5 Mose 33 - Ṅmãle̱ Kroṅkroṅ Le̱

¹ Ni dsō̱mo̱ ní Nyoṅmo̱ gbomo Mose ṅõ-dšō̱ Israelbii le̱ dãni egbo ne̱.

² Ni ekē̱: Iehowa dše̱ Sinai ba, epue ke̱-dše̱ Seir ehãame̱, ekpe̱ ke̱-dše̱ Paran goṅ le̱ no̱; ni *edše̱ mei kroṅkroṅi akpei-nyoṅma teṅ eba, la-mla dše̱ eninedšŭrõṅ hãame̱. *Iuda 14.

³ Hẽ, edo̱ö̱ emaṅ le̱ he, emei kroṅkroṅi le̱ fẽ ye̱ odeṅ! Ni ame̱ le̱, ame̱kãmo̱ ona-dši anā, ame̱mībo owiemo̱i le̱ atoi.

⁴ Mla ní Mose wowo̱, ní dši Iakob asafo le̱ gbošinii le̱.

⁵ Ni *etšṍ maṅtše̱ ye̱ †Iešurun, beni **maṅ onukpai le̱ ke̱ Israel akutšei le̱ fẽ ebabua ame̱he nā le̱. *2 Mose 15,18. †Ies. 44,2. **2 Mose 19,7. 8.

⁶ Ruben yi aní wala ni ekagbo, ní emei le̱ ayi afá!

⁷ Ni Iuda dšō̱mo̱ ne̱; ekē̱: Iehowa, bo Iuda gbē toi, ni oke̱le̱ aba emaṅ le̱ ṅõ! Oke̱ onidši awu ahãle̱, ni oye obuale̱ ke̱-dše̱ ehenye̱lo̱i le̱ adeṅ!

⁸ Ni Levi le̱, ekē̱ ye̱ ehe ake̱: *O-tumim ke̱ o-urim le̱ ahĩ omokroṅkroṅ le̱ ṅõ, moni †oka ye̱ Masa, ní oke̱le̱ bé ye̱ Meriba nu le̱ he. *2 Mose 28,30. †2 Mose 17. 4 Mose 20.

⁹ Moni *kē̱ ye̱ etše̱ ke̱ enye he ake̱: Minakole̱! ni enyemimei le̱, ekwe̱e̱ ame̱hĩe, ní ebii le̱, eleeame̱ le̱; edšake̱ ame-kpe̱te̱ owiemo̱ le̱ he, ni ame̱ye okpãṅmo̱ le̱ no̱; *Mat. 10,37. 2 Mose 32,26-29.

¹⁰ ame̱atšõ Iakob okpo̱i le̱, ni ame̱atšõ Israel omlai le̱; ame̱aṅõ tšofã-ke̱-ṅma ame̱ato ogugõ nā ke̱ šā̃-afo̱lei mudši hũ ye̱ ofo̱lešãlate̱ le̱ no̱.

¹¹ Iehowa, dšō̱mo̱ edeṅ nii, ni ohã enine nā nitšumo̱ asa ohĩe! Tſiamo̱ mei ní teo̱ ši woo̱le̱ le̱ ahe̱i anii ke̱ ehenye̱lo̱i le̱ hũ, ni ame̱kate ši doṅṅ!

¹² Ni Benyamin le̱, ekē̱ ye̱ ehe ake̱: Iehowa suo̱lo̱ dšile̱, ni ehĩo̱ eṅõ ſeſēſe; ebuo̱ eno̱ gbĩ-fẽ-gbĩ, ni ekõdši ateṅ ehĩo̱.

¹³ Ni Iosef le̱, ekē̱ ye̱ ehe ake̱: Iehowa adšō̱ ešikpoṅ le̱ ke̱ ṅwei nibii ní dšra wa, ní dši bó̱ le̱, ke̱ bu kwo̱ṅkwo̱ṅ ní yo̱ šiši le̱,

¹⁴ ke̱ nii ní hũlũ hãa baä le̱ amli nibii ní dšra wa, ke̱ nii ní nyoṅtšĕre hãa ekwẽo̱ le̱ amli nibii ní dšra wa,

¹⁵ ke̱ blema gõdši le̱ ayiteaṅ nibii ke̱ nāno̱ goṅkpo̱i le̱ amli nibii ní dšra wa,

¹⁶ šikpoṅ ke̱ eno̱ nii babaō le̱ mli nibii ní dšra wa! Ni moni *hĩ ṅmeitšo le̱ mli le̱ aná Iosef he mīše̱, ni emīše̱ le̱ aba enyemimei le̱ ateṅ †Nazirnyo le̱ yiteṅ pampamso! *2 Mose 5,2. †1 Mose 49,26.

¹⁷ Ehewale̱ tamo̱ tšina kromo̱bi nõ, ni eko dši le̱, wuo kodši ni; nomei eṅõ-šimo̱ mãdši le̱ fẽ tſẽm ke̱-ate šikpoṅ nāgbēhei le̱. Ni ame̱dši Efraim akpei-nyoṅma le̱, ni ame̱ noṅṅ dši Manase akpei le̱.

¹⁸ Ni Zebulon le̱, ekē̱ ye̱ ehe ake̱: Nyã́, Zebulon, ye̱ oṅšo̱-hĩe-nyiemo̱ hewo̱; ni bo, Isakar hũ, nyã́ ye̱ obūi le̱ amli!

¹⁹ Ame̱atšé̱ mãdši ke̱-ate goṅ le̱ no̱, dše̱i ame̱ašã dšale̱-afo̱lei ye̱; edšake̱ ame̱-aye ṅšo̱i amli nifále̱ ke̱ Sia mli dſetrii ní aṅõ-tē le̱.

²⁰ Ni Gad le̱, ekē̱ ye̱ ehe ake̱: Aadšō̱ moni lē̱o Gad mli; ebu ši tamo̱ dšatayō, ni etšĕre̱o̱ nine ke̱ yiteṅ pampamso fẽ.

²¹ Ni eko̱ noni dši kleṅkleṅnõ le̱ ehã ehe; edšake̱ dše̱i mlawolo̱ ní ato le̱ gbe̱nā yo̱. Ni eke̱ maṅ onukpai le̱ nyie, ni eye Iehowa dšale̱ sane le̱, ni ekodšo ye̱ Israel. 4 Mose 32.

²² Ni Dan le̱, ekē̱ ye̱ ehe ake̱: Dan le̱, dšatabi ni, eetumo̱ ke̱-adše̱ Bašan.

²³ Ni Naftali le̱, ekē̱ ye̱ ehe ake: Naftali, bo le̱ oto̱ ke̱ dromo̱, ni oyi obõ ke̱ Iehowa dšō̱mo̱ le̱; ṅõ anaigbe̱ ke̱ wuoyigbe̱ le̱ ofe onõ!

²⁴ Ni Ašer le̱, ekē̱ ye̱ ehe ake̱: Aadšō̱ Ašer ke̱ bihĩĩ! Hã enyemimei le̱ asumo̱ esane, ni eṅõ enane etše̱ mũ mli!

²⁵ Otokotai afe dade ke̱ akō̱ble, ni bo̱ni ogbĩĩ le̱ yo̱ le̱, nakai ohewale̱ aafe!

²⁶ Mokomoko be̱ ní tamo̱ *Iešurun Nyoṅmo̱ le̱, moni táa ṅwei no̱ ke̱-hoo̱, ní ebaye ebuao, ni egbodšē mli le̱ etáa atatui ano̱! *Ies. 44,2.

²⁷ Nāno̱ Nyoṅmo̱ le̱ dši obobāhe, ni nāno̱ nidši le̱ ye̱ šišigbe̱. Ni eeſie henye̱lo̱ le̱ ye̱ ohĩe, ni eekē̱ ake̱: Fitemo̱ame̱!

²⁸ Ni Israel *aahĩ ši ſeſēſe, ni Iakob nubu le̱ aahĩ ši ekometō ye̱ able ke̱ wein šikpoṅ le̱ no̱; eṅwei le̱ hũ aaso̱o bó̱ aſie ši. *4 Mose 23,9.

²⁹ Adšō̱o, Israel! Namo tamo̱ bo? Maṅ ní Iehowa ehere oyiwala! Moni dši oyeli-ke̱-buamo̱ tše̱ṅ, ke̱ ogbodšē klante le̱! Ni ohenye̱lo̱i le̱ aaſie ame̱nā ši ahão; ši bo le̱ oonānā ame̱hei groṅṅi le̱ ano̱. 4,7. 8. Lal. 33,12; 144,15.