Abe̱i 30 - Ṅmãle̱ Kroṅkroṅ Le̱

¹ Agur, Iake̱ bi le̱, wiemo̱i ne̱; gbale̱ wiemo̱i ni. Ne̱ke̱ nū ne̱ kē̱ Itiel ke̱ Ukal ake̱:

² Le̱le̱ṅ kolo dšimi, ni midšee gbomo, ni mibe̱ gbomo dſẽṅmo̱ hũ;

³ ni mikaseko nilē, ni asaṅ milee Mokroṅkroṅ le̱ he noko.

⁴ Namo ekwo̱ ke̱-te ṅwei ni esā ekpleke ši? Namo ebua kō̱yo̱ nā ewo eko̱ko̱iaṅ? Namo efĩ nu ewo emamaṅ? Namo ṅõ šikpoṅ nāgbēhei le̱ fẽ māmo̱ ši? Ké̱ ole le̱, té egbeiṅ, té ebi le hũ gbe̱iṅ? Hiob 38.

⁵ Nānyoṅmo̱ wiemo̱-fẽ-wiemo̱ le̱ emli tše; tše̱ṅ dšile̱ hã mei ní baäle̱ abo le̱. Lal. 12,7; 18,31.

⁶ Kāṅõ noko ofata ewiemo̱i le̱ ahe, ní ekã ohĩe ní otšṍ amalelo̱. 5 Mose 4,2.

⁷ Nibii enyo̱ mibio̱ ye̱ odeṅ; kākãmãmi, dãni magbo:

⁸ Dsiemo̱ yakayakanii ke̱ amale ye̱ mihe ke̱-ya se̱ fle̱ṅṅ; kābã miya ohĩa le̱, asaṅ kāhã miná nii; lè̱mi ke̱ niyenii ní *sami, *1 Tim. 6,6-8. Mat. 6,11.

⁹ koni mikato̱ tšṍ, ní mikwao, ní mikē̱ ake̱: Namo dši Iehowa? Lo ohĩa mīhĩami, ní miyadšu, ní mitõ mi-Nyoṅmo̱ le̱ gbe̱i ano̱.

¹⁰ Kāyatã tšũlo̱ he sane ohã enuṅtšo̱, ní ebalomo̱o, ní oye fo̱.

¹¹ Yino̱ ko ye̱ ní lomoo̱ etše̱, ni enye hũ edšō̱ō̱le̱;

¹² yino̱ ko ye̱ ní buo̱ ehe ake̱ ehe tše, ši kẽle̱ afo̱ko ehe mũdši le̱ ye̱ ehe; 20,9.

¹³ yino̱ ko ye̱ ní holeo̱ ehĩṅme̱ii ano̱ ake̱ noko, ni ehĩṅme̱iiase̱ kwŏ̱lo̱; 21,4.

¹⁴ yino̱ ko ye̱ ní enyãnyõdši tamo̱ klantei ni ekitai tamo̱ kaklai, ni eke̱-ye nānalo̱i ke̱-dše̱ šikpoṅ le̱ no̱ ke̱ mei ní efĩame̱ ke̱-dše̱ gbomei ateṅ.

¹⁵ Šiti ye̱ biyei enyo̱, atšé̱o̱ame̱ ake̱: Hami, hami! Nii etẽ ye̱ ni ame̱tŏ̱ro̱ko̱ dã, ni noni dši edſe̱ le̱ ekē̱ē̱ ake̱: Efá!

¹⁶ Gbohĩĩadše ke̱ mũsũ ní fo̱o̱, šikpoṅ ni etoo nu, ke̱ la ní ekē̱ē̱ ake̱: Efá! le̱.

¹⁷ Hĩṅme̱i ni yeo̱ etše̱ he fe̱o ni egbeo̱ enye toibō he guo le̱, fa nā kwãkwãlabitei aafãmo̱ ni okropoṅbii aaye. 20,20.

¹⁸ Nibii etẽ ye̱ ni feo̱mi nākpe̱ tšṍ, ni noni dši edſe̱ le̱ milee: 6,16.

¹⁹ Okropoṅ gbe̱ ye̱ ṅwei, onũfŭ gbe̱ ye̱ te̱sā no̱, lele gbe̱ ye̱ ṅšo̱ teṅ, ke̱ nu gbe̱ ye̱ oblayō he.

²⁰ Nakai yō gblãfitelo̱ gbe̱ yo̱; eyeo̱, ni etšumoo̱ enā, ni ekē̱o̱ ake̱: Mifeko noko fõṅ ko!

²¹ Nibii etẽ hãa šikpoṅ hosoo̱, ni noni dši edſe̱ le̱, enyẽẽ mli emõ:

²² Tšũlo̱ ní eye maṅtše̱, ke̱ bulu ní eye ṅmā̃ eto̱; Dsads. 10,6.

²³ yō ni akpō afõ ši ní ená wú, ke̱ weyō nī ebaye ewura nii.

²⁴ Nibii edſe̱ ye̱ ni ame̱dăraa ye̱ šikpoṅ le̱ no̱, ši ame̱le nii pam:

²⁵ Tšatšubii le̱, maṅ ní he waa ni, ši kẽle̱ ame̱taoo̱ ame̱niyenii ame̱too̱ ye̱ latšābe mli; 6,6-8; 10,5.

²⁶ afutuo̱ko̱i hũ, maṅ ní he waa ni, ši kẽle̱ ame̱feo̱ ame̱tšũi ye̱ te̱sāiaṅ;

²⁷ bālabii be̱ maṅtše̱, ši kẽle̱ ame̱fẽ ame̱fãa asafoiaṅ;

²⁸ oonyẽ oke̱ onine amõ tšũnye, ši kẽle̱ maṅtše̱mei amõdšiaṅ ehĩo̱.

²⁹ Nibii etẽ ye̱ nī fãmoo̱ ame̱nãdši abladeiaṅ, ni noni dši edſe̱ le̱, enyiemo̱ ye̱ fe̱o:

³⁰ Dšata ní dši koloi ateṅ ekãlo̱ fè fẽ, ni etšṍṍ ehe ye̱ mokomoko hĩe le̱;

³¹ tawū okpo̱ṅo̱ ni ehe mli wa, ke̱ tōkpakpo, ke̱ maṅtše̱ ní moko etee ši woole̱.

³² Ké̱ ofe buluianii ni owó ohe no̱, lo ké̱ odſẽṅ dſẽṅmo̱ fõṅ le̱, oke̱ onine ato onābu!

³³ Edšake̱ ké̱ omĩa fufo̱ le̱, oodšie butru, ni ké̱ omĩa gugõ le̱, lá aadše, ni ke̱ omĩa mlifũ le̱, béi aadše̱ mli.