Bɔfoi 25 - Ṅmãle̱ Kroṅkroṅ Le̱

¹ Agbe̱ne̱ beni Festo baye amralo le̱, eno̱ gbĩĩ etẽ pe̱ ni edše̱ Kaisarea ete Ierusalem.

² Ke̱ke̱ ni oso̱fonukpai ke̱ Iudafoi le̱ anukpai le̱ baflo̱ Paulo nā ame̱hãle̱, ni ame̱kpale̱ fai, 24,1.

³ ni ame̱bi ake̱ ekwe̱ ame̱hĩe, ní etšũ ní ayaṅõ Paulo ke̱-ba Ierusalem; edšake̱ ame̱wo ká koni ame̱gbele̱ ye̱ gbe̱ le̱ no̱. 23.15.

⁴ Ke̱ke̱ ni Festo here no̱ ake̱, Paulo ahĩ tšũ le̱ṅ ye̱ Kaisarea, ši le̱dientše̱ hũ etše̱ṅ ni ebaya dše̱i.

⁵ Hewo̱ le̱ ekē̱: Nyehãa nyeteṅ hĩenāno̱bii le̱ ke̱mi ayaä dše̱i, ni ké̱ sane fõṅ ko ye̱ nū le̱ he le̱, ní ame̱kē̱.

⁶ Ni beni eye aafe gbĩĩ kpānyo̱ lo nyoṅma ye̱ ame̱ṅõ le̱, eyiṅ ete Kaisarea, ni dšetše̱reno̱ le̱ eyatá kodšomo̱sẽi le̱ no̱, ni efã́ ake̱ ake̱ Paulo aba.

⁷ Ši beni eba dše̱i le̱, Iudafoi ní dše̱ Ierusalem ba le̱ babo̱lele̱ ke̱-kpe, ni ame̱ke̱ nāflo̱mo̱i pī ní wa baſie Paulo no̱, ši ame̱nyãẽ nā ame̱tšõ;

⁸ edšake̱ edšie enā ekē̱: Mitõko Iudafoi amla ko le̱ asaṅ mitõko so̱lemo̱we le̱ lo Kaisare no̱.

⁹ Ši ake̱-ní Festo mīsumo̱ ake̱ efe noni sa Iudafoi le̱ ahĩe hewo̱ le̱, ekē̱ Paulo ake̱: Osumo̱ ake̱ oya Ierusalem ni miyakodšoö ye̱ dše̱i ye̱ ne̱ke̱ sãdši ne̱ ahewo̱ lo?

¹⁰ Ši Paulo kē̱: Kaisare kodšomo̱sẽi le̱ hīe midamo̱ ne̱, heni sa ake̱ akodšoo̱mi ye̱ le̱; Iudafoi le̱, rnitõko ame̱no̱, tamo̱ bo̱ni ole dšogbāṅ le̱.

¹¹ Nohewo̱ le̱, ké̱ miye sane fõṅ ko ni mife noko ní sa gbĕle le̱, mikãmãã gbĕle; ši ké̱ Sãdši ní mene̱mei flo̱ö̱ minā ye̱ he ne̱ eko-eko be̱ mli le̱, moko nyẽṅ aṅõmi awo ame̱deṅ. Mike̱ misane le̱ mīhã Kaisare yeli.

¹² Ke̱ke̱ ni Festo ke̱ adšinafoi le̱ hala mli, ni ekē̱ ake̱: Ni oke̱ osane le̱ ehã Kaisare yeli ne̱, Kaisare ṅõ noṅṅ oote.

¹³ Ši gbĩ! komei ase̱ le̱, maṅtše̱ Agripa ke̱ Bernīkē ba Kaisarea ni ame̱baṅã Festo.

¹⁴ Ni beni ame̱ye gbĩĩ kplaṅṅ ye̱ dše̱i le̱, Festo dšadše Paulo sane le̱ etšõ maṅtše̱ le̱ ni ekē̱: Nū ko ye̱ bie̱ ní Felike *šīle̱ ye̱ tšũṅ, *24,27.

¹⁵ mo he ní beni mite Ierusalem le̱ oso̱fonukpai le̱ ke̱ Iudafoi anukpai le̱ ba miṅõ ke̱ enāflo̱mo̱ ni ame̱kpami fai ake̱ mibule fo̱;

¹⁶ ni mito he mihãame̱ ake, ebe̱ Romabii amla mli ake̱ adšō̱o̱ moko no̱ ahãa gbĕle, dša moni aflo̱ enā le̱ ke̱ mei ní yaflo̱ enā le̱ ékpe hĩe ke̱ hĩe, ni mo le̱ ená hegbe̱ edšie anā ye̱ sane ní aṅõ-fõ eno̱ le̱ hewo̱ dã.

¹⁷ Nohewo̱ le̱, beni ame̱nā bakpe ši ye̱ bie̱ le̱, miṅõ-šašaoo ši, ši dšetše̱reno̱ le̱ miyatá kodšomo̱sẽi le̱ no̱, ni mifã́ ake̱ aṅõ nū le̱ ke̱-ba.

¹⁸ Ši beni enāflo̱lo̱i le̱ badamo̱ ši le̱, ame̱ke̱ sãdši ní misusu le̱ ateṅ ekomeflo baa ebaflo̱o̱ enā,

¹⁹ ši moṅ ame̱dientše̱ ame̱nyoṅmo̱dšámo̱ he ṅwanedšesãdši komei ke̱ Iesu ko ní egbo ní Paulo mã no̱ mĩ́ ake̱ ehĩe kã le̱ he sãdši ame̱hĩe ke̱-ba. 18,15.

²⁰ Ši ake̱-ní milee bo̱ni mafe matao ne̱ke̱ sãdši ne̱ amli hewo̱ le̱, mibile̱ ake̱ ēsumo̱ ake̱ eya Ierusalem ní ayaye ne̱ke̱ sane ne̱ ye̱ dše̱i lo?

²¹ Ši ake̱-ní Paulo édšō̱ ake̱ ake̱ esane le̱ ato ni Kaisare dientše̱ ayaye hewo̱ le̱, mifã́ ake̱ aṅõle̱ ato ke̱-yaši beyino̱ ní mahã ake̱le̱ aya Kaisare ṅõ.

²² Ke̱ke̱ ni Agripa kē̱ Festo ake̱: Kũle̱ mi hũ mīsumo̱ ake̱ mabo gbomo le̱ toi. Ni ekē̱: Wó̱ le̱ oobole̱ toi. Luk. 23,8.

²³ Agbe̱ne̱ dšetše̱reno̱ le̱, beni Agripa ke̱ Bernīkē wula kiṅkā̃ ke̱-ba ni ame̱ke̱ asafoiatše̱mei-nukpai ke̱ mã le̱ṅ gbomei agboi le̱ babote sane-toibōhe le̱, Festo fã́ ní ake̱ Paulo ba.

²⁴ Ni Festo kē̱: Maṅtše̱ Agripa, ke̱ nye mei fẽ ní nyeke̱wo̱ yo̱ bie̱, nyemīna nū ne̱ ní Iudafoi asafo mū le̱ fẽ bakpami fai ye̱ Ierusalem ke̱ bie̱ fẽ ni ame̱blo̱ ame̱womi, ake̱ esaa ake̱ ehĩo̱ dšeṅ doṅṅ le̱. K. 17; 22,22.

²⁵ Ši mi le̱, mina ake̱ efeko noko ní sa gbĕle, ni ake̱-ní le̱dientše̱ hũ etu esane le̱ ewo Kaisare deṅ hewo̱ le̱, mikpe̱ mli ake̱ ake̱le̱ ayahãle̱.

²⁶ Ši mibe̱ sane kre̱dē̱ ko ní kũle̱ maṅmã mahã nuṅtšo̱ le̱, nohewo̱ hũ ni mike̱le̱ ba nyehĩe ne̱, ni titri le̱ bo maṅtše̱ Agripa ohĩe, beni afe ní ke̱dši atao sane le̱ mli le̱, maná noko maṅmã.

²⁷ Ši efeemi ake̱ edšaa ake̱ aṅõo̱ gbokle̱fonyo ko amãdšeo̱ ni atšõõ noni akē̱ efe.