Abe̱i 19 - Ṅmãle̱ Kroṅkroṅ Le̱

¹ Ohĩafo ní nyieo̱ emūyeli mli le̱ ehĩ fè moni ke̱ enabu yeo̱ kũtũmpo̱o ní kwašia dšile̱. 28,6.

² Ké̱ susuma lee nii le̱, ehĩĩ, ni moni fãmoo̱ enãdši oyáyá le̱, efeo eša.

³ Gbomo bulufemo̱ kõdõo̱ egbe̱, ni etsui mli woo̱ Iehowa la. Yāfó 3,39.

⁴ Nii hãa nanemei fáa; ši ohĩafo le̱, enanyo tšeo̱ ehe ke̱-dše̱o̱ ehe. 14,20.

⁵ Amale odasefonyo le̱, eyeṅ ehe, ni moni maleo̱ le, edšeṅ mli. K. 9. Y. 21,28. 6 Mose 19,18-21.

⁶ Mei pī taoo̱ ablade hĩegbe̱, ni moni nine kpo̱ö̱ le̱, mofẽmo ke̱le̱ bo̱ö̱.

⁷ Ohĩafo le̱, enyemimei fẽ nye̱o̱le̱, blo̱blo̱ ní enanemei ní tšeṅ ame̱he ke̱-yaṅ se̱ fle̱ṅṅ? enyieo̱ ame̱se̱ ke̱ wiemo̱i, ši enaa-ame̱. K. 4.

⁸ Moni náa yitšoṅ le̱, ēsumo̱ esusuma; moni mõo̱ sanese̱ko̱mo̱ mli le̱, aahĩ ahãle̱.

⁹ Amale odasefonyo le̱, eyeṅ ehe, ní moni maleo̱ le̱, ehĩe aakpãtã. K. 6.

¹⁰ Šihĩle̱ kpakpa esaa kwašia, blo̱blo̱ ní tšũlo̱ aaye lume̱i ano̱.

¹¹ Gbomo ní yo̱ dſẽṅmo̱ le̱, emli fũũ mrã, ni ehĩe ní ekũo̱ efõo̱ no̱tõmo̱ no̱ le̱, ehĩenyam ni.

¹² Maṅtše̱ mlifũ tamo̱ dšatahũmo̱; ši emohe-tšuinámo̱ tamo̱ bó̱ ní dſere dſe̱i ano̱. 20,2; 16.14. 15.

¹³ *Bi kwašia le̱, etše̱ amanehũlũ dšile̱, ni yō béi tamo̱ tšũyiteṅ nu ni tšereo̱ ſieo̱ ši. *10,1.

¹⁴ Šĩa ke̱ nii le̱, tše̱mei agbošinii ni; ši ṅã hĩetẽlo̱ le̱, Iehowa ṅõ dše̱o̱. 13.22.

¹⁵ Anihaofemo̱ hãa wo̱ ní tšī nyõo̱ mo no̱, ni susuma ní feo̱ hedšõ le̱, hõmo̱ aayele̱. 10,4; 23,21.

¹⁶ Moni yeo̱ kitã le̱ no̱ le̱, ēbã le̱dientše̱ esusuma yi; ši moni kwe̱e̱ egbè̱i le̱ ní ahĩ le̱, eegbo. 16,17.

¹⁷ Moni naä ohĩafo mo̱bo̱ le̱, eke̱mīfa Iehowa; ni noni eṅõ-hãle̱ le̱, eetole̱ nãdšiaṅ ekoṅ. 14,31. Lal. 41,2-4. Mat. 26,40.

¹⁸ Yi obi, beni hĩeno̱kãmo̱ yo̱ le̱; ši kāhã eba oyiṅ ake̱ oogbele̱. Ef. 6,4.

¹⁹ Moni mlifũ fá le̱, eená mli nyõmo̱wo; edšake̱ ké̱ odšiele̱ le̱, dša okũ se̱ odsiele̱ ekoṅ.

²⁰ Bo ṅāwō toi, ni okplẽ tšo̱semo̱, koni wó̱se̱ ní ole nii.

²¹ Dſẽṅmo̱i pī ye̱ gbomo tšuiṅ; ši Iehowa yiṅtō le, no badamo̱ ši. 16,9. Ier. 10,23.

²² Gbomo taomo̱ tšõo̱ bo̱ni emli hĩ hã, ni ohĩafo hĩ fè amalelo̱.

²³ Iehowa gbeyeišemo̱ ke̱ mo yaä wala mli; moni nine eše̱ ne̱ le̱, eeto̱ ke̱-awo̱, efõṅ ebasraṅle̱. 14,27.

²⁴ Anihaolo̱ ṅõo̱ enine etšo̱ö̱ kā mli, ni emĩĩ ní eke̱-wo edāṅ tete. 26,15.

²⁵ Tſa hefe̱oyelo̱ nõ, ni moni náko dſẽṅmo̱ le̱ hĩe aatẽ; kã sanese̱ko̱lo̱ hĩe, ni eele nii. 21,11.

²⁶ Moni waä etse yí ní ewoo̱ enye foi le̱, bi ní woo̱ mo hĩegbĕle nĩ ebo̱ö̱ mo ahora ni.

²⁷ Mibi, fõmo̱ tšo̱semo̱ ní hãa adũo̱ gbe̱ ke-dšeo nilē wiemoi le̱ ahe le̱ toibō! Iak. 1,22.

²⁸ Odasefonyo gbonyo ṅmõo̱ kodšomo̱, ni efõṅfelo̱i adā mĩo̱ nõša.

²⁹ Asā kodšomo̱i ato hefe̱oyelo̱i, ke̱ kpãi hũ ato kwašiai akotose̱. 26,3.