbe̱. *K. 23.