Bɔfoi 16 - Ṅmãle̱ Kroṅkroṅ Le̱

¹ Ke̱ke̱ ni eba Derbe ke̱ Listra. Ni na, kaselo̱ ko ye̱ dše̱i ní atšé̱o̱le̱ *Timoteo, Iudayō ko †ní ehe eye le̱ bi, ši etše̱ le̱ Helanyo ni. *17,14; 19,22. †2 Tim. 1,5.

² Ni nyemimei le̱ ni yo̱ Listra ke̱ Ikoniom le̱ *tãa ehe sane kpakpa. *6,3.

³ Le̱ Paulo taoo̱ ake̱ eke̱le̱ aya, ni eṅõle̱ efole̱ ketia ye̱ Iudafoi ní yo̱ dše̱i niiaṅ le̱ ahewo̱; edšake̱ ame̱fẽ ame̱le ake̱ etše̱ le̱ Helanyo ni.

⁴ Ši beni ame̱kpaä mãdši le̱ ano̱ le̱, ame̱ke̱ *mlai ní bo̱foi le̱ ke̱ onukpai le̱ ní yo̱ Ierusalem le̱ wo le̱ hãame̱, koni ame̱ye no̱. *15,23-29.

⁵ Agbe̱ne̱ asafoi le̱ ná hewale̱ ye̱ hemo̱-ke̱-yeli mli, ni ame̱yi fáa dāne̱.

⁶ Ši ake̱-ní Mumo̱ kroṅkroṅ le̱ etšĩame̱ gbe̱ ake̱ ame̱kawie wiemo̱ le̱ ame̱tšõ ye̱ Asia hewo̱ le̱, ame̱fo mli ye̱ Frigia ke̱ Galatia šikpoṅ le̱ no̱; 18,23.

⁷ ni ameba Misia niiaṅ, ni ame̱ka ake̱ ame̱ate Bitinia, ši Iesu Mumo̱ le̱ eṅmẽẽame̱ gbe̱.

⁸ Ke̱ke̱ ni ame̱ho Misia he ni ame̱ba Troia.

⁹ Ni nyōṅ le̱ Paulo na nii, ake̱ nū Makedonianyo ko damo̱ ši mikpale fai ake̱: Ba Makedonia ní obaye obuawo̱!

¹⁰ Ši beni ena nii le̱ pe le̱, amrõ le̱ wo̱tao ake̱ wo̱ya Makedonia, edšake̱ wo̱ná wo̱le kre̱dē̱ ake̱ Nuṅtšo̱ le̱ etšé̱wo̱ ke̱-mīya dše̱i, koni wo̱yadšadše sanekpakpa le̱ wo̱tšõame̱.

¹¹ Nohewo le̱ wo̱fã ke̱-dše̱ Troia ni wo̱nyie tē̃ ke̱-te Samotrākē, ni dšetše̱reno̱ le̱ wo̱ba Neapoli;

¹² ni wo̱dše̱ dše̱i le̱ wo̱te Filipi ní dši Makedonia šikpoṅ le̱ no̱ maṅ wulu ke̱ Romabii ašimõmo̱he le̱. Ni wo̱hĩ ne̱ke̱ mã ne̱ṅ gbĩĩ komei.

¹³ Ni hedšō̱mo̱gbĩ le̱ no̱ le̱ wo̱dše̱ mã le̱ṅ wo̱te fā nā, heni afo̱ö̱ so̱lemo̱ ye̱ le̱, ní wo̱trá ši wo̱wie wo̱tšõ yei ní ebabua ame̱he nā ye̱ dše̱i le̱.

¹⁴ Ni yō ko ní atšé̱o̱le̱ Lidia ní dši kō̱dšaṅhõlo̱ ko ni dše̱ Tiatira mã le̱ṅ ní šeo̱ Nyoṅmo̱ gbeyei le̱ hũ nu; le̱ Nuṅtšo̱ le̱ gble etšui nā, ake̱ ebo nii ni Paulo wieo̱ le̱ toi. Ioh. 6,44.

¹⁵ Ni beni abaptisile̱ ke̱ ewe le̱, ekpa wo̱ fai ake̱: Ke̱dši nyebumi ake̱ mihé Nuṅtšo̱ le̱ miye ano̱kwale mli le̱, no le̱ nyebaä miwe le̱, ní nyebahĩa dše̱i. Ni ehĩewo̱ āhũ ni wo̱kplẽ.

¹⁶ Ši eba mli ake̱, beni wo̱yaä heni aso̱leo̱ ye̱ le̱, tšũlo̱yō ko ní klamo̱ mumo̱ yo̱ emli ke̱wo̱ bakpe, moni ke̱ eklamo̱ le̱ hãa enuṅtšo̱mei *náa nii pī. *19,24.

¹⁷ Le̱ enyie wo̱ ke̱ Paulo se̱, ni eblo̱ö̱ ake̱: Ne̱ke̱ gbomei ne̱, Nyoṅmo̱ ní yo̱ ṅwei šoṅṅ le̱ tšũdši dšiame̱, ni ame̱mīdšadše walaheremo̱ gbe̱ le̱ ame̱mītšõnye. Mar. 1,24. 34.

¹⁸ Ni efe nakai gbĩĩ pī. Ši edo̱ Paulo tšṍ, ni etšṍ ehe ni ekē̱ mumo̱ le̱ ake̱: Mīfã́o ye̱ Iesu Kristo gbei ano̱, ake̱ odše emli. Ni edše kpo ye̱ nakai ṅmle̱tſā le̱ no̱ noṅṅ. Mar. 16,17.

¹⁹ Ši beni enuṅtšo̱mei le̱ nā ake̱ ame̱ninámo̱ no̱hĩekamo̱nõ le̱ be̱ doṅṅ le̱, ame̱mõmo̱ Paulo ke̱ Sila ni ame̱gblaame̱ ke̱-te lume̱i le̱ ahĩe ye̱ dšã le̱ no̱;

²⁰ ni benĩ ame̱kplaame̱ ke̱-te asafoatše̱mei le̱ ahĩe le̱, ame̱kē̱: Ne̱ke̱ gbomei ne̱ ní dši Iudafoi le̱ ewo wo̱mã le̱ṅ hirihiri, 17,6. 1 Maṅ. 18,17.

²¹ ni ame̱mītšõtšõ gbe̱nānii komei ní wo̱be̱ hegbe̱ ake̱ wo̱mõo̱ mli lo wo̱yeo̱ no̱, edšake̱ Romabii dšiwo̱.

²² Ni maṅbii le̱ hũ te ši woame̱ ke̱babo̱leame̱ ke̱-kpe, ni asafoatše̱mei le̱ hã akplo̱ ame̱tadei ye̱ ame̱he, ni ame̱fã́ ake̱ ayiame̱ kpãi. 2 Kor. 11,25. Fil. 1,30. 1 Tes. 2.2.

²³ Ni beni ame̱tſiaame̱ kpãi pī le̱, ame̱woame̱ tšũṅ, ni ame̱wo gbokle̱foi le̱ akwe̱lo̱ le̱ kitā ake̱ eṅõame̱ eto ſeſēſe;

²⁴ ni ake̱-ní awole̱ ne̱ke̱ kitã hewo̱ le̱, eke̱ame̱ yawo tšũ ni yo̱ se̱gbe̱ le̱ mli, ni ebo̱ ame̱nãdši apã.

²⁵ Ši nyōṅ teṅ le̱ Paulo ke̱ Sila mīso̱le ni ame̱mīla ame̱mīdsie Nyoṅmo̱ yi; ni gbokle̱foi le̱ mīboame̱ toi.

²⁶ Ni trukā le̱ šikpoṅ hoso wā, ni tšũ le̱ fanesi le̱ gbũgbã, ni amrõ le̱ šĩnāi le̱ fẽ gblegblei ni ame̱fẽ ame̱kpãi le̱ kplo̱ke.

²⁷ Ši beni gbokle̱foi akwe̱lo̱ le̱ he̱le ši ke̱-dše̱ wo̱ mli ni ena ake̱ tšũ le̱ nā šĩnāi le̱ fẽ kãmo̱ le̱, egbla eklante ní kũle̱ ebagbe edšeṅ nā, edšake̱ esusu ake̱ gbokle̱foi le̱ edšo foi.

²⁸ Ši Paulo bo ke̱ gbē wale̱ ekē̱: Kāfe ohe efõṅ ko, ši wo̱fẽ wo̱ye̱ bie̱.

²⁹ Ke̱ke̱ ni etšé̱ ni abahāle̱ la, ni eša foi ke̱-bote tšũ le̱ṅ, ni eke̱ hekpokpomo̱ ho egbē Paulo ke̱ Sila hĩe,

³⁰ ni eke̱ame̱ dše kpo ni ekē̱: Nuṅtšo̱mei, té mafe tēṅ ní maná yiwalaheremo̱ṅ? 2,37.

³¹ Ni ame̱kē̱: Hemo Nuṅtšo̱ Iesu Kristo le̱ no̱ oye, ni aahere oke̱ owe le̱ fẽ yiwala.

³² Ni ame̱dšadše Nuṅtšo̱ le̱ wiemo̱ ame̱ tsõle̱ ke̱ mei fẽ ní yo̱ ewe le̱.

³³ Ni eṅõame̱ nakai nyō le̱ṅ ṅmle̱tſā le̱ mli noṅṅ, ni efó̱ ame̱kpāi le̱ anā ehãame̱, ni abaptisile̱ ke̱ ewe le̱ bii fẽ amrõ le̱ noṅṅ;

³⁴ ni eke̱ame̱ te ewe, ni eyaṅme̱ame̱ okplõ, ni emli flĩle̱ ke̱ ewe le̱ fe ake ehé Nyoṅmo̱ eye.

³⁵ Ši beni dše tše̱re le̱, asafoatše̱mei le̱ tšũ asrafoi bake: Ṅmē̃mo̱ gbomei le̱ ahe ní ameya.

³⁶ Ši gbokle̱foiakwe̱lo̱ le̱ dšadše ne̱ke̱ wiemo̱i ne̱ etsõ Paulo ake̱: Asafoatše̱mei le̱ etšũ ke̱-ba ake̱ aṅmē̃ nyehe, nohewo̱ le̱ agbe̱ne̱ nyedšea kpo ni nyeyabaä dšogbāṅ.

³⁷ Ši Paulo kē̱ame̱ ake̱: Wo̱ ní *Romabii dšiwo̱ ní abukowo̱ fo̱ le̱, ame̱yiwo̱ ye̱ dšā no̱, ni ame̱wowo̱ tšũṅ hũ: ni kpāko ameſieo̱wo̱ nĩgī̃ lo? Dabida, ši moṅ hã ame̱dientše̱ ame̱ba ní ame̱badšiewo̱. *22,25.

³⁸ Ni asrafoi le̱ yadšadše ne̱ke̱ wiemo̱i ne̱ ame̱tšõ asafoatše̱mei le̱; ni beni ame̱nu ake̱ Romabii dšiame̱ le̱, ame̱še gbeyei.

³⁹ Ni ame̱ba ame̱bakpaame̱ fai, ni beni ame̱dšieame̱ le̱, ame̱tuto̱ame̱ ake̱ ame̱dše mã le̱ṅ.

⁴⁰ Ši beni ame̱dše tšũ le̱ṅ le̱, ame̱te Lidia we le̱. Ni beni ame̱na nyemimei le̱ ni ame̱še̱dše ame̱mī le̱, ame̱yiṅ ame̱te.