Bɔfoi 2 - Ṅmãle̱ Kroṅkroṅ Le̱

¹ Ni beni *Pentekoste gbĩ (alo gbĩ ní dši nyoṅmai-enumo̱) le̱ še̱ le̱, ame̱fẽ ame̱nā bakpe ši ke̱ dſẽṅmo̱ kome ye̱ hekome. *3 Mose 23,15-21. Bo̱f. 1.14.

² Ni trukā le̱ gbē̱mo̱ ko ní tamo̱ ahum ni tſaä wā dše̱ ṅwei ba, ni ebayi šĩa heni ame̱trá le̱ fẽ obõ.

³ Ni lile̱ii ni agblagbla mli ní tamo̱ lalileii pue; ni ebatrá ame̱yĩteaṅ ekomekome; Mat. 3,11.

⁴ ni Mumo̱ kroṅkroṅ bayimo̱ ame̱fẽ ame̱mli obõbõ, ni ame̱bõi wiemoi sro̱toi-sro̱toi awiemo̱, take̱ bo̱ni Mumo̱ le̱ ṅõ-wo ame̱nā le̱. 10,44-46.

⁵ Ši Iudafoi *Nyoṅmo̱-gbeyeišelo̱i komei ye̱ Ierusalem, ni ame̱dše̱ dšeṅ mãdši fẽ ní yo̱ šikpoṅ le̱ no̱ le̱ ano̱. *13,26.

⁶ Ni beni anu ne̱ke̱ gbē̱mo̱ ne̱, mei babaō babua ame̱he nā, ni ame̱he dšõ amehe, edšake̱ mofẽmo nu ake̱ ame̱mīwie le̱dientše̱ emaṅ wiemo.

⁷ Ni ame̱fẽ ame̱nā kpe̱ ame̱he ni ame̱hĩe feame̱ yā, ni ame̱kē̱kē̱ ame̱he ake̱: Na, ani mei ní wieo̱ ne̱ fẽ le̱, dšee Galileabii ni?

⁸ Ši té tēṅ ní wo̱teṅ mofẽmo nuo̱ le̱dientše̱ emaṅ heni afo̱le̱ ye̱ le̱ wiemo̱ ne̱?

⁹ Partiabii ke̱ Mediabii ke̱ Elambii, ke̱ mei ní yo̱ Mesopotamia ke̱ Iudea ke̱ Kapadokia, Ponto ke̱ Asia,

¹⁰ Frigia ke̱ Pamfilia, Mizraim ke̱ Libia niiaṅ ye̱ Kirëne mase̱i, ke̱ gbo̱i ni dše̱ Roma, Iudafoi ke̱ mei ni etšṍmo̱ Iudafoi,

¹¹ Kretabii ke̱ Arabiabii: wo̱mĩnu ake̱ ame̱mīdšadše Nyoṅmo̱ niwudši le̱ ye̱ wo̱mãdši ano̱ wiemoi le̱ amli.

¹² Ni ame̱fẽ ame̱nā kpe ame̱he ni ame̱fe yā, ni mone̱ kē̱ mone̱ ake̱: Té ene̱ šišiṅ?

¹³ Ši meikomei hũ ye fe̱o ame̱kē̱: Dā̃ do̱ko̱do̱ko̱ etŏ̱ro̱ame̱.

¹⁴ Ši Petro ke̱ mei nyoṅma ke̱ ekome le̱ te ši damo̱ ši, ni ewó egbē no̱ ni ewie etšõame̱ ekē̱: Iudahĩĩ ke̱ mei fẽ ní yo̱ Ierusalem, nyenáa nyelea ene̱, ni nyeboa miwiemo̱i le̱ atoi:

¹⁵ Dšee dā̃ mene̱mei etŏ̱ro̱, tamo̱ boni nyesusuo̱ le̱, edšake̱ lebi ṅmle̱ ne̱hũ ke̱ke̱ ne̱;

¹⁶ ši moṅ ene̱ dši noni gbalo̱ *Ioel wie le̱ ake̱: *Ioel 3,1-5.

¹⁷ “Nyoṅmo̱ kē̱: Ni aaba mli ye̱ nāgbē gbĩĩ le̱ ano̱, ake̱ mafo̱se mi-Mumo̱ le̱ eko maſie helo fẽ no̱, ni nyebihĩĩ ke̱ nyebiyei le̱ aagba, ní nyeblahĩĩ le̱ aana ninai, ni nyenukpai le̱ aala lamōi;

¹⁸ ni asaṅ mitšŭdšihĩĩ ke̱ mitšũdšiyei le̱ ano̱ hũ mafo̱se mi-Mumo̱ le̱ eko maſie ye̱ nakai gbĩĩ le̱ ano̱, ni ame̱agba.

¹⁹ Ni mahã nākpe̱nii aba ṅwei ni okadii hũ aba šikpoṅ le̱ no̱, lá ke̱ la ke̱ lasũ lamo̱.

²⁰ Hũīl aatsṍ duṅ, ni nyoṅtšĕre aatšṍ lá dãni Nuṅtšo̱ le̱ gbĩ wulu ní yo̱ nyam le̱ aaba.

²¹ Ni aaba mli ake̱ mofẽmo ní aabo atšé̱ Nuṅtšo̱ le̱ gbe̱i le̱, aahere eyi wala.” Rom. 10.13.

²² Atāmei Israelbii, nyeboa ne̱ke̱ wiemoi ne̱ atoi: Iesu Nazarenyo le̱, nū ni Nyoṅmo̱ ke̱ hewale̱nitšumo̱i ke̱ nākpe̱nii ke̱ okadii ni etšṍ enine no̱ efe ye̱ nyeteṅ le̱ ye ehe odase etšõnye, tamo̱ bo̱ni nyedientše̱ nyele le̱,

²³ le̱ ní *adšiele̱ ye̱ Nyoṅmo̱ yiṅtō ke̱ enii ní ele eto le̱ nā ahã le̱, nyetšṍ mei ní be̱ mla le̱ anine no̱ nyese̱ṅle̱ ni nyegbele̱; *4,28.

²⁴ le̱ noṅṅ Nyoṅmo̱ tēle̱ ši ni efẽne gbĕle pĩmo̱i le̱, edšake̱ enyẽṅ enā etšĩ. 3,15.

²⁵ Edšake̱ *David wie ye̱ ehe ekē̱: “Minaä Nuṅtšo̱ le̱ ye̱ mihĩe dā, edšake̱ eye̱ mininedšŭrõ no̱, koni mikadĩdã. *Lal. 16,8-11.

²⁶ Nohewo̱ le̱ mitšui enyõ mimli ni milile̱i mīnyã́, ni asaṅ mihelo hũ aadšō̱ ehe ye̱ hĩeno̱kāmo̱ mli;

²⁷ edšake̱ ošīṅ misusuma ye̱ gbohĩĩadše, ni ohãṅ omokroṅkroṅ le̱ ana fitemo̱.

²⁸ Ohã mile wala gbe̱i le̱, ni oohã mitšui anyõ mimli fā ye̱ ohĩe.”

²⁹ Atāmei ke̱ anyemimei, nyehāa mawiea faṅṅ matšõanye ye̱ blematše̱ David le̱ hewo̱, ake̱ egbo ni afũle̱, ni esãṅ ye̱ wo̱teṅ ke̱-baši ṅme̱ne̱. 13,36. 1 Maṅ. 2,10.

³⁰ Ake̱ noni gbalo̱ dšile̱ ni ele ake̱ Nyoṅmo̱ ekãle̱ kitã ake̱ emũsũṅbii le̱ eko batá esẽi le̱ no̱ hewo le̱, Lal. 89,4. 5. 2 Sam. 7,12. 13.

³¹ ena eto ni ewie Kristo šĩtē le̱ he, ake̱ ašĩṅ esusuma ye̱ gbohĩĩadše ni ehelo hũ enaṅ fitemo̱.

³² Ne̱ke̱ Iesu ne̱ Nyoṅmo̱ tēle̱ ši; no he odasefoi dši wo̱fẽ.

³³ Agbe̱ne̱ ake̱ noni awo eno̱ ke̱-te Nyoṅmo̱ ninedšŭrõ no̱ ni ená Mumo̱ kroṅkroṅ le̱ he šiwō le̱ ke̱-dše̱ tše̱ le̱ dẽ hewo̱ le̱, efo̱se noni nyenaä ní nyenuo̱ ne̱ eſie šĩ.

³⁴ Edšake̱ David eyaa ṅwei, *ši le̱ noṅṅ ekē̱: “Nuṅtšo̱ le̱ kē̱ minuṅtšo̱ le̱ ake̱: Tá mininedšũrõ no̱, *Lal. 110,1.

³⁵ ke̱-yaši beyino ní maṅõ ohenye̱lo̱i le̱ mafe onãdšiaši māṅō.”

³⁶ Nohewo̱ le̱ hã ní Israel we le̱ fẽ ale kre̱dē̱ ake̱ Nyoṅmo̱ eṅõ ne̱ke̱ Iesu ni nyese̱ṅle̱ ne̱ efe Nuṅtšo̱ ke̱ Kristo fẽ. 5,31.

³⁷ Ši beni ame̱nu ene̱ le̱, etšuro̱ ame̱tšuiiaṅ, ni ame̱kē̱ Petro ke̱ bo̱foi ní eſe̱ le̱ ake̱: Atāmei ke̱ anyemĩmei, *té wo̱o̱fe tēṅ? *16,30.

³⁸ Ni Petro kē̱ame̱ ake̱: *Nyetšakea nyetšuii amli ní nyeteṅ mofẽmo ahã abaptisile̱ awo Iesu Kristo gbe̱i amli, koni aṅõ nyehe ešai le̱ afanye, ni nyeaná Mumo̱ kroṅkroṅ nõkēnõ le̱. *3,17-19. Luk. 24,17.

³⁹ Edšake̱ šiwō le̱, nye ke̱ nyebii ke̱ mei fẽ ní yo̱ se̱ šoṅṅ, *mei abo̱ ni Nuṅtšo̱, wo̱-Nyoṅmo̱ le̱, aatšé̱ ke̱-aba le̱ anõ ni. *Ioel 3,5.

⁴⁰ Ni ewie wiemo̱i krokomei pī eke̱-ye odase ni eke̱-woame̱ ṅā ake̱: Nyehãa aherea nyeyiwala ke̱-dše̱a *yíne̱ kõdõṅ ne̱ mli. *5 Mose 32,5. Fil. 2,15.

⁴¹ Ke̱ke̱ ni mei ní hé ewiemo̱ le̱ kplẽ ye̱ tšuidšŭrõ nā le̱ abaptisiame̱, ni nakai gbĩ le̱ no̱ noṅṅ le̱ aṅõ susumai aafe akpeĩ-etẽ afata ame̱he.

⁴² Ni ame̱hĩe bo̱foi le̱ atšõmo̱ le̱ ke̱ nanyobō̱ le̱ ke̱ *abolo kũomo̱ le̱ ke̱ so̱lemo̱i le̱ amli. *20,7.

⁴³ Ni gbeyei mõ mofẽmo, ni bo̱foi le̱ fe nākpenii ke̱ okadii pī.

⁴⁴ Ni mei ní heo̱ yeo̱ le̱ fẽ ye̱ hekome, ni amefe ame̱nii fẽ ekome; 4,32.

⁴⁵ ni ame̱šikpõdši ke̱ ame̱henii le̱ ame̱hõhõi, ni ame̱dša mli ame̱hã mei le̱ fẽ boni he hīaä mofẽmo.

⁴⁶ Ni dā gbĩ le̱ ame̱ke̱ dſẽṅmo̱ kome yaä so̱lemo̱we le̱, ni ame̱kũmo̱kũmoo̱ abolo ye̱ šīai, ni ame̱ke̱ mīše̱ ke̱ tšui kro̱ṅṅ yeo̱ nii, K. 42.

⁴⁷ ni ame̱dšieo̱ Nyoṅmo̱ yi, ni ame̱hĩe ba nyam ye̱ maṅ mū le̱ fẽ hĩe. Ni Nuṅtšo̱ le̱ *ṅõo̱ mei ní ahere ame̱yiwala le̱ efataä asafo le̱ he gbĩ-fẽ-gbĩ. *4,4; 5,14; 11,21; 14,1.