5 Mose 34 - Ṅmãle̱ Kroṅkroṅ Le̱

¹ Ke̱ke̱ ni Mose dše̱ Moab ṅã kplenē le̱ no̱ ekwo̱ Nebo goṅ le̱ ke̱-te Pisga yiteṅ ye̱ Ieriko ṅe̱le̱no̱; ni Iehowa *ke̱ šikpoṅ le̱ fẽ tšole̱: Gilead ke̱-yaši Dan, *3,27.

² ke̱ Naftali fẽ, ke̱ Efraim ke̱ Manase šikpoṅ le̱, ke̱ Iuda šikpoṅ le̱ fẽ ke̱-yaši anaigbe̱ ṅšo̱ le̱ nā,

³ ke̱ wuoyigbe̱ le̱, ke̱ Ieriko ní dšì tẽṅi amaṅ le̱, dšō̱ le̱ṅ ṅã kplenē le̱ ke̱-yaši Zoar.

⁴ Ni Iehowa kē̱le̱ ake̱: Šikpoṅ le̱ ni mikã Abraham ke̱ Isak ke̱ Iakob kitã ye̱ he ake̱: *Mike̱-bahã osešibii le̱ ne̱. Mihã ona ke̱ ohĩṅme̱ii; ši yā ni oyaṅ dše̱i. *1 Mose 12,7.

⁵ Ke̱ke̱ ni Mose, Iehowa tšũlo̱ le̱, gbo ye̱ dše̱i ye̱ Moab šikpoṅ le̱ no̱ ye̱ Iehowa wiemo̱ le̱ nā. 32,50.

⁶ Ni *efũle̱ ye̱ dšō̱ le̱ṅ ye̱ Moab šikpoṅ le̱ no̱, ye̱ Bet-Peor ṅe̱le̱no̱; ši mokomoko lee esaṅ ke̱-baši ṅme̱ne̱. *Iuda 9.

⁷ Ni Mose eye afii oha ke̱ nyoṅmai-enyo̱, beni egbo le̱. Ehĩṅme̱ii ano̱ efekole̱ tūtū, ni ehewale̱ no̱ gbo̱ko.

⁸ Ni Israelbii le̱ fó Mose *gbĩĩ nyoṅmai-etẽ so̱ṅṅ ye̱ Moab ṅã kplenē le̱ no̱; dãni ame̱gbe Mose yărafemo̱ ke̱ yāfó gbĩĩ le̱ anā. *4 Mose 20,29.

⁹ Ni *Iošua, Nun bi le̱, mli yi obõ ke̱ nilē mumo̱; edšake̱ Mose eṅõ enidši eſie eno̱. Ni Israelbii le̱ bole̱ toi, ni ame̱fe bo̱ni Iehowa wo Mose kitã le̱. *4 Mose 27,18.

¹⁰ Ni gbalo̱ ko etee ši doṅṅ ye̱ Israel ni tamo̱ Mose ní Iehowa ke̱le̱ kpe *hĩe ke̱ hĩe, *2 Mose 33,11. 4 Mose 12,6-8.

¹¹ ye̱ okadii ke̱ nākpe̱nii fẽ ní Iehowa tšũle̱ ní eyafe ye̱ Mizraim šikpoṅ le̱ no̱ etšõ Farao ke̱ etšũdši le̱ ke̱ ešikpoṅ le̱ fẽ le̱ agbe̱fãṅ,

¹² ke̱ ninešiwale̱nii ke̱ gbeyeinii wudši fẽ ní Mose fe ye̱ Israel fẽ hĩe le̱ agbe̱fãṅ.