5 Mose 4 - Ṅmãle̱ Kroṅkroṅ Le̱

¹ Ni agbe̱ne̱, Israel, bo akpo̱i ke̱ mlai ní mitšõo̱nye le̱ toi ní nyeye ṅo̱, koni nyeyi aná wala, ni nyeya nyeyaṅõ šikpoṅ ní Iehowa, nyetše̱mei a-Nyoṅmo̱ le̱, ke̱-hãanye le̱.

² Nyekaṅõa noko nyefataä kitã ní miwoo̱nye ne̱ he, ni asaṅ nyekadšiea noko ye̱ mli, ši nyeyea Iehowa, nye-Nyoṅmo̱ le̱, kitãi ní miwoo̱nye ne̱ no. 13,1. Abe̱i 30,8. Kpods. 22,18. 19.

³ Nyehĩṅme̱ii ena noni Iehowa fe ye̱ Baal-Peor hewo̱ le̱; edšake̱ nū-fẽ-nū ní yanyie Baal-Peor se̱ le̱, Iehowa, o-Nyoṅmo̱ le̱, kpãtã ehĩe ye̱ nyeteṅ. 4 Mose 26,3-9.

⁴ Ši nye mei ní nyekpe̱te̱ Iehowa, nye-Nyoṅmo̱ le̱, he le̱, nyefẽ tſẽm nyeyi ená wala ke̱ ṅme̱ne̱.

⁵ Na, mitšõnye akpo̱i ke̱ mlai, take̱ bo̱ni Iehowa, mi-Nyoṅmo̱ le̱, ewomi kitã le̱, koni nyeye no̱ ye̱ šikpoṅ ní nyeyaä nyeyaṅõ le̱ no̱.

⁶ Nohewo̱ le̱ nyeyea no̱ ni nyefea; edšake̱ no noṅṅ batšṍ nyenilē ke̱ nyeṅā ye̱ mãdši ní aanu ne̱ke̱ akpo̱i ne̱ fẽ le̱ ahĩe, ni ame̱akē̱: Le̱le̱ṅ, maṅ ní le nii ni ame̱le ṅā dši ne̱ke̱ maṅ kpeteṅkple ne̱!

⁷ Edšake̱ nẽ maṅ kpeteṅkple ko yo̱, ni eyo̱ nyoṅmo̱i ní be̱ṅke̱o̱ame̱, tamo̱ bo̱ni Iehowa, wo̱-Nyoṅmo̱ le̱, be̱ṅke̱o̱wo̱ befẽbe ní wo̱tšé̱o̱le̱ le̱? 38,23. 2 Sam. 7,23.

⁸ Ni nẽ maṅ kpeteṅkple ko hũ yo̱ ní yo̱ akpo̱i ke̱ mlai ní dša tamo̱ ne̱ke̱ mla ne̱ fẽ ní miṅõ-ṅmẽo̱ nyehĩe ṅme̱ne̱ ne̱?

⁹ Ši kwe̱mo̱ ohe ní ahĩ ke̱ke̱ ní ohĩe ahĩ ohe no̱ dšogbäṅ, koni *ohĩe akadše sãdši ní ohĩṅme̱ii ena le̱ ano̱, ni ame̱-kadše otšui mli owala gbĩĩabo̱ fẽ, ni ohã obii ke̱ onãbii ale, *Lal. 103,2.

¹⁰ titri le̱ gbĩ ni *odamo̱ Iehowa, o-Nyoṅmo̱ le̱, hĩe ye̱ Horeb, beni Iehowa ké̱mi ake̱: Buamo̱ maṅ le̱ nā ohãmi, ni mahã amenu miwiemoi le̱, ní ame̱ke̱-kase migbeyeišemo̱ gbĩīabo̱ fẽ ní ame̱yo̱ dšeṅ le̱, ni *ame̱ṅõ-tšo ame̱bii le̱ hũ. *2 Mose 19,17. †5 Mose 6,7; 11,19.

¹¹ Ni nyetši nyebe̱ṅke̱ ni nyebadamo̱ goṅ le̱ šiši, ni goṅ le̱ here ke̱ la ke̱-te ṅwei šoṅṅ, ni ewo duṅ ke̱ atatu ke̱ oblo̱tu.

¹² Ni Iehowa dše̱ la le̱ mli eke̱nye wie; nyenu wiemo̱i le̱ agbē̱mo̱, ši nyenaa subãṅ ko, ake̱ gbē le̱ ke̱ke̱ nyenu.

¹³ Ni edšadše ekpãṅmo̱ le̱ ní ewonye kitã ake̱ nyeye no̱ le̱ etšõnye, no dši wiemo̱i nyoṅma le̱ ní *eṅmã ye̱ te̱i te̱tre̱bii enyo̱ no̱ le̱. *2 Mose 31,18.

¹⁴ Ni Iehowa womi kitã ye̱ nakai be le̱ mli ake̱ mitšõnye akpo̱i ke̱ mlai le̱, ní nyeye no̱ ye̱ šikpoṅ ní nyefoo̱ mli ke̱-ya ní nyeyaṅõ le̱ no̱.

¹⁵ Nohewo̱ le̱ nyekwe̱a nyehe no̱ ní ahĩa; edšake̱ gbĩ no̱ ní Iehowa dše̱ la le̱ mli ke̱nye wie ye̱ Horeb le̱ nyenaa subãṅ ko subãṅ ko:

¹⁶ koni nyekaye sane fõṅ ní nyefe *amãgã ko ní tamo̱ nū lo yō heno̱ nyehã nyehe, *2 Mose 20,4.

¹⁷ alo šĩa kolo ní yo̱ šikpoṅ le̱ no̱ le̱ heno̱ ko, alo loflõ fiikilo̱ ní flikio̱ ye̱ ṅwei le̱ heno̱ ko,

¹⁸ alo noko ní wamoo̱ ye̱ sũ mli le̱ heno̱ ko, alo lō ko ní yo̱ nu mli ye̱ šikpoṅ le̱ šiši le̱ heno̱ ko;

¹⁹ ni ké̱ ohole ohĩṅme̱ii ano̱ ke̱-te ṅwei ni *okwe̱ hũlũ ke̱ nyoṅtšĕre ke̱ ṅulamii le̱ ní dši ṅwei asafo le̱ fẽ le̱, kāhã ame̱gblao ní oyadšáame̱ ni osúmo̱-ame̱; edšake̱ Iehowa, o-Nyoṅmo̱ le̱, sāame̱ eto ehã mãdši fẽ ní yo̱ ṅwei šiši le̱. *17,3.

²⁰ Ši nye le̱, Iehowa eṅõnye, ni edšienye ke̱-dše̱ dade flõnõ le̱ mli, ke̱-dše̱ Mizraim, koni nyefe *no̱yeli maṅ nyehãle̱, tamo̱ bo̱ni nyeyo̱ ṅme̱ne̱ gbĩ ne̱ le̱. *3 Mose 19,5. 6.

²¹ Ni nyehewo̱ le̱ Iehowa námi mlifũ, ni ekã kitã ake̱ mifoṅ Iordan ni miyaṅ šikpoṅ kpakpa ní Iehowa, o-Nyoṅmo̱ le̱, ke̱-hãao ake̱ onõ le̱ no̱. 3,26.

²² Edšake̱ mi le̱ mibagbo ye̱ bie̱ šikpoṅ ne̱ no̱ ni mifoṅ Iordan; ši nye le̱ nyebafo ní nyeyanõ nakai šikpoṅ kpakpa le̱.

²³ Nyekwe̱a nyehe ní ahĩa, koni nyehĩe akadše Iehowa, nye-Nyoṅmo̱ le̱, kpãṅmo̱ ní eke̱nye ekpãṅ le̱ no̱, ni nyeyafe nibii fẽ ní Iehowa, o-Nyoṅmo̱ le̱, eguo le̱ eko no̱ amãgã.

²⁴ Edšake̱ Iehowa, o-Nyoṅmo̱ le̱, la ní šãa mo kwrakwra dšile̱, Mawu awuṅãyelo̱ ni! 9,3. 2 Mose 20.5. Ies. 10,17. Heb. 12,29.

²⁵ Ke̱dši oná bii ke̱ nãbii ni nyetše̱ ye̱ šikpoṅ le̱ no̱, ni nyeye sane fõṅ, ni nyefe noko no̱ amãgã, ni nyefe noni dši efõṅ ye̱ Iehowa, o-Nyoṅmo̱ le̱, hĩe, ni nyewo emli la le̱,

²⁶ no le̱ ṅme̱ne̱ *mītšé̱ ṅwei ke̱ šikpoṅ ní ame̱ye odase ame̱šinye, ake̱ kpãtãmo̱ nyehĩe bakpãtã oyá ke̱-adše̱ šikpoṅ ní nyebafo Iordan ke̱-ya ní nyeyaṅō le̱ no̱; nyeyeṅ gbĩ ko ye̱ no̱, ši moṅ kpãtãmo̱ aakpãtã nyehĩe. 30,19; 31,28; 32,1.

²⁷ Ni Iehowa aagbe̱nye aſã dšeṅmãdši le̱ amli, ni aaſe̱ nyeteṅ mei fiō ke̱ke̱ ye̱ dšeṅmãdši ní Iehowa aakplanye ke̱-ate le̱ ateṅ.

²⁸ Ni dše̱i nyeayasúmo̱ nyoṅmo̱i ní dši gbomei anine nā nitšumo̱i ye̱, tšei ke̱ te̱i, nii ní enaa nii, ni ame̱nuu nii, ni ame̱yee nii, ni ame̱nuu nii afũ le̱. 28,36. Lal. 115,4-7.

²⁹ Ši ke̱dši nyetao Iehowa, o-Nyoṅmo̱ le̱, ye̱ dše̱i le̱, no le̱ oonale̱, ke̱dši otao ese̱gbe̱ ke̱ otšui fẽ ke̱ osusuma fẽ le̱. Lal. 27,8. Ies. 29,13. 14.

³⁰ Be mli ní oyo̱ amanehũlũ mli ni ene̱mei fẽ eba ono̱ ye̱ nāgbẽ gbĩĩ le̱ ano̱ le̱, no le̱ ookũ ose̱ ke̱-aba Iehowa, o-Nyoṅmo̱ le̱, ṅõ, ni oobo egbẽ toi. 3 Mose 26,40.

³¹ Edšake̱ Mawu ní mũsũṅ tšõo̱le̱ dši Iehowa, o-Nyoṅmo̱ le̱; ekwaṅo ni asaṅ ekpãtãṅ ohĩe, ni ehĩe kpaṅ otše̱mei le̱ akpãṅmo̱ ní ekã no̱ kitã ehãame̱ le̱ no̱.

³² Edšake̱ agbe̱ne̱ bi gbĩĩ ní eho ní etšṍ ohĩe le̱ amli sane, ke̱-dše̱ gbĩ no̱ ní Nyoṅmo̱ bo̱ gbomo ye̱ šikpoṅ le̱ no̱, ni asaṅ ke̱-dše̱ ṅwei nāgbēhe kome ke̱-yaši ṅwei nāgbẽhe kroko le̱, ake̱ aye sane ko ni tamo̱ ne̱ke̱ sane kpeteṅkple ne̱, alo anu sane ko ní tamo̱ no lo?

³³ Ani maṅ ko enu *Nyoṅmo̱ gbē mīwie ke̱-mīdše̱ la mli dã, take̱ bo̱ni bo le̱ onu le̱, ni ame̱yi ená wala? *2 Mose 20,1. 19.

³⁴ Alo Nyoṅmo̱ eka ni eba ebadšie dšeṅmaṅ ko ke̱-dše̱ dšeṅmaṅ kroko mli ye̱ *kāi anā, ke̱ okadii anā, ke̱ nākpe̱nii anā, ke̱ tawū nā, ke̱ ninešiwale̱ nā, ke̱ nine ní akpã mli nā, ke̱ gbeyeinii wudši anā, tamo̱ bo̱ni Iehowa, nye-Nyoṅmo̱ le̱, fe hãnye ye̱ Mizraim ye̱ nyehĩṅme̱iaṅ le̱ lo? *7,19.

³⁵ Bo le̱, ahã ona, koni ole ake̱ Iehowa le̱, le̱ ekome dši Nyoṅmo̱, ni mokomoko be̱ ese̱ doṅṅ. 32,39.

³⁶ Ṅwei tō̃ ehã onu egbē ke̱-dše̱, koni eke̱-tšo̱seo, ni šikpoṅ le̱ no̱ hũ ehã ona ela kpeteṅkple le̱, ni ewiemo̱i le̱ onu ke̱-dše̱ la le̱ teṅ.

³⁷ Ni edšake̱ši esumo̱ otše̱mei le̱ hewo̱ le̱, ehala ame̱sešibii ní baä ye̱ ame̱se̱ le̱, ni *le̱dientše̱ eke̱ ehewale̱ kpeteṅkple le̱ dšieo ke̱-dše̱ Mizraim, *2 Mose 33,14.

³⁸ koni eſie dšeṅmãdši wudši ni he wa fèo le̱ ke̱-dše̱ ohĩe, ni eke̱o aba dše̱i, ni eṅõ ame̱šikpoṅ le̱ ehão ake̱ onō, take̱ bo̱ni eba mli ṅme̱ne̱ ne̱.

³⁹ Nohewo le̱ ṅme̱ne̱ ná ole ni oke̱-to otšuiṅ, ake̱ Iehowa le̱, le̱ dši Nyoṅmo̱ ní yo̱ ṅwei ke̱ šikpoṅ le̱ no̱; ese̱ le̱ moko be̱.

⁴⁰ Nohewo̱ le̱ ye ekpo̱i ke̱ ekitãi ní miwoo̱o ṅme̱ne̱ ne̱ no̱, koni ahĩ ahão ke̱ obii ni baã ye̱ ose̱ le̱, ni ogbĩĩ ase̱ atše̱ ye̱ šikpoṅ ní Iehowa, o-Nyoṅmo̱ le̱, ke̱-hãao le̱ no̱ dā.

⁴¹ No be le̱ mli Mose hala *mãdši etẽ ye̱ Iordan se̱, ye̱ bokãgbe̱ le̱, *4 Mose 35,6-29. 5 Mose 19,2-13.

⁴² koni gbomogbelo̱, ní nine eyakpa ye̱ enanyo no̱ ní dšee nye̱ enye̱le̱ eto le̱, adšo foi ke̱-ya dše̱i, ni ké̱ edšo foi ke̱-te ne̱ke̱ mãdši ne̱ eko mli le̱, ni eyi aná wala:

⁴³ ehala Bezer ní yo̱ ṅã le̱ no̱ ye̱ šikpoṅ tre̱nē̱ le̱ no̱ le̱ ehã Rubenbii le̱ ke̱ Ramot ye̱ Gilead ehã Gadbii le̱ ke̱ Golan ye̱ Bašan ehã Manasebii le̱.

⁴⁴ Ni mla ní Mose ṅõ-ṅmẽ Israelbii le̱ ahĩe le̱ ne̱.

⁴⁵ Nomei dši odasei ke̱ akpo̱i ke̱ mlai ní Mose dšadše tšõ Israelbii le̱, beni ame̱dše̱ Mizraim ame̱ba le̱,

⁴⁶ ye̱ Iordan se̱ dšō̱ le̱ ní kã Bet-Peor ṅe̱le̱no̱ le̱ mli, ye̱ Amorbii amaṅtše̱ Sihon ní hĩ Hešbon ní Mose ke̱ Israelbii le̱ gbe le̱, beni ame̱dše̱ Mizraim ame̱ba le̱, šikpoṅ le̱ no̱,

⁴⁷ ni ame̱ṅõ ešikpoṅ le̱ ke̱ Bašan maṅtše̱ Og šikpoṅ le̱, mei ní dši Amorbii amaṅtše̱mei enyo̱ ní yo̱ Iordan se̱ ye̱ bokãgbe̱ le̱,

⁴⁸ ke̱-dše̱ Aroer ní kã Arnon fā le̱ nā le̱ ke̱-yaši *Sion goṅ ní dši Hermon le̱ he, *3,8. 9.

⁴⁹ ke̱ ṅã kplenē le̱ fẽ ní yo̱ Iordan se̱ ye̱ bokãgbe̱ le̱ ke̱-yaši ṅã kplenē le̱ no̱ ṅšo̱ le̱ nā ye̱ Pisga goṅ le̱ šiši le̱.