Bɔfoi 22 - Ṅmãle̱ Kroṅkroṅ Le̱1 *Anyemimei ke̱ atāmei, nyeboa minā ní mibadšie matšõnye ne̱ toi. *7,2; 13,26. 2 Ni beni ame̱nu ake̱ Hebri wiemo̱ eke̱ame̱ wieo̱ le̱, ame̱fe diṅṅ fè tšutšu le̱. Ni ekē̱: 21,40. (3-21. Kwe̱ 9,1-29 ; 28,9-20 .) 3 Mi le̱ Iudanyo dšimi, ni afo̱mi ye̱ Tarso ye̱ Kilikia moṅ, ši mā ne̱ṅ alè̱mi ye̱, ni *Gamaliel nãdši anā atšo̱semi ye̱, ye̱ wo̱tše̱mei le̱ amla le̱ nā fitšofitšo, ni mihĩe do̱ö̱ Nyoṅmo̱ sane he, tamo̱ bo̱ni nyefẽ nyefeo̱ ṅme̱ne̱ ne̱; *5,34. 4 ni miwaä ne̱ke̱ tšõmo̱ ne̱ yi ke̱-yašio̱ gbĕle mli, ni mifĩmoo̱ hĩĩ ke̱ yei fẽ mihãa ni ayawoo̱ame̱ tšũṅ, 8,3. 5 bo̱ni oso̱fonukpa le̱ tete ke̱ onukpai le̱ fẽ yeo̱mi odase le̱; mei hũ ní hãmi wodši ní kũle̱ mike̱-yahã nyemimei ni yo̱ Damasko le̱, ní miyafĩmo̱ mei ní yo̱ dše̱i le̱ hũ ke̱-ba Ierusalem, koni agblaame̱ toi. 6 Ši eba mli ake̱, beni minyie gbe̱ le̱ no̱ ni mibabe̱ṅke̱ Damasko aafe hũlũdamo̱ mli le̱, trukā le̱ la ko ní kpe̱mo̱ nā wa dše̱ ṅwei babo̱lemi; 7 ni mifle̱o migbē ši ni minu gbē ko kē̱mi ake̱: Saul, Saul, mẽba owaämi yi? 8 Ni mihere no̱ ake̱: Bo namoṅ, Nuṅtšo̱? Ni ekē̱mi ake̱: Mi Iesu, Nazarenyo le̱, ní owaäle̱ yi le̱ ni. 9 Ši mei ni ke̱mi nyie le̱ na la le̱, ni ame̱še gbeyei, ši moni ke̱mi wieo̱ le̱, ame̱nuu egbē. 10 Ni mikē̱: Meni mafe, Nuṅtšo̱? Ni Nuṅtšo̱ le̱ kē̱mi ake̱: Te ši ni oya Damasko, ni dše̱i aatšõo nibii fẽ ni ato ake̱ ofe le̱. 11 Ni beni minaa nii doṅṅ ye̱ nakai la le̱ kpe̱mo̱ nā le̱, mei ní ke̱mi nyie le̱ mõ minine mli ame̱yawami Damasko. 12 Ši nū ko ye̱ ní atšé̱o̱le̱ Anania ní ešeo̱ Nyoṅmo̱ gbeyei ye̱ mla le̱ nā, ni Iudafoi le̱ fẽ ní yo̱ dše̱i le̱ wieo̱ ehe ekpakpa. 13 Le̱ eba miṅõ, ni ebadamo̱ mimase̱i ekē̱mi ake: Anyemi Saul, na nii! Ni nakai ṅmle̱tſā le̱ no̱ noṅṅ minale̱. 14 Ni ekē̱: Wo̱tše̱mei a-Nyoṅmo̱ le̱ ehalao eto, ní ole esuomo̱nānii, ni ona dšalo̱ le̱, ní onu edāṅ gbē ko; 15 ši obatšṍ ehe odaseyelo̱, koni oye nii fiā ní ona ní onu le̱ ahe odase otšõ gbomei fẽ. 16 Ni agbe̱ne̱ mẽba ošašaoo̱ ši? Te ši ní ohã abaptisio, ní afó̱ ohe ešai le̱ aſie ahăo, ní obo otšé̱ Nuṅtšo̱ le̱ gbe̱i. 17 Ni eba mli ake̱, beni mikũ mise̱ ke̱-ba Ierusalem ekoṅ ni miso̱leo̱ ye̱ so̱lemo̱we le̱, efe tamo̱ nõ enyõ mino̱, 18 ni minale̱ ní ēkē̱mi ake̱: Femo̱ kpa ní odše Ierusalem oyá mli, edšake̱ ame̱ boṅ mihe odase ní oyeo̱ le̱ toi. 19 Ni mikē̱: Nuṅtšo̱, ame̱dientše̱ ame̱le ake̱ mi noṅṅ ni sá le̱ miwoo̱ mei ní heo̱ ono̱ yeo̱ le̱ tšũṅ, ni miyio̱ame̱ ye̱ kpēhe-fẽ-kpẽhe le̱; K. 4. 20 ni beni aſie Stefano, ohe odaseyelo̱ le̱, lá ši le̱, mi hũ midamo̱ dše̱i, ni miná egbĕle le̱ he tšui, ni *mibu mei ní gbele̱ le̱ mamai le̱ ahe. *7,58; 8,1. 21 Ni ekē̱mi ake̱: Ya, edšake̱ mibatšũo dšeṅmãdši le̱ ní yo̱ šoṅṅ le̱ aṅõ. 9,15; 13,2. 22 Ni ame̱bole̱ toi ke̱-baši ne̱ke̱ wiemo̱ ne̱ no̱, ni ame̱wó ame̱gbē no̱ ame̱kē̱: Ake̱ ne̱ke̱ gbomo adše šikpoṅ le̱ no̱! edšake̱ esaa ake̱ ehĩo̱ dšeṅ. 21,36. 23 Ši beni ame̱blo̱o̱ ni ame̱kplo̱ö̱ ame̱he atadei ni ame̱gbe̱o̱ mlu ame̱ſāa kō̱yo̱ mli le̱, 24 asafoiatšenukpa le̱ fã́ ake̱ ake̱le̱ aya mō̃ le̱ mli, ni ekē̱ ake̱ aṅõ kplebii atao eyitšoṅ, koni ená ele nõ sane hewo̱ ni ame̱blo̱ö̱ ame̱woo̱le̱ ne̱ke̱ ne̱. 25 Ši beni afĩle̱ ní abayile̱ le̱, Paulo kē̱ asafoatše̱ ní damo̱ ši le̱ ake̱: *Nyeye̱ hegbe̱ ake̱ nyeyio̱ Romanyo ko ní abukole̱ fo̱ le̱ kplebii lo? *16,37; 28,27. 26 Ši beni asafoatše̱ le̱ nu ene̱ le̱, ete asafoiatše̱nukpa le̱ ṅõ ni eyakē̱le̱ ake̱: Meni obafe ne̱? edšake̱ ne̱ke̱ gbomo ne̱ Romanyoṅ. 27 Ni asafoiatše̱nukpa le̱ ba ni ebakē̱le̱ ake̱: Kē̱mo̱mi, ani Romanyo dsio lo? Ni ekē̱: Hē̃. 28 Ni asafoiatše̱nukpa le̱ here no̱ ake̱: Šika pī mike̱-hé ne̱ke̱ maṅnyotšṍmo̱ ne̱. Ni Paulo kē̱: Ši mi le̱, fo̱ ake̱-fo̱mi. 29 Ke̱ke̱ ni amrõ le̱ noṅṅ mei ni yatao eyitšoṅ le̱ dše emase̱i; ni asafoiatše̱nukpa le̱ hũ, ake̱-ni efĩle̱ hewo̱ le̱, beni ená ele ake̱ Romanyo dšile̱ le̱, eše gbeyei, 30 Ši ake̱-ní ētao ele nõ hewo̱ kre̱dē̱ ní Iudafoi le̱ flo̱ö̱ enā hewo̱ le̱, dšetše̱reno̱ le̱ efẽnele̱, ni efã́ ake̱ oso̱fonukpai le̱ ke̱ ame̱kuašoṅ le̱ fẽ aba, ni eke̱ Paulo kpleke, ši, ni eke̱le̱ yadamo̱ ame̱hĩe. |
The Bible in Ga © Bible Society of Ghana, 1896, 1992.
Bible Society of Ghana