Abe̱i 17 - Ṅmãle̱ Kroṅkroṅ Le̱

¹ Atrõmã gbĩṅ ni toiṅdšo̱le̱ yo̱ mli hĩ fè sĩa ní lō ní agbe eyile̱ to̱ ní béi yo̱ mli. 15,16. 17; 16,8.

² Tšulo̱ ní le nii le̱ eeye bi ní feo̱ hīegbedšianii le̱ no̱, ni eke̱ nyemimei le̱ aadša gbošinii.

³ Niiahetšūmo̱ kukwe̱i le̱, eye̱ hã dſie̱te̱i, ni flõnõ ye̱ hã šika; ši Iehowa dši moni kaä tšuii ekwe̱o̱. Lal. 66,10.

⁴ Efõṅfelo̱ boo̱ nābui fõdši atoi, ni amalelo̱ kaä etoi ehãa mofitemo̱ lile̱i.

⁵ Moni yeo̱ ohĩafo he fe̱o le̱, ēbo̱ efelo̱ le̱ ahora; ni moni náa mīše̱ ye̱ moko amanehũlũ be le̱, eyeṅ ehe. 14,31.

⁶ *Hĩĩmedši akekre dši bii abii, ni bii ahĩenyam dši ame̱tše̱mei. *Lal. 128,6.

⁷ Wiemoi wudši esaa kwašia, blo̱blo̱ ní apasa nābu aasa ablade.

⁸ Nõkēnõ tamo te̱ ní dšra wa ye̱ moni náa le̱ hĩe; hefẽhe ní etšṍo le, eſereo̱.

⁹ Moni tsĩmoo̱ no̱tome̱ no̱ le̱, ētao suomo̱; ši moni tĩo̱ sane mli le̱, etšere̱o̱ sientše̱mei ateṅ.

¹⁰ Kãmo̱ boteo̱ moni ko̱ö̱ sane se̱ le̱ mli vī fè bo̱ni kpãi oha boteo̱ kwašia mli.

¹¹ Atüatšemo̱ ke̱ke̱ efõṅfelo̱ taoo̱, nohewo̱ le̱ bo̱fo yiwalo̱ aatšũ ke̱-ba eno̱.

¹² Hã osišibriši ní amõ ebi ke̱ gbomo akpe moṅ, fè kwašia ye̱ ebulufemo̱ mli.

¹³ Moni ṅõo̱ efõṅ too̱ ekpakpa nãdšiaṅ le̱, efõṅ kpaṅ ye̱ ewe. Lal. 109,5.

¹⁴ Béi bõimo̱ tamo nu ní afã nā; nohewo̱ le̱ ni nātāmo̱ le̱ mli wako ne̱, ṅmẽmo̱ he!

¹⁵ Moni buo̱ efõṅfelo̱ bem, ke̱ moni buo̱ dšalo̱ fo̱ le̱, Iehowa mīhĩ ame̱yi enyo le̱ fẽ. Ies. 5,23.

¹⁶ Mẽ se̱námo̱ šika yo̱ hã kwašia eke̱-ahe nilē ní ebe̱ yitšoṅ le̱?

¹⁷ Nanyo sumoo̱ mo bei fẽ mli, ni afo̱le̱ ake̱ nyemi hã haomo̱be. 18,24.

¹⁸ Moni be̱ yitšoṅ le̱, le̱ etaä dẽ, ni edamoo̱ enanyo se̱. 6,1.

¹⁹ Moni sumoo̱ béi le̱, esumoo̱ no̱tõmo̱, ni moni wóo̱ egbó no̱ godšō le̱, ētao wulemo̱.

²⁰ Moni yo̱ kũtũmpo̱o tšui le̱, ehĩṅ hãṅle̱, ni moni lile̱i tšṍmoo̱ le̱, egbēo̱ efõṅ mli.

²¹ Moni fo̱ö̱ kwašia le̱, enaä haomo̱, ni yakagbomo tše̱ le̱, enáá mīše̱. 10,1.

²² Tšuidšũrõ le̱, tšofā kpakpa ni; ši ṅko̱mo̱yeli mumo̱ le̱, ehãa mo wuiaṅ gbĩo̱. 15,13. 16.

²³ Efõṅfelo̱ heo̱ nikēnii ke̱-dše̱o̱ mo mīnā ní eke̱-tšṍ kodšomo̱ hĩe ebu ši.

²⁴ Moni ko̱ö̱ sane se̱ le̱, nilē kā ehĩe; ši kwašia hĩṅme̱ii kāmo̱ dšeṅ nāgbèhe le̱. 4,36.

²⁵ Bi kwašia le̱, etše̱ aw̌ere̱hō dšile̱ ke̱ yō ní fo̱le̱ le̱ tšuiyeli. K. 21.

²⁶ Ehĩĩ ake̱ agbla dšalo̱ toi, lo ní ayi abladei ye̱ dšale̱ sane hewo.

²⁷ Moni wiemo̱ ekaa le̱, ele nii, ni moni mumo̱ he dšo̱ le̱, le̱ dši moni ko̱ö̱ sane se̱, 10,19. Iak. 1,19

²⁸ Bulu tete, ké̱ ebu enā le̱, abuo̱le̱ nilelo̱, ni moni mūaä enā le̱, abuo̱le̱ hĩetẽlo̱. Hiob 13,5.