Bɔfoi 14 - Ṅmãle̱ Kroṅkroṅ Le̱

¹ Ni eha mli ake̱, beni ame̱yo̱ Ikoniom le̱, ame̱yi enyo̱ le̱ fẽ ame̱te Iudafoi le̱ akpẽhe le̱ ni ame̱yawĩe ame̱tšõame̱ dšogbāṅ, ni Iudafoi le̱ ke̱ Helabii le̱ ateṅ mei babaō hé ye.

² Ši Iudaſoi toigbole̱i le̱ wo dšeṅmãdšiaṅbii le̱ ayiṅ, ni ame̱hã ame̱tšṍ ame̱hĩe ame̱wo nyemimei le̱. 13.45.

³ Ši ame̱tše̱ ye̱ dše̱i kẽ ní ame̱ke̱ ekã wie Nuṅtšo̱ he, ni le̱ hũ eye edromo̱ wiemo̱ le̱ he odase ni ehã atšṍ ame̱nine no̱ afe *okadii ke nākpenii pī. *19,11. Heb. 2,4.

⁴ Ši mã le̱ṅ bii le̱ amli gbá enyo̱, fã fata Iudafoi le̱ ahe, ni ſã hũ fata bo̱foi le̱ ahe.

⁵ Ši beni dšeṅmãdšiaṅbii le̱ ke̱ Iudafoi le̱ ke̱ ame̱nukpai le̱ bu ke̱-ba ní ame̱bafeame̱ sōisōi ni ame̱tſiaame̱ te̱i le̱, K. 19. 2 Tim. 3,11.

⁶ ame̱ná ame̱le, ni ame̱dšo foi ke̱-te Likaonia mãdši ní dši Listra ke̱ Derbe ke̱ dše̱i niiaṅ le̱,

⁷ ni ame̱dšadše sanekpakpa le̱ ame̱tšõ ye̱ dše̱i hũ. 11,19. 20.

⁸ Ni nū ko ye̱ Listra ní enyẽẽ ši edamo̱, ši ši etá ni edši obubuafo ke̱-dše̱ enye mũsũṅ bẽbe ni enyieko dã. 3,2.

⁹ Ni beni Paulo wieo̱ le̱, ebo toi. Ni beni ekwe̱le̱ gā̃ ni ena ake̱ eye̱ *hemo̱-ke̱-yeli ake̱ aatšále̱ le̱, *Mat. 9,28.

¹⁰ eke̱ gbē wale̱ kē̱le̱ ake̱: Te ši odamo̱ onãdši le̱ ano̱ trõmō̃! Ni ehuru eyi ši ni enyie.

¹¹ Ni beni asafoi le̱ na noni Paulo efe le̱, ame̱wó ame̱gbē no̱ ye̱ Likaonia wiemo̱ le̱ mli ame̱kē̱: *Nyoṅmo̱i le̱ etšṍmo̱ ame̱he tamo̱ gbomei ke̱-yimo̱ ši ke̱-ba wo̱ṅõ. *28,6.

¹² Ni ame̱tšé̱ Barnaba ake̱ Dio, ke̱ Paulo hũ Herme, edšake̱ le̱ titri ewieo̱,

¹³ Ši Dio ní yo̱ ame̱mã le̱ṅ agbó le̱ nā le̱ oso̱fo le̱ hĩe tšinahĩĩ ke̱ nyãnyãrãi ke̱-ba agbói le̱ anā, koni le̱ ke̱ asafo le̱ fẽ aṅõ-šã afo̱le.

¹⁴ Ši beni bo̱foi ni dši Barnaba ke̱ Paulo nu he le̱, ame̱gbla ame̱tadei ni ame̱ša foi ame̱yabote asafo le̱ teṅ ame̱hĩe blo̱mo̱

¹⁵ ake̱: Atāmei, meni nyefeo̱ ne̱? *Wo̱ hũ gbomei ádesãi dšiwo̱ tamo̱nye noṅṅ, ni wo̱mīdšadše sanekpakpa wo̱mītšõnye, koni nyekũ nyese̱ ke̱-dše̱ ne̱ke̱ yakayakanii ne̱ ahe ke̱-ba Nyoṅmo̱ hĩekãlo̱ le̱ ṅõ, mo noṅṅ ní fe ṅwei ke̱ šikpoṅ ke̱ ṅšo̱ ke̱ nii fẽ ní yo̱ ame̱mli le̱; *10,26.

¹⁶ mo noṅṅ ní blemabii le̱ ayino̱i ní eho le̱ mli le̱ ehã dšeṅmãdši le̱ fẽ nyie ame̱dientše̱ ame̱gbe̱i le̱ ano̱, 17.30.

¹⁷ ši kẽle̱ efõõ le̱dientše̱ ehe odaseyeli, ši moṅ efeo edšŭrõ ni ehãa nyoṅmo̱ dše̱o̱ ṅwei ne̱o̱ hãanye, ke̱ afii ní baä nii pī hũ, eke̱ ṅmā̃ ke̱ mīše̱ woo̱ nyetšuiiaṅ obõ. Lal. 147,8. Ier. 5,24.

¹⁸ Ni ekpakpa ame̱fe dãni ame̱ke̱ ne̱ke̱ wiemo̱i ne̱ tšĩ afo̱le ní kũle̱ mei le̱ bašã ahãame̱ le̱ nā.

¹⁹ Ši Iudafoi komei dše̱ Antiokia ke̱ Ikoniom ba dše̱i bawo asafoi le̱ ayiṅ, ni *ame̱tſia Paulo te̱i, ni ame̱gblale̱ ke̱-dše̱ mā le̱ṅ ame̱susuo̱ ake̱ egbo. *2 Kor. 11,25. 2 Tim. 3,11.

²⁰ Ši beni kaselo̱i le̱ bo̱lele̱ ke̱-kpe le̱, ete ši ni ete mã le̱ṅ. Ni dšetše̱reno̱ le̱ eke̱ Barnaba yiṅ ke̱-te Derbe.

²¹ Ni beni ame̱dšadše sanekpakpa le̱ ame̱tšõ maṅ le̱ ni ame̱hã mei pī etšṍmo̱ kaselo̱i le̱, ame̱kũ ame̱se̱ ke̱-te Listra ke̱ Ikoniom ke̱ Antiokia,

²² ame̱sā ame̱wo kaselo̱i le̱ amumo̱ṅ wala le̱ hewale̱, ni ame̱wie ame̱tšõame̱, ake̱ ame̱hĩe hemo̱-ke̱-yeli le̱ mli, ni asaṅ esa ake̱ wo̱tšṍo̱ amanehũlũi pī amli ke̱-boteo̱ Nyoṅmo̱ maṅtše̱yeli le mli. 11,23. 1 Tes. 3,3.

²³ Ni ame̱fãmo̱ onukpai ame̱to asafo-fẽ-asafo no̱, ni ame̱ke̱ so̱lemo̱ ke̱ ṅmãhile̱ tuame̱ ame̱wo Nuṅtšo̱ mo no̱ ní ame̱há ame̱ye le̱ deṅ. 13,3.

²⁴ Ni ame̱fo mli ye̱ Pisidia ni ame̱ba Pamfilia.

²⁵ Ni beni ame̱dšadše wiemo̱ le̱ ame̱tšõ ye̱ Perge le̱, ame̱ṅõ-ſie no̱ ke̱-ba Atalia.

²⁶ Ni ame̱bote le̱le̱ mli ye̱ dše̱i, ni ame̱fã ke̱-ba Antiokia, heni atuame̱ awo Nyoṅmo̱ dromo̱ le̱ deṅ ke̱-hã nitšumo̱ ni ame̱tšu, ame̱gbe nā ne̱ ye̱ le̱. 13,1. 2.

²⁷ Ši beni ame̱ba dše̱i ni ame̱babua asafo le̱ nā le̱, ame̱gbaame̱ nii ní Nyoṅmo̱ ke̱ame̱ eyatšule̱ fẽ, ke̱ bo̱ni egble *hemo̱-ke̱-yeli šĩnā ehã dšeṅmãdši le̱. *1 Kor. 16,9.

²⁸ Ni ame̱ke̱ kaselo̱i le̱ hĩ ši gbĩĩ kplaṅṅ.