Abe̱i 13 - Ṅmãle̱ Kroṅkroṅ Le̱

¹ Bi nilelo̱ boo̱ etše̱ tšo̱semo̱ toi; ši hefe̱oyelo̱ le̱, eboo kãmo̱ toi. 1,8; 12,1.

² Gbomo *dãṅ yibii eke̱-aye nii kpakpai; ši noni kũtũmpo̱foi taoo dši yiwale̱. *12,14.

³ Moni mõo̱ enābu mli le̱, ēbā ewala yi; ši moni gbe̱o̱ edāṅ hatō le̱, eena hĩekpãtãmo̱. 12,18; 21.23.

⁴ Anihaolo̱ susuma ſeo̱ noko, ni enáá; ši mo̱deṅbo̱lo̱i asusuma aawo fo̱. 10,4.

⁵ Dšalo̱ nye̱o̱ amale; ši mofõṅ feo̱ hĩegbedšianii ni ebo̱ö̱ ehe ahora.

⁶ Dšale̱ buo̱ moni egbe̱ eye emū le̱ he; ši efōṅfemo̱ butuo̱ ešafelo̱.

⁷ Moko ye̱ ní feo̱ ehe niiatše̱, tše̱ ebe̱ nokonoko; moko ye̱ ní feo̱ ehe ohĩafo, tše̱ eye̱ nii babaō. Mat. 5,3. Kpods. 2,9; 3,17.

⁸ Moko wala kpõmo̱nii dši enii nī eyo̱; ši ohĩafo le̱, enuu hegbeyeiwō ko.

⁹ Dšalo̱i ala le̱ tšoo̱ he̱ṅṅ; ši *meifõdši akane le̱ aagbo. *24,20. Hiob 5,14; 18,5. 6. 18.

¹⁰ *Hewō le̱, béi ke̱ke̱ eke̱-baä; ši †mei ní boo̱ ṅāwō toi le̱, ame̱le nii. *28,25. †1,5.

¹¹ Nii ní aná ye̱ yakayaka gbē̱i ano̱ le̱, aatã; ši moni ke̱ enine kpe̱teo̱ le̱, eeſere.

¹² Hĩeno̱kãmo̱ ní baa mli mrã le̱, ewoo mo tšui hela; ši ké̱ noni aſeo̱ le̱ ba le̱, walatšo ni.

¹³ Moni gbeo̱ wiemo le̱ he guo̱ le̱, eke̱ hĩekpãtãmo̱ baä eno̱; ši moni šeo̱ kitã le̱, aawole̱ nyõmo̱.

¹⁴ Nilelo̱i anitšõmo̱ le̱, wala nubu ní ake̱-dšeo̱ gbĕle tšõnei amli ni. 10,11; 14,27.

¹⁵ Sanese̱ko̱mo̱ kpakpa hãa mo hĩe baä nyam; ši kũtũmpo̱foi agbe̱ le̱, eno̱ ye̱ dokoidokoi.

¹⁶ Hĩetẽlo̱-fē-hĩetẽlo̱ feo̱ enii nilē mli; ši *kwašia gbe̱o̱ bulufemo eſãa. *12,23; 15,2.

¹⁷ Bo̱fo fõṅ gbēo̱ nõfõṅ mli; ši otšãmẽ ano̱kwafo tsáa mei.

¹⁸ Moni ekplẽẽ tšo̱semo̱ le̱, ohĩa ke̱ hĩegbĕle dši enõ; ši moni buo̱ kãmo̱ le̱, awoo̱ ehĩe nyam. 12,1.

¹⁹ Taomo̱nii ní nine eše̱ no̱ le̱ eṅõ susuma nā; ši efõṅ he dšē le̱, kwašiai mīhĩ.

²⁰ Moni ke̱ nilelo̱i nyieo̱ le̱, eetšṍ nilelo̱; ši moni ke̱ kwašiai bo̱ö̱ le̱, eena amane.

²¹ Ešafelo̱i le̱, efõṅ nyieo̱ ame̱se̱; ši dšalo̱i le̱, ake̱ ekpakpa woo̱ame̱ nyõmo̱.

²² Gbomo kpakpa šĩo gbošinii ehãa ebii abii; ši ešafelo̱ nii le̱, *dšalo̱ atĩaä abãa. *14,14. 19; 28,8. Dsads. 2,26.

²³ Niyenii pī ye̱ ohĩafoi aṅmõdši aši; ši mei pī ye̱ ní ame̱hĩe kpãtãa ye̱ dšale̱ sane ní ame̱yee hewo.

²⁴ Moni tšĩo̱ etšo nā le̱, ēnye̱ ebi le̱; ši moni sumoo̱le̱ le̱, edšeo̱ mrã etšo̱seo̱le̱. 22,16.

²⁵ Dšalo̱ yeo̱ nii še̱o̱ esusuma nā; ši meifõdši le̱, mũsũṅhõmo̱ yeo̱ame̱. Lal. 84,11.