Abe̱i 12 - Ṅmãle̱ Kroṅkroṅ Le̱

¹ Moni sumoo̱ tšo̱semo̱ le̱, esumoo̱ nilē; ši moni nye̱o̱ kãmo̱ le̱, koloṅ. 13,1. 16.

² Gbomo kpakpa hĩe aaba nyam ye̱ Iehowa hĩe; ši moni too̱ ṅā fõṅ le̱, eebule̱ fo̱.

³ Efõṅfemo̱ hãṅ mo afĩ ši; ši dšalo̱i ašišifã le̱ afãṅ gbĩkogbĩko. K. 12.

⁴ *Yō kpakpa le̱, ewù akekre dšile̱; ši yō fõṅ le̱, ewuiaṅ šăramo̱ ni. *31,10-31.

⁵ Dšalo̱i adſẽṅmo̱i dša; ši meifõdši aṅāwōi le̱, kũtũmpo̱o ni. 1 Man. 12,6-19.

⁶ Meifõdši awiemo̱i woo̱ lá ante̱o; ši dšalo̱i anābu aaſã amehe.

⁷ Abutuo̱ meifõdši, ni ame̱be̱; ši dšalo̱i awe le̱ aamã ši šiṅṅ. 10,25; Hiob 8,13-19.

⁸ Gbomo nilē nā adšieo̱ eyi; ši moni hĩe kũtũmpo̱o tšui le̱, aagbe ehe guo̱.

⁹ Moni abuule̱ ní ehùo̱ ehãa ehe le̱ ehĩ fè moni woo̱ le̱dientše̱ ehĩe nyam ni ebe̱ abolo.

¹⁰ Dšalo̱ nuo̱ he hãa ešĩa kolo tete; ši meifõdši amũsũṅtšõle̱ tete le̱, yiwã ni. 2 Mose 28,5.

¹¹ Moni hũo̱ ešikpoṅ le̱, eeto̱ ke̱ abolo; ši moni nyieo̱ yakanii ase̱ le̱, ebe yitšoṅ. 28,19.

¹² Mofõṅ dio̱ efõṅfelo̱i ayā mlinii le̱ se̱; ši dšalo̱i ašišifã le̱ woo yibii. K. 5.

¹³ Nākpamo̱ dši tšõne ni ake̱-dũo̱ mofõṅ; ši dšalo̱ aadše haomo̱ mli.

¹⁴ Gbomo dāṅ yibii aahã eto̱ ke̱ nii kpakpai, ni *gbomo ninenā nitšumo̱i ake-awole̱ nyõmo̱. *Rom. 2,6.

¹⁵ Bulu yo̱ ne̱, egbe̱ dša ye̱ ehĩe; ši moni dši nilelo̱ le̱, eboo̱ ṅāwō toi.

¹⁶ Bulu yo̱ ne̱, anaä emlifũ oyá; ši hĩetẽlo̱ ke̱ hĩegbẽle tēo̱.

¹⁷ Moni wieo̱ ano̱kwale faṅṅ le̱, edšieo̱ dšale̱ kpo; ši amale odasefonyo dšieo̱ šišiumo̱ kpo.

¹⁸ Moko ye̱ ní wieo̱ bambam, tamo̱ adũmoo̱ klante; ši nilelo̱ lile̱i tšáa mo. 13,3.

¹⁹ Ano̱kwa nābu aadamo̱ ši šiṅṅ ke̱-ate nāno̱; ši apasa lile̱i le̱, hĩṅme̱itſā ke̱ke̱ ehĩo̱ ši.

²⁰ Mei ní too̱ ṅã fõṅ le̱, šišiumo̱ ye̱ ametšuiṅ; ši hedšo̱le̱ he ṅāwolo̱i le̱ aaná mīše̱.

²¹ Musu ko musu ko yeṅ dšalo̱; ši meifõdši le̱, efõṅ aayimo̱ame̱ to̱.

²² *Apasa nābu le̱, Iehowa mīhĩ; ši mei ní yeo̱ ano̱kwa le̱, enáa ame̱he mīše̱. *6,17.

²³ Hĩetẽlo̱ ke̱ nilē tēo̱; ši kwašiai atšui šie̱o̱ kwašiafemo̱. 29,11.

²⁴ Mo̱deṅbo̱lo̱i anine aaye onukpa; ši hedsõlo̱ le̱, aatšũle̱ onĩa. 10,4.

²⁵ Gbomo tšui mli ṅko̱mo̱yeli hãa edo̱ö̱ komō̱; ši *wiemo̱ kpakpa hãa emī še̱o̱ ehe. *16,24.

²⁶ Dšalo̱ tšõo̱ enanyo gbe̱; ši meifõdši agbe̱ le̱ hãa ame̱dũo̱ gbe̱.

²⁷ Anihaolo̱ le̱ nine še̱ṅ emĩle̱lo le̱ no̱; ši mo̱deṅbō̱ le̱, gbomei anoko ní dšra wa ni. K. 24.

²⁸ Wala yo̱ dšale̱ gbe̱ le̱ no̱, ni gbĕle be̱ etempõṅ le̱ no̱